Total Pageviews

Thursday, December 04, 2008

الصورة الجنسية


ننفرد بنشر الصورة الجنسية موضوع التدوينة السابقة
لم أكذب طبعا حينما أقول انها صورة جنسية وعارية وفاضحة ، هو فيه أكتر من كده عري ولا فضيحة
ولكنني لم احدد إذا كانت مثيرة للبشر أم للقردة
:)
إذن موضوع الحجب سيلعب على وتر الفضول ، أليس كذلك ؟ سينسج حول المواقع المحجوبة أساطير زائفة وستتولد رغبة أشد في زيارة هذه المواقع والتحايل على الحجب بعشرات الطرق .
لازلت مؤمنا بموضوع الإرادة الشخصية
والرقابة في إطار الأسرة والمنزل
فنحن ناضجون بما يكفي على ما أعتقد
تحياتي

24 comments:

mohamed hassan said...

الموضوع كان تغطية كويسة
على العموم الناس محتاجة تفكر و تقرر بحريتها هي مش بتحكمات اخرين
شكرا جدا و اتمنى لك التوفيق

Oussama achraf said...

اية الصورة المسخرة دية
و مازلت مؤيدا لك
الى عايز حاجة بيعملها
انا لسة مستى رايك فى مدونتى و تسيبلى تعلبق ينورنى

أشرف حمدي said...

mohamed
شكرا وميرسي على التعليق ورأيك في الموضوع
----------
Oussama
أنا داخل حالا ، معلش ببقى في الشغل وملخوم
تحياتي

Oussama achraf said...

يا جدعان اشرف حمدى حيجى مدونتى و يسبلى تعليق رايك مهم بالنسبالى و يا سلام لو د.احمد خالد بالمرة :)طمع بقى
شكرا جزيلا للاهتمام

أشرف حمدي said...

هههههههههه
يا عم هو أنا باراك أوباما :)
ربنا يخليك
دكتور احمد خالد توفيق مشغول جدا ونادرا ما بيدخل المدونة
لإن بجد الراجل ده معجبينه كتير بشكل لا يمكنك تخيله
وهو فعلا بيحاول ما يزعلش حد منه لإنه بجد أكتر إنسان محترم في مصر بدون نقاش
ممكن الفنان خالد الصاوي
:)

Oussama achraf said...

يا اهلا يا اهلا اوباما مين دانتا اجدع 1000 مرة و كمان خالد الصاوى يا سلام اية الدلع دة كلة.... انا حعمل للدكتور احمد خالد بوست ححط رأى كقارىءلية
وراى صحابى علشان الراجل دة الى خلانا نقرأ وان شاء اللة يوصلوا
...انا حمشى علشان الشغل ينيدينى
الى اللقاء

A.SAMIR said...

حجب المواقع الجنسية عن مصر سيفتح المجال لحجب مواقع اخرى كتير جدا ليس لها علاقة بالجنس
انما بما ان الحجب بدأ فلن ينتهي
تحياتي

لماضة said...

هههههههههه
الحمد لله انك نزلتها
لاني بجد كنت هموت واعرف هي ايه
ومسكت نفسي مضغطش عليها

فعلا الكبت يولدالانفجار
والفضول يؤدي لرؤية مؤخرة حتى القرد
تحياتي يا اشرف
على انك وصلت الرساله بالصورة دي

أشرف حمدي said...

A.Samir
فعلا ، لإن الفلتر حيحجب أي موقع أو صفحة فيها كلمة جنس بأي شكل
تحياتي
------------
لماضة
ههههههههههه شفتي بقى :)))
حسيتي بالفضول ؟؟؟؟
ده اللي بتكلم عنه
كل ما تحجب أكتر كل ما الفضول يزيد
واللي مقفول حيتفتح عشان الناس عاوزة تعرف هو مقفول ليه
تحياتي

Anonymous said...

هههههههههه تخيل انا قريت التدوينه السابقه ورديت عليك واختلفت معاك ...بس متوقعتش الصوره دي تبقي كده دي فتنه يا بني حرام عليك ههههههههه.. علي اي حال انا ما زلت اصر علي راي بان لازم يكون في طريقه علي الاقل نمنع بيها الاطفال والمراهقين مش الدخول علي المواقع الجنسيه ... لكن في الاخر انا بجد بحب مدونتك جامد لانها نشطه ولانك بتتقبل الراي والراي الاخر .. وكل عيد وانت طيب وكلنا ان شاء الله طيبين

adel said...

ههههههه
لبه وربتهم الصورة يا اشروف ... كنا هنتفرج عليها لوحدينا
دلوقتي هتلاقي مصر كلها عندك بتتفرج

هههههههههههههههههههه
عادل
http://elbald-dy.blogspot.com/

صبرني يارب said...

ههههههههههههههههههههههههههه

اوك ماشي ياعم

وانا فعلا ضد موضوع البروكسي ده خالص لان فى الامارات الى هما الامارات العيال هناك كان اعيل عيل فيهم بيعرف يكسر البروكسي

فما بالك بالقرود المصريين الى هنا افتكر ممكن يعملوا هما بروكسي على الريس نفسه

مواطن مصرى نايم said...

