Total Pageviews

Friday, March 06, 2009

ملوخية بالعسل


رسالة موجّهة
إلى الأخ الذي ظهر ببرنامج الحياة اليوم أمس وأتهم مؤسسي جروب : نطالب بحلق شعر صدر تامر حسني بالتفاهة والسطحية والأميّة ، أقول له من خلال مدونتي أن سنوات كثيرة تنتظره حتى يمكنه فهم واستيعاب فكرة السخرية ، ودور الكاريكاتير ، وتوظيف العبث كي يصبح سلاحا أشد فتكا من جعجعات البرامج الحوارية ، تركنا لكم الجديّة أو ما تتدعون أنها جديّة ، فماذا فعلتم ؟ ، الفيس بوك دولتنا نحن الشباب ومن حقنا أن نعبّر عما نشاء وبطريقتنا الخاصة ، ولولا نجاح الجروب وانتشاره وتأثيره لما كنت تجلس الآن تلقي الإتهامات عبثا بهذه السطحية تجاه واحد من أشهر الجروبات التي ظهرت خلال الفترة الماضية . وعلى أية حال ، وبالرغم من أن الجروب لا يحتاج إلى دعاية إضافية إلا انك ساهمت بالمزيد ، لذا وجب أن أشكرك .
دكتور أشرف حمدي ، صاحب فكرة الجروب ومن مؤسسيه

دعونا من ذلك الآن ، ولتبدأ في مناقشة موضوع جديد

قبل أن أفهم على نحو خاطيء بسبب هذا العنوان المستفز وجب التنويه على أنني لا أقصد جعلصة الأفكار ولا كتابة رواية قرنفلية باذنجانية متقولبة ، أنا بالفعل أقصد هذا التشبيه ، ملوخية بالعسل
من المثير للاستفزاز في حفل توزيع جوائز الأوسكار هو استغلال كلمة الفائز بدلا من أن يتحدث عن مشاعره تجاه الجائزة ويشكر من دعموه أن يتحدث عن دعمه هو للشذوذ الجنسي وهو يكاد يبكي من التأثر ، كما أن جائزة الأوسكار يجب أن تمنح لفيلم يتحدث عن دعمه للشواذ أو عن العاهرة الإنسانة الحنونة ذات قلب من ذهب على رأي العبقري دكتور احمد خالد توفيق .
مسألة الشذوذ الجنسي وهي الكلمة التي لا يطيقها الشواذ جنسيا ويفضلون عليها كلمة مغاير ، هي مسألة بسيطة للغاية ، والمشكلة الحقيقية في كونها بسيطة للغاية بحيث لم يعد من اللائق منطقيا وصفها بالمسألة أساسا ، ولكن يبدو أن هناك رغبة ملّحة وغير مفهومة في جعلها قضية ، بحيث يتم تناولها باعتبارها مسألة ديموقراطية أو حقوقية وربما قانونية ودستورية أيضا .
إسمحوا لي أن أتناول الموضوع بعيدا عن جانب الدين ، لا شك أن كل متدين يرفض فكرة الشذوذ الجنسي مع اختلاف الديانة ، ولكني تعودت مناقشة الموضوعات بشكل منطقي بحت بحيث تناسب الملحدين أيضا ، وبحيث تناسب المنفلتين أخلاقيا أيضا ، وبحيث تناسب أي شخص وهبه الله عقلا على اختلاف ثقافته أو ديانته أو طبيعة إنتمائه لأي فكر .

السحاق أو اللواط من وجهة نظري هي شخص يحب الملوخية بالعسل ، يعععع ؟ ربما يع ؟ ، ربما يتقيّأ أحدكم في وجي الآن لمجرد ذكر هذا المثال ، ربما كانت فكرة مثيرة ، ربما نقول ما تيجي نجرّب ، ربما كان من يقرأني الآن يأكل الملوخية بالعسل بالفعل وسعيد معها للغاية . إوعى تكون منهم ياللي في بالي هههههههههه
الأمر أولا وأخيرا هو طبق ملوخية بالعسل على مائدتك الشخصية تأكله وتتلزز به وتلعق بقاياها من الطبق ، هذا شأنك ، سواء أكان حرام ، أو عمل مقرف ، أو عمل غير أخلاقي ، أو عمل ضد كل القوانين الفيسيولوجية على كوكب الأرض هذا أيضا شأنك ، ليس من حقي محاسبتك . أنت حر مام تضر ولو أنك تضر نفسك إذن أنت حر معها والحساب يوم الحساب وليس من حقي أنا محاسبتك ولو أنك سعيد هكذا فتمنياتي لك بأوقات طيبة ولكن بعيدا عني لو سمحت .
ولكن تخيلوا معي هذه المشاهد العبثية
المثال الأول

