Total Pageviews

Tuesday, September 23, 2008

Ma7lasgy




حلس . يتحملس . محلسة . إذن فهو محلسجي
لدي موهبة أنعم الله بها علي وهي إستشعار الشخصيات إن صح التعبير ، شيئا لا يمكن وصفه بدقة ولكن بشكل ما يمكنني تكوين صورة شديدة الوضوح لأي شخص أقابلة للمرة الأولي وخلال لحظات قليلة .. بداخلي مؤشر يقول لي بأن هذا الشخص طيب وقلبه أبيض وما في قلبه على لسانه ومن غير المحتمل أن أتعرض منه لأي نوع من الضرر ويمكنني تسليمه رقبتي دون ذرة خوف من أي شكل من أشكال الغدر ، ولكن من الوارد جدا أن أن يخبرني المؤشر بأن هذا شخص ملعون وشيطان رجيم ووغد منحط وأنه سينتهز أول فرصة ليطعنني من الخلف ، والعجيب في الأمر أن هذا الإنطباع لا علاقة له من قريب أو بعيد بملامح الشخصية الخارجية أي لا علاقة له بعلم الفراسة ، لقد قابلت ملاعين كثيرين بملامح طفولية ، والعكس صحيح ، لا أدرى ما هو السر في ذلك ، وكما قلت أعتبرها هبة من الله ، وكأن لكل إنسان موجات غير مرئية يصدرها طوال الوقت ، ويمكنني استقبال هذه الموجات بوضوح تام ومنذ اللحظة الاولى ، لذا يكون ردي فعلي تجاه أشخاص بأعينهم غير منطقي وغير مبرر بالنسبة لهم كأن أبدو عنيفا أو عدوانيا معهم إلى أقصى درجة ، والسر هو انني قد إلتقط منهم موجات شيطانية شريرة مما يجعلني أستخدم كل ما لدي من دفاعات لصد هذا الشر .
ومن الشخصيات المعلونة التي استشعرتها وتأكدت تماما من أن المؤشر الخاص بي يعمل كأفضل ما يكون هي شخصية المحلاس ، وعادة ما يكون عديم الموهبة وقدراته محدودة للغاية لذا فهو يعوض ذلك بالمحلسة والتودد لمن هم قادرين علي تحقيق أغراضه ، ذلك النوع من التودد الغير حميد والذي يصل إلى أعلى درجات النفاق والكذب ، وشخصية المحلاس قابلتها كثيرا ولازلت أقابلها في كل مكان وأصبحت قادرا على إلتقاط موجاتها ربما أفضل من باقي الأنماط البشرية ، وللمحلاس حيل كثيرة لممارسة المحلسة ، فعادة ما يكون مقصرا في عمله أو ربما لا يعمل من الأساس ، ولكن لديه القدرة على إقناع رؤسائه بأنه لم ينم ليلة أمس لأنه ظل يعمل لخمس عشرة ساعة متواصلة ينحت في الصخر ، يمكنه قلب الحقائق ببساطة وإلقاء كافة التهم الموجهة إليه بعد تفصيلها في أسرع وقت ممكن لتناسب جميع من حوله ليظل هو البريء المظلوم المضطهد وليظهر الجميع كما لو أنهم يريدون الفتك به نظرا لكونه موظف نشيط كفء وبالتالي فهم يحقدون عليه ، المصيبة الأكبر أن يكون هو نفسه مصدقا لما يقوله ومقتنعا به تمام الإقتناع وهذا يصل إلى درجة المرض النفسي الذي لا علاج له ، على الأقل العلاج يبدأ من اللحظة التي تقر فيها بأنك ذو شخصية غير سوية وتتعذب من ذلك فتتكون لديك الرغبة في العلاج .
مشكلتي أنني لا أمتلك أي نوع من الذكاء الإجتماعي الذي يؤهلني للتعامل مع هذه النوعية من الشخصيات ، حيث يكون رد فعلي دائما عنيفا وواضحا وقاسيا ومباشرا ، وفي محاولة مني للاستفادة من قدرتي في تشريح الشخصيات قمت بتجسيد شخصية المحلاس لتصبح أول شخصية كاريكاتورية ثابتة لي أتمرن من خلالها على تحويل باقي الأنماط البشرية التي أقابلها كل يوم لشخصيات كاريكاتورية جديدة ، على أية حال هى تجربة جديدة بالنسبة لي وقديمة جدا بالنسبة لفن الكاريكاتير ولكن يهمني بشدة معرفة رأيكم في هذه التجربة التي أراها لم تنضج بالشكل الكافي من وجهة نظري .
يمكنكم متابعة كاريكاتيرات شخصية المحلاس والتي اسميتها محلسجي على موقع ماشي دوت كوم بصفة غير دورية وإليكم بعض النماذج
مع خالص حبي واحترامي وتقديري



14 comments:

TAFATEFO said...

على رأي axe

الانطباع الأول .. يدوم
:D:D
بس خلي بالك ان في ناس كتير بيثبت عليهم العكس .. يعني اللي تحسبه موسى يطلع فرعون .. واللي تحسبه قارون يطلع هارون

وحاجات من دي

بالتوفيق يا دكتور أشرف

مواطن مصرى نايم said...

جامد جدا يا اشروف
حلو اوى كمان تنميط الشخصيات
و انك تخلى شخصياتك الكاريكاتيرية دائمه
دا حيخلى روح جديده للكاريكاتيرات بتاعتك تظهر
لانها حتكون عبارة عن قصص مصورة
بالتوفيق يا اشروووف

محلسجى عجبنى جدا

و على فكرة يا اشروف انا حسمى ابنى كاريكاطظ على اسم مدونة معاليك يا باشا هو انا اطول ابنى يبقى بلوج اد الدنيا

ههههههههههههههههههه
حته من محلسجى دى

تحياتى يا باشا

اسلام

فاروق عادل said...

