Total Pageviews

Sunday, June 08, 2008

ضار جدا بالصحة

صعوبات كثيرة واجهتني وانا أعد هذا الفيلم القصير إن كان من الممكن أن نطلق عليه فيلم
ليس فقط إضطراري إلى تدخين عدد كبير من السجائر ، وانما طبيعة القضية التي تناولتها في الفيلم والتي أثارت بداخلي الكثير من المشاعر السلبية ، حاولت اخراج بعض من احباطي وحنقي وسخطي على كل شيء ، لذا أرجو ان تعذروني لو أن هذا الفيلم استطاع أن ينقل لكم بعض من هذا الاحباط
في انتظار تعليقاتكم
مع خالص حبي واحترامي

35 comments:

أسامة أبوالخير said...

بداية احيك دكتور أشرف على هذا العمل الفني التوعوي وأنا الحمد لله لا أدخن وأعجبتني فكرة العمل والغريب أنك طبيب مدخن يعني الحكاية ملهاش علاقة بفالفلسفة الإعلانية "التدخين ضار جداً بالصحة" ولكن الأمر محتاج عزيمة قوية وإصرار على أن نقول للتدخين "لالالالالا"
مع خالص تحياتي
دكتور أشرف أتمنى تزورني

S H E B A K said...

انا عايز العب معاك
:))))

فنان مسلم said...

ممتاز يا أشرف
ماشاء الله , فيه نضوج فني بيزيد مع كل فيلم جديد :)

انا مستني الاعلان بتاع البرطمان الازرق والاصفر :D

tamer.sala7 said...

ربنا يجعله في ميزان حسناتك

والله انت فنان ومبدع ولازم تمثل

فنان مسلم said...

بالنسبة للفكرة بتاعت الفيلم , انت معاك حق جداً
اللي فقد الأمل في الحياة , وشايف الاحباط محاصره في كل مكان , أكيد هيدور على السيجارة أو غيرها عشان يخلص من حياته

بمعنى أخر , المشكلة فيه هو , مش في السيجارة

أشرف حمدي said...

أسامة أبو الخير
بصراحة هو مش توعوي قوي يعني :) هو نوع من جلد الذات وتوضيح حقيقة ربما كانت غائبة عن كثيرين ، انا بعتبر عبارة "ضار جدا بالصحة" اكبر دعاية للسجاير ، لأن هو ده المطلوب تماما ، ان تكون ضارة جدا بالصحة ، لو ماكنتش ضارة ماكنش حد دخنها
أعدك بالزيارة ان شاء الله
تحياتي وشكرا على التعليق
------------------
Shebak
تعلب معايا ازاي لاموآخذه ؟ ارجو التوضيح
ههههههههه
بس ميرسي بجد على اهتمامك ومتابعتك للمدونة
ده شرف ليا والله
------------------
فنان مسلم
والله كنت خايف منك تبهدلني ، بس بشكرك على رأيك وانك تفهمت الفكرة
سعيد جدا انك شايفني بتقدم
وطبعاااااا حعمل إعلان سوبر برو :) ودي تيجي
------------------
Tamer sala7
والله ما عارف اذا كان ده في ميزان حسناتي ولا في شوال سيئاتي ، ربنا يرحمنا جميعا
ميرسي على التعليق
------------------
فنان مسلم تاني :)
مش كده برضه ؟

فنان مسلم said...

ياعم أبهدلك ايه بس.. العفو :$
انا أصغر من اني ابهدل أي حد

Michel Hanna said...

أستاذ يا ابني أستاذ
أكثر فيلم محترم عملته لغاية دلوقت.

أحمد عبد الفتاح said...

العزيز اشرف
ده زيارتي الاولي لمدونتك
عجبني اوي انك بتوضح وجهة نظرك بطريقة جديدة وجامدة جدا وان كنت انا هختلف معاك في وجة النظر ده
بس ارجع في لاخر وانحني احتراما قدام الطريقة الجامدة جدا الي عملت بيها الفيلم
لو تسمح لي اعيد نشر الفيلم علي مدونتي

ٍSOU said...

يااااااااة يا استاذ اشرف
اعتذارك مقبول
ماكنتش متخيلة كمية الاحباط اللى فىالفيلم دى قبل مااشوفة..بس تصدق انت قلت اللى انا كنت مش عارفة اقولة و اعبر بية لما اقول لحد انى نفسى فى سيجارة و يقولى انت مجنونة..عايزة تدخنى لية..دايما بحس انى عايزة ادخن عشان اهوف فى وش كل حاجة..احرق من جوا عشان يكون اهون من حرق الدم فيخفف عنى.. فيديو رائع..اداء و فكرة و تصوير و كل حاجة

أشرف حمدي said...