واحد بيقدم نفسه للمجتمع : مساء الخير ، انا فلان الفلاني من آكلي الملوخية بالعسل
مسخرة مش كده ؟ أنا مالي ؟ تاكل ملوخية بالعسل تاكلها بالبطيخ هذا شأنك الخاص ، لماذا تقدم لي نفسك بإعتبارك شاذ جنسيا ؟ لماذا تصنّف نفسك وفقا لميولك الجنسية ؟ هناك تصنيفات وفقا للمهنة ، وفقا للتيار السياسي الذي تتبعه ، وفقا لمرحلتك الدارسية ، أنا افهم من يقدم لي نفسه هكذا ، فلان الفلاني ، طبيب بشري ، فلان الفلاني ، ليبرالي ، فلان الفلاني تالتة حقوق ، إنشالله فلان الفلاني من كفر البلاص ، اما أن يقول لي أنه شاذ جنسيا فهذا بالفعل ما لا أفهمه وإن فهمته فسيكون التفسير الوحيد أنه يطلب مني أن أفعلها معه ، أليس كذلك ؟
المثال الثاني
تعلن جمعية آكلي الملوخية بالعسل عن المطالبة بحقوق أعضائها في حياة كريمة وفقا لمبدأ المساواة مع آكلي الملوخية بالأرانب
مسخرة برضه مش كده ؟
هي الملوخية بالعسل يتعمل لها جمعية ؟ وآكلي الملوخية بالعسل أصبح لهم حقوق دستورية ؟ هذا هو العبث بعينه ، ما تاكل اللي تاكله هو حد حيشك ؟ ما السر في تصعيد موضوع خاص جدا ليصبح قضية حقوقية ؟ ما هي الحقوق التي يريدها آكلي الملوخية بالعسل في حين أن من حقهم أساسا أن يفعلوا ما يريدون ، أم أنهم يطالبون بأكل الملوخية بالعسل علنا في وضح النهار وعلى الرصيف ؟ أم هو تمهيد للمطالبة بأحقية الزواج بين آكلي الملوخية بالعسل وبالتالي خرق لكل الأديان وتدمير شامل لواحد من أهم دعائم المجتمع وهو فكرة الأسرة السويّة ، وببساطة شديدة ومن الآخر ، حينما يأخذ الرجل المصري البسيط حقوقه كاملة دعونا نناقش حقوق آكلي الملوخية بالعسل وآكلي الشيكولاتة بالخل ، بلا خيبة .
المثال الثالث
أنا توتي فروتي باكل ملوخية بالعسل وعايش في جحيم بسبب المجتمع المتخلف الغبي اللي بينظر لي نظرة مش تمام ، انا بني آدم واللاهي زيكم ، أنا إنسان وليا مشاعر ، وممكن أكون أحسن منكم كلكم ، ثم ده مش ذنبي انا اتخلقت كده ، لازم تقبلوني زي ما أنا ، أوووف بقى .
توتي يا حبيب قلبي إنت اللي عملت في روحك كده ، ودعني أفكر معك وبأسلوبك وبطريقتك ودون أن أقسو عليك
أولا :
لماذا تعلن عن ميولك المغايرة ولن أقول الشاذة لأنها كلمة تجرح مشاعرك ، لماذا تصنّف نفسك وتنشيء مدونة وتدعو الآخرين لقبولك ، أنا نفسي لا أضمن قبولي كرسام كاريكاتير جيد وهذا عمل مشروع بحيث أعجب المجتمع كله ، هناك من تعجبه رسومي وهناك من لا يفهمها أو من لا يحبها ، في حين أنك تتناول قضية مرفوضة دينيا وأخلاقيا وفيسيولوجيا وتريد أن يدعمها المجتمع حتى لا تنجرح مشاعرك وحتى يكون من حقك ممارسة أفعالك علنا وحتى يكون من حقك أن تشجّع آخرين للإنضمام إلى مائدتك ، ولماذا تريد فعل ذلك علنا في حين أن علاقة الرجل بالمرأة في غير إطار الزواج أساسا غير معلنة ولا يمكن أن تكون معلنة رغم إنها علاقة طبيعية فما بالك بالعلاقات المغايرة أو الشاذة كما لا تحب أن ننعتها بذلك الوصف الذي يجرح مشاعرك . أم أنك تطمع فيما هو أكثر من ذلك وتطالب بحقك في الزواج ؟ أخبرني بالله عليك أي نوع من الزواج هذا ؟ ومن سيقبل توثيق عقد زواج بين حسين ومتولّي ؟ وما هو الهدف من زواج كهذا غير الممارسة الجنسية ؟ هذه هي قمة العبث بصراحة .
ثانيا :
