Total Pageviews

Sunday, November 18, 2007

إنت مين فيهم

إنت مين فيهم ..
اللي راح اشتغل وبقى كسّيب ؟
ولا اللي فاته القطرررر ؟

في انتظار ردودكم اللازعة \ الفاجرة \ المسخرة في حدود جميلة واحدة فقط ، وسوف يتم نشر الردود المتميزة في مجلة جديدة أعمل على إعدادها حاليا
خلوها مفاجأة :)

27 comments:

Anonymous said...

على فكرة
فى فئة من الشباب ممكن تكون انت مش عارفها يا اشرف و علشان كدة الإعلان دة بيستفزك
فئة التنابلة
الشباب القعيد بمزاجه
دى فئة موجودة فعلاً .. علشان كدة الإعلان دة مش بيستفزنى .. عشان انا أعرف من الفئة دى كتير
أعرف واحد مثلاً .. وصل 30 سنة و لسة قاعد فى البيت و ابوه بيصرف عليه .. حتقول مش لاقى شغل .. حقولك لأ الشغل موجود لكن مش على مزاجة .. لأنه مصمم ان الشغل يعنى الشغل فى الحكومة و ان القطاع الخاص ده إستعباد .. و الكلام الفاضى دة
بالذمة ده مش يبقى من التنابلة؟
و يبقى هو و أمثاله محتاجين مليون إعلان و مليون قلم على قفاهم علشان يصحوا و يفوقوا من التنبلة
أنا طبعاً بتكلم عن التنابلة مش الشباب اللى بيدور فعلاً و مش لاقى نتيجة نقص المهارات
خلى بالك
الإعلان ده موجه للتنابلة..لو بصليتله بالنظرة دى مش حيستفزك بعد كدة

أشرف حمدي said...

صديق عمري خليل
انا متفق معاك طبعا ، ولكن أنا باصص للإعلان من ناحية تانية خالص :)
يعني ايه مثلا أبقى خريج كلية طب أو هندسة أو علوم أو تجارة أو حقوق وأروح اشتغل عامل في مصنع ؟
لأكتر من سبب الفكرة دي عبثية
أولا : طب انا اتعلمت ليه من الأول أساسا ؟ ماكنت أدخل صنايع من الأول بلا مذاكرة بلا دروس

ثانيا : ايه علاقة واحد خريج طب بالمصانع ؟ عامل المصنع لازم تتوافر فيه شروط كتيرة ولازم يكون متدرب كويس جدا وفاهم صنعته كويس

ثالثا : الموضوع لو كانوا عاوزين شغل صح بقى يبقى تصنيف الطلاب من مرحلة ثانوي مين يدخل ثانوية عامة ومين يدخل صنايع
لأن فيه كتير جدا بيدخلوا ثانوية عامة وياخدوا دروس كتير ويخربوا بيت أهاليهم وفي الآخر يفشلوا لأن كان الأفضل ليهم يدخلوا صنايع ساعتها حيبقى كل واحد في مكانه الصح

اللي مش لاقي شغل يروح يدرس لغات أو كمبيوتر أو اي مجال تاني يكون الشغل فيه مطلوب
انما واحد معاه بكالوريوس علوم مثلا ويروح يبقى عامل في مصنع ده الي اسمه عك يدعو للسخرية :)

لينا قعدة قريب ان شاء الله
نسيب الناس بقى دلوقتي تقول كلمتها
جملة واحدة بس يا جماعة وحتتنشر بصورة البروفايل بتاعة صاحبها
تحياتي

mohamed hassan said...

انا كسيب بيب بيب
قطري مولع و شغلي عجيب
اتعلمت ولا اتقدمت
ياريتني طلعت واد هليب

semsem said...

اشتغلت موظفه بتلات ملاليم ونص يا خسراه اللى صرفوة اهلى عليا

Unknown said...

احمد ربك يا بوى ان الجطر فاتك دول بيولعوا اليومين دول
خليك جنبنا يا ولد طاولتك اولى بيك

Unknown said...

على جنب : على استعداد تحويل مسار وادخل زراعه المهم مقعدش على القهوه
دى بلدنا بتتقدم بينااااااا
ولا ايييييه

لو بطلنا نحلم نموت said...

انا الي سايق القطر

Anonymous said...

القطر ما فاتنيش طبعًا .. لإنه داس عليا من زمان

m.bazeed said...

هيه مجرد مجموعه من الاسئله:
لو القطر طلع وانا مالحقتوش ايه معاد القطر الى بعده..؟؟

طب لو القطر ده مصر (لأن مصر طبعا بتتقدم بينا) والقطر طلع من غيرى يبقى ايه الموضوع ...مصر طلعت وسابتنى...؟؟

طب لو مصر طلعت وسابتنى يبقى انا فين يا جدعان ..المحطة على الحدود ولا كدة دخلنا فى وسط افرقيا ..؟؟

طب سيبك انت ..لو الواحد لحق القطر وركبه اهم سؤال يطرح نفسه.......تفتكر هالاقى مكان اقعد ولا هاتشعبط؟؟

طب لو قعدت فى القطر تفتكر هيعدى على كوبرى القبه فى طريقه ...؟؟

طب لو طلع مابيعديش على كوبرى القبة تفتكر هالحق الى بيروح؟؟

اخر سؤال :
تفتكر وانا رايح اخطب البنت واقول لاهلها ان انا واد كسيب ومكافح فى مصنع حلاوة طحينيه ...تفتكر اخد معايا مفك صليبه ولا مفتاح انجليزى؟؟؟

Anonymous said...