فنان مسلم
ياعم انت كبيرنا :) انا بس كنت خايف يحصل سوء فهم وتفتكر إني بشجع على التدخين ولا حاجة :)
تحياتي ليك يا باشا ومانتحرمش من تعليقاتك
---------------
دكتور ميشيل حنا
هههههههه طب الحمد لله :) انت مابيعجبكش العجب ، عشان كده انا بعتذر بتعليقك جدااااااا
---------------
أحمد عبد الفتاح
أولا بشكرك جدا على التعليق
ثانيا هو ده اللي كنت بتمناه بجد ، اننا نختلف بس على الأقل نبقى متفقين على صيغة حوار ، كده انا اطمنت ان الفيديو حقق هدفه
أشكرك على الزيارة الغالية وحردهالك قريب جدااااا ان شاء الله
تحياتي البالغة
--------------
Sou
تعليقك هو اللي رائع :) أنا كده حقي وصلني من الفيديو ده ، مهما بذلت من مجهود وتعب برجع تاني متحمس من أول وجديد عشان التعليقات دي
واللي أكتر حاجة بتعجبني فيها انها بتؤكد وصول المعنى اللي عاوز أقوله
أشكرك بشدة

ana ga3an said...

حقيقي جميل يا اشرف
عجبني فعلا
في اخر لقطة ليك انا كنت مستني تعيط
وتنزل باغنية توب عليا

عارف انا بدخن لية
علشان دي الحاجة الوحيدة اللي ممكن اولع فيها ولا يعاقب عليها القانون

اذا كتب الله لنا عمر لنا جلسات و ثالثنا حجر تفاح

Unknown said...

انا عايز اقولك بس انك انسان دماغ



تحياتى

أشرف حمدي said...

ana ga3an
يااااه ، بجد انا سعيد بالزيارة الغالية خاصة انها كانت بعد غياب ، حمد الله ع السلامة

والله فعلا كنت ناوي اعمل كده بس حسيت انها حتبقى مبتذلة شوية لو عيطت وبدل ما أأثر في الناس ألاقيهم ضحكوا :)

أيوااااااه فعلا
دي بقى نسيت اقولها في الفيلم ، اني محتاح أولع في حالة دون ان يعاقب عليها القانون ، حطيت ايدك ع الجرح فعلا
تحياتي يا باشا
---------------
Karim
يا باشا دي شهادة اعتز بيها ربنا يخليك

عروسة ننوسة said...

بجد ممتاز والله برافو عليك....جزاك الله كل خير

Anonymous said...

يا حكيم باشي الاسنان
حقتك تكون دكتور نفساوي بجد!!
ببساطة انت جبت التايهه بس احب انكدك اكتر ممكن؟
طيب الستات و البنات الغير مدخنين يعملوا ايه للتنفيس؟الاجابة:لو متجوزة يبقا بتعكنن عليه و لو عانسة يبقا مفيش غير الشيشة و اهو المدخنين يزيدوا كمان و كمان
ولله انا بتحسر على ايام رجاء النقاش رحمه الله- اللي قضى عمروا يقول بلاش تدخين بس انا معاك انو السؤال الصح هو مش بنبطل تدخين ليه؟في الواقع و من زاوية تانيه تقدر تقول الحمدلله اننا بنقدر نعمل حاجة من اصلو عشان نفكر نبطلها ام لا.في النهاية فيلم ممتاز

مواطن مصرى نايم said...

اشرووووووووووووووف
واحشنيييييييييي جدا
الفيلم جامد جدا
و الله العظيم تحفه
انا اول مرة ادخل على النت النهاردة
من يوم 4\5
شوفت تعليقك على موضوع الامتحانات عندى
و اول حد دخلت عنده و علقت عنده
بعد رجوعى كان انت
شفت كل البوستات اللى فاتت
جامد جدا
و فيلم مذاكرة شديد

بس بجد انا نفسى اشوف حد يبطل التدخين و ميرجعش تانى يدخن

Anonymous said...