تقول أن هذا ليس ذنبك ، بعض مما تقوله صحيح ، ربما كان ذلك بسبب تعرضك لحادث اعتداء وأنت صغير ، ربما كانت هناك مشكلة عضوية ما ، ربما كانت هناك مشكلة نفسية ، أم أنك سعيد بذلك ؟ هل تعترف أولا أن لديك مشكلة أم أنك سعيد بها ؟ لو كنت تشعر أنها مشكلة فإبحث عن العلاج وصدقني لن تندم لو حاولت ، لن ينظر لك الطبيب بقرف ولن يقسو عليك ولن يسبك ولن يضربك ، أما لو أنك سعيد بذلك فأنت حر أيضا ولكن إحترس ، ما تريد فعله خطير للغاية ، وإن كنت لا تقدر خطورته فانت في مشكلة حقيقية لذا وجب أن أخبرك ، أنت حر مالم تبدأ حريتك تتيح لك أن تدعو آخرين إلى ما تفعل ، الموضوع ليس حزب سياسي أو الدعوة لنوع جديد من الإبداع ، لا يا حبيبي صبرك عليا ولا تخلط الأوراق ، أنت ببساطة تدعو وتشجّع على دمار مجتمع وهذا أمر لا شك فيه ولا يقبل كونه مجرد آراء نختلف ونتفق عليها ، لو حدث ذلك فستكون فوضى ما بعدها فوضى ، وتذكر غضب الله على قوم لوط ، عذار ، لن أحدثك ثانية من منطلق ديني ، سامحني ، لذا ونصيحة مني إفعل ذلك في الخفاء ، أيوة ، كونك ترى ما تفعله حقك الطبيعي لا يمنعك من أن تفعلها في الخفاء ، لأن بيني وبينك ، هذا العمل مشين ، تقول لي لالالالالا ليس مشينا وهذا حقي ، اقول لك ، بيني وبينك ماحدش حيفهمك ، حتى لو لم يعجبك كلامي ، تأكد من ذلك . فكما يمارس الرجل الجنس مع إمرأة دون زواج فإن ما تفعله مشين أيضا وإن كنت أرى انه مشين بدرجة أكبر ، لم أرى في حياتي من يفعل ذلك بفخر وإصرار .
في النهاية
وأوجه حديثي إلي المغايرين ودعوني أفترض أن لي ذوق خاص أيضا وهو اللعب في المناخير .
إذا كنتم تريدون المساواة فهناك قواعد تسري عليكم وعلينا ، مع تحفظي الشديد على فكرة التصنيف وفقا للميول الجنسية ولكن هذا ما تريدونه على أية حال .
أولا : ليس من حقك ان تدعوني لفكرتك حول ذوقك الخاص في مسألتك الجنسية كما أنه ليس من حقي أن أدعوك أنا الي ذوقي الخاص في نفس المسألة حول اللعب في المناخير ، لما تيجي تقولي يععع ايه القرف ده إنت إزاي تقول لي كده ؟ أنا برضه من حقي أن أقول لك : يعععععع ايه القرف ده يا منحل ؟ لذا كل واحد حر مع نفسه .
ثانيا : ليس من حقك أن تنشيء جمعية أو مدونة تنادي بذوقك الخاص كما أنه ليس من حقي إنشاء جمعية اللعب في المناخير كممارسة جنسية وفقا لذوقي انا الخاص
ثالثا : ليس من حقك أن تجبر المجتمع على قبولك كما أنه ليس من حقي أن أجبر المجتمع أن يقبلني وأنا ألعب في مناخيري أو مناخير أي شخص ، لذا فإذن هذه يجب أن تظل دائما أشياء شديدة الخصوصية .
رابعا : إذا قررت أن ألعب في مناخيري أو مناخير أي شخص فلن أجد من يقتحم علي شقتي ويطالب بالقصاص مني إلا في حالة كوني أفعل ذلك في إطار جماعات سرية منظمة من أهدافها نشر فكر اللعب في المناخير .
خامسا : ليس من حقك أن تقدم لي نفسك باعتبارك مغاير كما أنه ليس من حقي أن أقدم لك نفسي هكذا : أشرف حمدي بلعب في مناخيري نفففففففف
مثال أقرب لمن يقرفون من مسألة وقضية ومشكلة اللعب في المناخير
نفترض أني أحب البنات الشقراوات النحيفات جدا الطويلات جدا أو أنني أحب السمراوات البدينات أو أنني أحب الفتيات المسترجلات الخشنات ، هل من حقي أن أعلن عن مزاجي الشخصي بل وأصنف نفسي وأقدم نفسي للمجتمع وفقا لمزاجي هذا وأفرض ذوقي الخاص على المجتمع بحيث يتوجب عليه أن يقبلني بمزاجي الجنسي هذا ، هل من حقي المطالبة بجمعية محبي البدينات ؟ هذا شأن خاص وليس عام ، فما بالك بالشذوذ الجنسي المفروض طبيعيا أساسا قبل أن يكون مرفوض دينيا وأخلاقيا
.
هذه هي المساواة التي أفهمها .
ولكن لو تكلمنا بواقعية فأنا أعرف لماذا يفعل الشواذ جنسيا ذلك ، يفعلون ذلك لهدف واحد أبسط من كل هذا الكلام الكبير حول الديمواقراطية وحقوق الانسان ، يفعلون ذلك لمجرد العثور على من يشاركهم نفس الميول ليمارسوا سويا أفعالهم ! بس كده
من ينشيء مدونة باعتباره شاذ فهو يبحث عن رفقاء يقضي معهم ليلته ، أليس كذلك ؟
ما رأيكم ؟