هو انا على طول اول واحد كدة انا قدرك وانت قدرنا

محلسة على الاخر انا على فكرة ششايف ان الشخصية المحلسية حلوة يعنى ذكى جدا انة يعرف يخدع الجميع لكنة يستمتع بالراحة لا قصى درجة

وبالمناسبة بما انك بتقرا لدكتور احمد خالد توفيق ففى فى اخر كتاب ماوراء الطبيعة حاجة عن هالات كيرليان اللى انا مقتنع بيها

غلبان ... وليا لسان .... DeXTeR! said...

مبروك يا استاذ اشرف اول شخصيه

و حلو اووي جو المحلسجي دا

كفايه اساسا شكله


اقل ما يمكن بتقال ..

انه معبر اووي
\

بالتوفيق استاذ اشرف

أكون أو لا أكون said...

هههههههههههههههههههههههههه صحيح والله
هذه الشخصيه منتشره جداً... بترفع الضغط...
بس بجد الكاريكيتيرز رووووووعه...
تسلم...

Anonymous said...

حلوة اووي الفكرة يا فنان
عمنا مصطفى حسين له باع في الموضوع ده اكيد انت عارف بما انكم زمل

كمبوره و على الكوماندا و عباس العرسه و عزيز بيك الاليت


الراجل ده عاوز له اسم حلو من الاسامي الحلوة بتاعتنا دي

مثلا تسميه
لهيطه
او زنفل المحلاس

هههههههه


انت عارف المرادف اللغوي لمحلاس بالانجليزية يبقى ايه

ايون صح

ass kisser

شششش عيب عيب احنا في رمضان



تسلم يا فنان
حلوه اووي الفكرة
Very professional

FemTo said...

ههههههههه
حلو اوووى وخصوصا بتاع الطفل

عليك افكار ههههههههه

بس شكل الشخصية اكيد ليه مدلول .. بحنية الضهر والنضارة المعوجة .. هو فيه حد تعرفه شبها وبيمثلك رمز للنوع ده من الناس ؟

أشرف حمدي said...

tafatefo
ههههههه حلو موضوع آكس ده ، جاي على الريحة كمان
شكرا يا باشا على التعليق
---------------
مواطن مصري نايم
تسمي إبنك كاريكاطظ ؟ بص بقولك ايه
أرسم انت بدالي بقى ، انا ماخطرش على بالي محلسة بالشكل ده أبدا
ههههههههه يخرب عقلك
شكرا يا حبي على التعليق
---------------
طالب ثانوي
والله يمكن موضوع الطاقة ده يكون بجد ، بس انا لا أطيق المحلسجية أبدا
---------------
dexter
الله يبارك فيك يا حبي ، وربنا يسهل بس والشخصية تستوي وتاخد شكل مختلف ومميز
ياااااا مسهل

أشرف حمدي said...

أكون أو لا أكون
ميرسي بجد على التعليق المشجع ، فعلا دول كلهم عاوزين الحرق بجاز ، بس انا مش حسكت :) كل يوم من ده
المصيبة انهم ممكن يشوفوا الكاريكاتير ده ويضحكوا عليه كمان وكأنه مش عليهم
هههههههه
-------------
ketchup
ههههههههههههههههههه تصدق بقى كان عندي فكرة بمناسبة تقبيل المؤخرات ده بس قلت بلاش أنشرها أحسن هي فظة شويتين كده
شكر اي باشا على التعليق
-------------
Femto
لا تعليق :) مش حقدر اجاوب على السؤال ده على الأقل في الوقت الراهن
ههههههههههههههههه

Oss said...

لأ واللى يغيظ ان معظم المديرين أو المتمحلس عليهم بيكونوا عارفين ان دى محلسه
بس بردو بيظبطوا المتمحلس

بس المتمحلس للمدرسين عندنا فى المجتمع المدرسى بيتكرفلوا وبياخد على دماغه لغاية يا إما يخف يا إما يعيش مع نفسه
:))

تحياتى

دعـاء عـلى said...

حلس . يتحملس . محلسة . إذن فهو محلسجي
طب و غلاوتك دى لازم تدخل فى المعجم (:
و لازم تطالب ببراءه اختراع كمان
يمكن يطلعلك فيها قرشين هههههههههه
شخصيه لذيذه أوى على فكره و الكرش له تأثيره برضه (:

Unknown said...

حلوة الشخصية جدا جدا الله ينور....شفت البوست اللى فات مبروك يا اشروف بيه والله فرحت لك ويارب تدوم النعنشة

أشرف حمدي said...

oss
مش كده برضه ؟ وبينبسطوا جدا من المحلسة وبيدوا مكافآت وامتيازات تشجيعا للمحلسة
---------------
دعاء علي
هههههههه ربنا يخليكي ميرسي جدا
بس انا ماخدش في الشغلانة دي أقل من عشييييين جنيه
---------------
enjy
ألف شكرا بجد يا انجي ميرسي قوي
ربنا يسهل بس ان شاء الله وأطلع لي بحاجة من المسابقة دي
هم العشيييين جنيه انا عارف
ههههههههههه

Anonymous said...

انا بجد منبهر بالشخصية وبالكاريكاتيرت قد ما انا منبهر ببقية الكاركاتير اللى لازم كل يوم الصبح ادخل موقع ماشي اشوفه

حقيقي يا استاذ اشرف الكاريكاتير اليومي بتاعك اكتر من رااائع وشخصية محلسجي بالذات

Counter