السلام عليكم ورحمه الله
اولا احب اعرفك بنفسي يا دكتور انا دبور كليه تجاره جامعه المنصوره
الفرقه الاولي يعني18 سنه
ثانيا :انا قرات كل التعلقيات الموجوده واعجبت بفكره جدا
وقعدت افكر اكتب ايه اكتب لازم اكتب حاجه جامده اوصف فيها اعجابي بحضرتك اتفرجت علي الفيلم في اربع دقايق وقعدت افكر اكتر من نص ساعه اكتب ايه
مش لاقي اي كلمه تعبر علي اللي جوايا
بس بجد من قلبي
انت عبقري
باسلوبك
بكلامك
بطريقتك
في الكتابه
بجد من قلبي شكرا
بس انا عايز منك طلب
انا عايز اكلمك
بجد محتاجلك وانا اظن انك مش هترفض الطلب ده

أشرف حمدي said...

عروسة ننوسة
شكرا بجد على التعليق وعلى الزيارة الغالية
أتمنى الفيديوهات الجاية تعجبك
--------------
hanan
شكرا على الإضافة :) ههههههههه
برضة الستات ممكن يدخنوا خاصة لما يشتغلوا في الصحافة :)
سعيد ان الفيديو عجبك
وشكرا على التعليق
--------------
مواطن مصري نايم
فينك يا عم ؟ الامتحانات واخداك مننا :)
بجد بكشرك على اهتمامك بالرغم من الامتحانات
ربنا يفرجها ان شاء الله ونقوللك كفّارة :)
تحياتي يا باشا
---------------
anonymous
مش عارف أقولك ايه على الكلام الجميل ده
ممكن تراسلني على البريد ده
dr.ashrafhamdi@gmail.com
تحياتي وشكرا بجد على التعليق

Oss said...

لو وصفته بالعبقريه هأقصر فى حقه
أنا بجد قعدت خمس دقايق مبلم قدامه بعد ما خلص
مش عارف هل أنا موافق على النظريه اللى فيه ولا ضدها
بس نهاية الفيلم هى اللى خلتنى اقعد خمس دقايق ببص على مربع اليوتيوب الفاضى

بس فى حاجه أنا عايز اعرفها
حضرتك متزوج وعندك طفل ؟
لما يكبر طفلك هل هتقبل انه يدخن حتى ولو كل الأسباب اللى ذكرتها فى الفيلم
أكيد أنا مابلعبش دور الناصح اللى عايز يخليك تبطل سجاير لأنى ماصلحش لكده
أنا حاسس إنى معاك فى وجهة النظر بس ماتطلع غلك فى حاجه تانيه
لو قريت سلسلة فانتازيا هتلاقى ان أحد الأبطال "شريف" علشان يبطل شرب سجاير كل ما يعوز سجاره ياكل قرص نعناع لغاية ما ادمن النعناع
انا ما اعرفش هى نكته قالها دكتور أحمد خالد توفيق ولا ممكن تخلى حد يبطل سجاير بس فى حد ذاتها متوافقه مع نظرية وضع الغل فى حاجه تانيه أو استخدام وسيله تانيه علشان تبطل سجاير
انا مش هتقل واعمل دور الناصح (تأكيد للمره الأولى)
وماتزعلش منى دول كلمتين بس على الفيلم
الهايل جداً
------------------
فيلم مذاكره جامد بردو
انا سمعته فى وسط الامتحانات وساعدنى إلى حد ما على التنفيض
بلا اعداديه بلا هم
-----------------
بالنسبه لصفر الكاريكاتير فاحتسبها عند ربنا للظلم ده
وأكيد فيها خير
-----------------
والتدوينه المرئيه والشمروخ السحرى جمال جداً
وأنا حبيت التدوينه المرئيه قوى
بس ناقصها رفعت اسماعيل
-----------------
بالصدفه اول موضوعين فى البلوج عندى ليهم علاقه بالسجاير
ابقى نورنى فى مدونتى الجديده

أسامه يوسف

اهو ده عيبه said...

ازيك يا استاذ اشرف
احييك على التدوينة وفعلا فيها كم من الاحباط واضح
انت عرضت وجهه نظر جديدة وعجبتنى بجد فى سؤالك ليه مش ببطل تدخين؟

لما نحس بقيمة نفسنا كبنى ادمين فى بلدنا، لما نحس اننا غاليين وصحتنا مهمه ساعتها بس هنبدا نخاف على نفسنا ونحس اننا لازم نعيش علشان حاجه

تحياتى لك وفى انتظار المزيد

عبد الرحمن أبو بكر said...

اشرووووووووووووف الجميل

حلو اوي الفيلم وعجبني تاثير الالوان اللي قالب علي اصفر فسفوري

وواضح انك زهقت من كتر اللف عشان تلاقي اجابة علي سوال انت بتدخن لية ؟؟؟

واخر ما زهقت طلعت بالفيلم دة

جميل اوي يا اشرووف يا كنج

أشرف حمدي said...