أنا القطر

أسامه يوسف said...

لأ أنا العبيط علشان اتعلمت من اساسه

Haitham Abu Akrab said...

اللي راح اشتغل
.
.
.
.
.
.
.
.
.
.
.

Anonymous said...

أنا اللي هشيل الفلنكات وأقلب القطر

See You said...

:)

في الواقع , مدونتك مميزة جداً و انا متابعها من فترة , و معجب بطريقة كتابتك .. , حطيت لينك مدونتك عندي !

احمد يحيى

لو بطلنا نحلم نموت said...

يا استاذ اشرف انا كان في 2 ايميل بعتهوم
معرفش جولك ولا لا
وياريت تقولي لو الايميل الي ببعت عليه غلط
بتاع ال
gmail

MAKSOFA said...

والله أنا خايفه يكون الأعلان ده وهم وبيلموا فلوس من المكالمات دي وخلاص

آخــر قــرصان said...

انا مادخلتش المحطة اساسا
راحت عليا نومة زى مابتروح على نص شباب مصر

Anonymous said...

انا اللي فاته القطررررر
بس هاخد اول ميكروباظ ... او تكتك (والمجد كل المجد للتكتك) ووراكوا جري

تامر حسين said...

واشمعنه الي الي ركب القطر ليه ميكونش مكروباص يعني
او حتي اتشعبط ومركبش
او من الي ركبو القطر ولعبو في الجزرايه بتاعه الفرامل ولبس في المحطه
او الي ولع بيهم القطر
او الي سطح
او الي باع امشاط وفليات في القطر
او حتي من الي عزمو القطر
تحياتي يا فنان ومستني ردك في مدونتي الي بقالك كتييييييييير مشرفتنيش فيها ومليتها ضحك لحد مجالي القلب هههه
تحياتي تاني غير الاولانيه

تامر حسين said...

طيب صحيح اشمعنه الي ركبو القطر والي ملحقوش القطر
متخلوها من الي باعو امشاط وفليات في القطر او الي سطحو علي القطر
او الي لعبو في جزره الفرامل واتقلب بيهم القطر
او الي ولع بيهم القطر وهما ملهومش زنب او حتي من الي اشترو القطر
وكمان اشمعنه قطر ميخلوه مكروباص
او حتي توكتوك
والله اعلانات مستفزه وكام 90 في الميه كدب والعشره الي في الميه كدب بردو
يالله اهي دنيا
وغير كده يا فنان انته بقالك بتاع تلتين سنه مجتش مدونتي ومنورتهاش بتعليقاتك اللاذعه
مستنيك انشاله حتي متكتبش تعليق بس اشو صورتك منوره عندي
تحياتي

Unknown said...

صحيح اشمعنى القطر
احنا بتوع الاتوبيس
طمنا عليك يا ريس اخبارك ايه

Dr. Tantawy said...

انا اللى اتشعبط ف القطر و اتبهدلت وراه لحد ما زهقت و رميت نفسي وانتحرت منهم لله

الاعلان ده فعلا مستفز .. ربنا يحرقهم كلهم بجاااااااااز هههه

Anonymous said...

والله يا باشا مش كل القعدين دول قعدين علشان مش لقيين شغل لا سمح الله
بس ليه وجع الدماغ وأم الوش بتاع الستات ومشاكلهم
احنا والله عندنا دكتور في الكلية ... بس ايه دكتور كبير أوي
ولسة ما اتجوزش
الراجل بيروح كل صيف يقضيه برة في ألمانيا ومريح دماغه
ويجي يأرفنا احنا في الامتحنات
:(

adhm said...

انت شكلك كدة ركبت القطر

koukawy said...

ياه ده اعلان مستفز اوي
و اكتر حته بتستفزني ........ عفوا لكل مين حاول يتصل و لقي الخطوط مشغوله احنا زودنا الخطوط عشان نعرف نرد علي جميع مكالمتكم
انا بقي حاولت الحق القطر الصراحه و سواق القطر جه علي نفسه كتير و استناني اكتر من اللازم بس رمسيس زحمه زي ما انت عارف
و عقبال ما وصلت محطة مصر كان السواق بتاع القطر فاض بيه و مشي و سابني
كان ليهم حق
انا كان لازم اقوم من علي القهوه بدري شويه بس اعمل ايه في الداء المنيل بتاع الطوله
هما دول اصدقاء السوء

koukawy said...

انا موتني من الضحك تعلي
M.bazeed

Anonymous said...

أنا اللي اشتغل ..
و برضه ..
داسه القطر

Counter