لفت نظرى حاجة مختلفة يا اشروف
ان الصورة دى ممكن تهديها لحد فالفلانتين
لأنها على شكل قلب
ههههههههههههه
تخيل كده
جايب دبدوب
و الصورة دى
هههههههههه
سيبك انتى من الدبدوب
خلينا فالصورة
انا كنت مستنى اشوف التعليق اللى حتنزله لأنى عارف انها مش معقول تكون صورة فاسقة
ههههههههه
لأن بالعقل كده بما انك حطيت لينك ليها
كأنك حطيتها عالبلوج
و ده مش معقول يصدر منك

دا تعليقى المنطقى للموقف

أحمــــــــدبــــــــــلال said...

د/أشرف
حاولت الحق أرد فى البوست اللى فات اللى قريته كله بالكامل و بالتعليقات كاملة من على الموبايل لأنى كنت غير قادر على الوصول الى كمبيوتر بانترنت
على العموم حبيت أقولك أنى شفت الصورة فعلاً و مش علشان الفضول بس بجد كنت عاوز أشوفها
الرسالة اللى حضرتك نشرتها قمة فى السذاجة و انا شايف ان المواقع الجنسية بتحط تحذيرات كافية جدا عليها قبل الدخول و تنبه على تخطيك السن القانونى
و بعدين زى مانت قلت هانهرب من دى هنلاقى مليون وسيلة تانية
و ده مش يأس بس لأن شعبنا بيدور على الجنس بشمعة
و زى ما عمرو خالد قال الريموت كنترول فى أيدك ممكن انت اللى تقلب القناة و انت اللى تسيبها
و زى ما حصل اليومين دول فى أذاعة نجوم أف أم رفضت أذاعة أغنية دوللى شاهين الجديدة اللى اسمها لازم يقف علشان انا جيت بحجة ان الاغنية تحمل رموز جنسية و أباحية و ده صحيح طبعاً خصوصا مع الفستان الرائع اللى لابساه دوللى
أنا كبير أهوه و أبويا لازم يعدى و انا بستخدم الكمبيوتر فقط ليرى مالذى أستخدمه أو أشاهده
و بعدين الاجانب مش زى ماحنا متصورين أفلامهم هى اللى موصلة الصورة دى للعرب بالرغم من العرب بيعملوا كل ده و يمكن أبشع و لكن فى الخفاء
و هذا بالضبط الحجب الذى يريدونه
ان لا نعلن عن حقيقتنا حتى لو كانت سيئة
مسلسل أمريكى
sex & the city
المسلسل يعرض مع تحذير لفوق السن القانونى مؤكدا على وجود كلمات و مواضيع و مشاهد جنسية فى العرض
و بالرغم من هذا المسلسل نجح لعدة مواسم حتى قررت شركة الانتاج ان تنتج الخاتمة للمسلسل من خلال فيلم كامل
موضوع العرض من خلال أربع سيدات يتحدثن عن الجنس من كل الجهات فى كل الحلقات بكل الاشكال التى تتخيلها
لا انكر ان المسلسل كان فاضحا فى بعض الاحيان و لكنى استمتعت به و أستفدت منه
انا شفت و بشوف بنات على موبيلات متصورين سواء بعلمهم أو بدونه و لكن فى اوضاع ترعبك على مستقبلك كشاب حتى تسأل ما المصيبة القادمة فى المستقبل بعد ذلك
و أراهن على ان كل منهن اهاها و أهل منطقة سكنها يؤكدون على مدى ألتزامها و تربيتها العالية الأخلاقية
أما بالنسبة لموضوع بيوت الدعارة فحضرتك عندك حق فى حكاية التراخيص اللى كانت موجودة زمان
على الاقل كان معروف مين بيروح فين و ليه لكن دلوقتى ممكن يتحول بيت فى اى عمارة لشقة تمارس فيها الرذيلة و بدون مقابل مادى يعنى رغبة فى المتعة فقط و ليس لمقابل مادى
و بعدين اللى حاسس بالأثارة هايحس بيها من أقوى عضو جنسى فى جسمه
المخ
هايخليه يتخيل كل الاثارة المطلوبة حتى لو شاف كعب واحدة ماشية لابسة شبشب فى الشارع

أنا مدون لا اوافق على حجب المدونات
كما أعلنت على مدونتى

EmY said...

كل سنه و انت طيب

انا ضد الحجب لان كل واحد رقيب نفسه الحجب ده ماينفعش غير لو عندي اطفال فاحافظ عليهم من انه يشوفوا حاجه بالصدفه

بس كل واحد هو الرقيب علي نفسه

غلبان ... وليا لسان .... DeXTeR! said...

ههههههههههههههههه

بجد؟؟

enjy said...

والنعمة انا عبقرية...مش انا قلت هتطلع افتكاسة؟؟؟؟ تحليلك صح يا اشروف الله ينور وسمعنى احلى سلام لشيتا

أكون أو لا أكون said...