Oss
سعيد جدا بالتعليقك ومش متضايق أبدا ، على العكس
بالنسبة لسؤالك عن إبني فده من نوع الأسئلة اللي مالهاش إجابة واضحة الصراحة
تصدق مش عارف :)
عموما أنا عامل قواعد مابخرجش عنها وإني ما بدخنش في البيت أبدا (باستثناء الفيلم ده وبصراحة ماكنش فيه حد في البيت لما دخنت)
مش عارف الزمن اللي يحكون فيه ابني حيبقى عامل ازاي بس أكيد حيكون أسوأ للأسف لإن البلد دي بتنهار خلاص
لو دخن ساعتها مش عارف حلومه ولا أعذره ، لما ييجي وقتها بقى :)

دكتور احمد خالد نفسه بيدخن ، أعتقد أنه بيحاول يبطّل دلوقتي إذا ماكنش بطّل فعلا
بس موضوع النعناع ده مش مجدي قوي على فكرة ، عموما انا بشرب عدد قليل من السجاير كل يوم والعلبة بتعيش معايا فترة لا بأس بها وببطل سجاير في رمضان ، أعتقد أني مش مدمن والله أعلم

شكرا على رأيك في باقي الفيديوهات ، وطبعا لازم أزور مدونتك حالا
تحياتي

أشرف حمدي said...

أهو ده عيبه
والله انا سعيد جدا ان المعنى اللي عاوز أقوله وصل بالحرف
سعيد جدا بالتعليق
بالغ تحياتي :)
----------------
عبد الرحمن أبو بكر
سمعت انك التحقت بجمعية مرتادي المقاهي ، جهز رئتيك للدخان بقي :)
انا استخدمت الأخضر الفسفوري مع الأزرق
الأخضر ده بيديك احساس بالغازات السامة المستخدمة في الحروب أو على الأقل في ألعاب الحروب زي لعبة جينيرالز
شكرا يا باشا على التعليق
النهاردة ان شاء الله حستري استناد للكاميرا رغم انها مش كاميرا فيديو ولا حاجة دي سوني بتاعة محلات الـ .... ولا بلاش ليرفعوا عليا قضية تاني :)
ناوي استلم بقى شوية اعلانات مستفزة كده وربنا يستر عليا من القواضي

ناجي العلي 2000 said...

مبدئيا الفيلم كويس من النحية التقنية والاخراج

لاكن

انا مش معاك في مضمون الفيلم
مفيش اي سبب في الدنيا ممكن يخليك تدمر صحتك
مهما كان السبب دة
كلنا شيفين الزل والهوان في البلدي
وكلنا تعبنين وقرفانين وكرهين نفسنا
انما مش كلنا بندخن

التدخين مش النتيجة الطبيعية لمشاكل المتراكمة
لان بكدة احنا بنيرر لمتعاطي المخدرات بانواعها ومدمني الخمور كل البلاوي السودة الي بيعملوها
لان اكيد نسبة كبيرة منهم بيتعاطوها هروب من المشاكل او يأس من الحياه

انا كواحد عادي من الناس
مصري
قرفان من الي بيحصل
عامل بلوج ونابح فيه صوتي

اكيد انا كمان مصاب باحباط

بـــــــــــــس

عمري ما مسكت سيجارة مطفية
عمري ما احترمت حد بيدخن (((الا انت طبعا)))
:)

صدقني
التدخين مش هو الوسيلة للهروب من المشاكل والضغوط

ثم عايز اسئلك سؤال

لو الحال اتعدل في مصر .... تفتكر نسبة المدخنين هاتقل ؟؟؟؟؟؟؟؟؟؟؟؟؟؟

Anonymous said...



انا في سؤال بحب اسأله لاي حد بيدخن
رغم انه سؤال من غير قيمة اصلا

هو انت ازاي بدأت تدخين
على فكره انت جاوبت على السؤال في الفيلم

بقلد او برسم او اصدقاء سوء او منظره او عمك كلينت استوود او عاوز احس اني بقيت راجل او او او

هم شويه حاجات كدا


ليهم علاقة بالبداية


انت فنان بجد
حقيقي انت فنان



أشرف حمدي said...

ناجي العلي 2000

الإختلاف وارد طبعا ، أنا عامل الفيديو عشان أخللي الناس تفكر مش أكتر ، وكويس انك اختلف معايا :)
انا مش بعطي مبررات أبدا ، لكن أنا بتكلم في مشكلة التدخين من منظور مختلف تماما
لو مصر بجد عاوزة مايبقاش فيه مدخنين على اعتبار ان البلد خايفة علينا لازم الأوضاع تكون أفضل من كده كتيييييييير
ساعتها اللي يدخن أضربوه بالنار :) انما زي ما بقول في الفيلم ، لما الشاب يفقد الأمل في كل حاجة قوللي ليه مايدخنش ؟؟؟
انا لا أهدف بالفيلم ده اي شيء غير إني اعبر عن مشاعر ناس كتير يمكن أنا منهم
لا انا لأنادي بحاجة ولا بطلب من حد يعمل حاجة :) ولا بقول دخنوا ولا بقول متدخنوش :)
لأن التدخين
ضااااااار
جدااااااا
بالصحة

تحياتي وشكرا على التعليق وفتح باب للمناقشة

أشرف حمدي said...

بالنسبة لسؤالك
لو حال البلد اتعدل نسبة المدخين حيقلوا ؟؟؟

طبعااااااااا
والمدمنين كمان

لو كل واحد حس ان ليه قيمة وله لازمة وبلده محتاجاه وعنده شغله اللي بيجيب منه فلوس كويسة يقدر يتجوز ويخلف وعنده أمل في المستقبل وفي مستقبل عياله وباصص لقدام على طول طبعا حيهتم بصحته جدا
الدليل على كلامي في الفيلم
ليه نسبة المدخينين بتقل في كل دول العالم المتحضر وبتزيد عندنا احنا بس ؟؟؟

أشرف حمدي said...

Ketchup
أشكرك على الإطراء الجميل
بس مش دايما دي الأسباب الحقيقية ، انا بمسها أسباب المراهقين :) ماحدش بيلوع في صحتة عشان يتمنظر أبدا :)
انا في الفيلم كنت بتكلم عن الأسباب النفسية ، الإحباط وفقدان الأمل
تحياتي يا باشا وشكرا على الزيارة

Daana said...

I came across your video on youtube while trying to find ads about smoking...and I thought it was brilliant :)

I am currently working with a cancer organization on updating the third edition of a publication called the Tobacco Atlas, and a lot of the things you said resonate with me and sound a lot like what I tell my supervisors about this Tobacco Atlas or any other effort, decision, or point that some highly paid, office sheltered, 9 to 5 health official living in some industrialized country makes about people living in developing countries.

preaching alone won't cut it..just like u said..people in developing countries like ours...don't have the same prospects as someone living in Sweden for example...now im not advocating that smoking is ok by any means...but I truly understand your point

I wished this film had english translation so I can prove my point to my supervisor :D

Good Job

maYHam said...

فيلم قصير بس جامد

التدخين في مصر قصة كبيرة

TAFATEFO said...

دكتورنا .. كالعادة رائع .. تعليقي بس على رقم 30 مليون مدخن في مصر رقم 30 مليون ده مش صح .. وعدد المدخنين في مصر في 2007 كان 13 مليون منهم 500.000 تحت 15 سنه و 73.000 تحت 10 سنوات. ويتم استهلاك 80 مليار سيجارة سنويا (4 مليار علبة)
ممكن أزود ان معدل التدخين في مصر 8%- 9% وده معناه ان عدد المدخنين حاليا حوالي 16-17 مليون .. انما 30 مليون دي كتير أوي

سالي محمد said...

بجد والله ممتاز اوى انا شفت مذاكره وعجبنى اوى برده وعلقت عليه على موقع ماشى
والله انا بفكر اعمل حاجات زى دى بس انت عارف باه الشعب المصرى الحبوب حياخد الحاجات دى واجرى على البلوتوث وممكن يسموه(بنت هبله)او بالخليجى كمان(بنوته دندوشه)هى هى هى
تحياتى وانت فين من زماااااااااااان

Anonymous said...

أول مرة أدخل المدونه بتاعتك

عماله ألفلف وأنا فاتحه بقي

وك علامات الٌنبهار باينه عليا


ما دام الشباب ف مصر كده

وبيفهم كده

وعنده القدره دي ع التحليل والتفسير

والإبداع ده ف التوصيل

حالها "" كده لييييييه"""؟؟؟؟


هذا مربط الحمار

معلش الفرس غالي

ومش ممكن يتعمل كباب:)

عمرو فكرى said...

عشان تعيش اطول وتستمتع بالحياة الجميلة فى ظل الرخاء الاقتصادى اللى بيقولوا عليه
----------

الصورة اللى على الكمة دى ضحكتنى جدا


والصورة اللى بعدها ضايقتنى جدا
بتاعة رغيف العيش !

Counter