يالهوي... الصوره قـــــــــــــــــــــرف...

كل عام وانتم بالف خير... وكل الاهل والاحباء والاصدقاء بخير...
كل عام وامتنا الاسلاميه بالف الف خير...
كل عام وامتنا الاسلاميه عزيزه... كريمه ومنصوره باذن
الله

Oss said...

كل سنه وانت طيب يادكتور
ويارب دايماً بصحه وسعاده

وحاول تشيل الصوره دى علشان مش تفطر الناس اللى صايمه
:)

جعلوني مريض نفسيا said...

كل عام وأنت والأسرة والأمة الأسلامية بخير

Anonymous said...

هو كلام ممكن بعيد عن التدوينه دلوقتى كل واحد بيقول انا عايز حريه لرأيي ولما يتكلم ويجي واحد معارض معاه وخصوصا لو بيتكلم من وجهه نظر اسلاميه يقوله انت متخلف وعايز تكتم ع حريتي طيب ده معناه ان حتى الراجل اللى عايز حريه عايز يكتم رايي المخالف ليه طيب يبقي احنا كده وصلنا ان محدش هيوافق ع حريه مطلق واحد يقولى فى اوربا مثلا او امريكا فى حريه طيب لو حد مسلم وعايز يلتزم بدينه هتلاقينا احنا قبل اهل البلد اللى هو فيها بيقولوله انت روحت البلد دي ولازم تلتزم بقوانينها طيب انا من وجهه نظر الحريه انا حر ملتزمش يبقي اللي هيحصلي انى هتعاقب طيب ما العقوبه ضد حريتي بتكبلنى انى اقتل او اسرق وانا شايف ان دى حاجه ممتعه يطلعلنا واحد من اللى ربنا مديهم اسلوب فى الكتابه من غير عقل ويقول فى شروط للحريه لا يمكن تخطيها موافق يبقي كده مين اللى يحط الشروط طيب لما ربنا بعتلنا الدين الاسلامي اللى هو الدين بتاع زمنا ده عشان يعرفنا ايه اللى نعمله وايه اللى منعملوش يبقي كده لازم نوصل لحاجه واحده بس ان لو الواحد فعلا مؤمن ان الدين ده هو الصح يبقي يعمل زى ما بيقول الدين وبس

Die said...

الله ينور

يعني هو انا كنت عامل حاجه كده صغيره و هيشرفني

زيارتكم الكريمه

و ارائكم

بجد

balckrain.blogspot.com

مصطفى said...

افتكاسة جامدة لعرض فكرتك
بس انا بصراحة معارض الفكرة
برده احنا نعمل اللي علينا
يعني حضرتك بتقول نمنع في نطاق الأسرة
طب ماهي الأسرة هتعمل ايه
ممكن تحط برامج مراقبة ومنع للمواقع دي
طب وليه ما نشيلهاش من الاول
وكلام حضرتك عن التحايل ده وانها هتولد رغبة اشد فانا مع احترامي مش مقتنع بيه
يعني لأن بصراحة انا شايف ان من اكبر الأسباب(وليسا الوحيدين) اللي بتخلي الشباب تخش على المواقع دي هي الفراغ والملل
بجانب الطاقة الجنسية المكبوته
وكما اخبرنا النبي صلى الله عليه وسلم
(نعمتان مغبون فيهما كثير من الناس ،الصحة والفراغ)
فلو الشباب ملقاش المواقع دي قدامه اكيد هيدور على وسيلة تانية يشغل بها وقته ويفرغ فيها طاقته
وده دور المجتمع والاهل انهم يوجهوا الشباب لوسائل ايجابية بعيدة عن الإنحراف
تقبل تحياتي
Ibnemam طالب جامعي

مصطفى said...

افتكاسة جامدة لعرض فكرتك
بس انا بصراحة معارض الفكرة
برده احنا نعمل اللي علينا
يعني حضرتك بتقول نمنع في نطاق الأسرة
طب ماهي الأسرة هتعمل ايه
ممكن تحط برامج مراقبة ومنع للمواقع دي
طب وليه ما نشيلهاش من الاول
وكلام حضرتك عن التحايل ده وانها هتولد رغبة اشد فانا مع احترامي مش مقتنع بيه
يعني لأن بصراحة انا شايف ان من اكبر الأسباب(وليسا الوحيدين) اللي بتخلي الشباب تخش على المواقع دي هي الفراغ والملل
بجانب الطاقة الجنسية المكبوته
وكما اخبرنا النبي صلى الله عليه وسلم
(نعمتان مغبون فيهما كثير من الناس ،الصحة والفراغ)
فلو الشباب ملقاش المواقع دي قدامه اكيد هيدور على وسيلة تانية يشغل بها وقته ويفرغ فيها طاقته
وده دور المجتمع والاهل انهم يوجهوا الشباب لوسائل ايجابية بعيدة عن الإنحراف
تقبل تحياتي
Ibnemam طالب جامعي

Counter