30 comments:

adel said...

الواحد لو ضامن ان المدونة هتوصل صوت كان وصلك تصقيفي ليك علي الموضوع ده

مش عشان موضوع شائك و الكلام ده لان اسلوب كلامك المحترم قوي ده هو اللي انا بحبه

انت حر مالم تضر

انا ماشي بالنصيحة دي طول عمري علي فكرة

مناقشاتك و ارائك كلها صح و انا زيك اللي عاوز يعمل حاجة يعملها و انا مالي بس ميجيش يقولي اصل انا شاذ ولا كافر ولا كل ده يقول اسمه و كفاية

و حكاية المدونات الجنسية و الدينية المتطرفة اللي اتنشرت دي بقيت حاجة تقرف

ربنا يرحمنا من الحاجات دي و في النهاية كل واحد مسؤل عن تصرفاته و هو بس اللي هيتحاسب عنها

أشرف حمدي said...

بالظبط يا عادل
فكرة التصنيف كمان سيئة جدا ، اللي عاوز يقدم نفسه يقدمها وفقا لحاجات كتير قوي مش وفقا لحاجات خاصة جدا ، هو حر فيها بس التصنيف أي تصنيف بيكون ليه غرض
حتى وفقا للدين لازم يكون ليه هدف
انا لما بقعد مع حد نتكلم في أي حاجة سواء نقاش أو شغل مافيش داعي أعرف إنه مسلم ولا مسيحي ولا حتى يهودي
لو قدمت نفسي وفقا للدين فده بعتبرها عنصرية ورسالة من تحت لتحت لو كانت في غير موقعها وبدون سبب وجيه ، فما بالك وفقا للميول الجنسية ، دي بقى بعتبرها هبل :)

مواطن مصرى نايم said...

حبيبىىىى اشروووف واحشنى جدااا و الله
فاتنى الموضوع ده و الله
بس كونهم يتكلموا عننا يبقى مش عارفين يعملوا حاجة
و ده فحد ذاته نجاح يا اشروف
-------------
حلو تشبيه الموضوع ده بالملوخيه بالعسل
بجد فالجون يا اشروف
و يع فعلا
و عجبتنى كلمه دكتور احمد خالد توفيق بردو
بوست جامد يا كبير

مواطن مصرى نايم said...

اه يا اشروف صحيح
هو الراجل ده كمان اتكلم كده اكيد بعد ما شاف حلقة روتانا خليجية اللى اتصورت مع الناس فالجروب
انا مشوفتهاش
بس المعدة قالت انها اتذاعت من اسبوعين كده

أشرف حمدي said...

مواطن باشا
شفت يا عم ؟ انا كنت قاعد في امان الله لقيت المدام بتقول إلحق بسرعة تعالى شوف الحياة اليوم بيقطعوا في فروتك وفروة صحابك
ههههههههه الراجل كان شكله مفروس مش عارف ليه
عموما ده نجاح لينا وده بفضل مجهودك الكبير بجد ، بدونك كانت حتبقى مجرد فكرة ساخرة مش أكتر
شكرا يا باشا وربنا يقويك

وشكرا على تعليقك على الموضوع
معلش انا دلوقتي
dail up
ومقدم على خدمة الانترنت السريع ، لما ييجي إن شاء الله حذور كوووول المدونات اللي انا غايب عنها ومقصّر في حقها الصراحة
سامحوني بجد
تحياتي

ابو جوده said...

كلامك صح جدا بس فيه جزئيتين
اولا ان اللى منهم عاملها قضيه حقوقيه هدفه انه يحصل على حقوق زى حق الزاج للشواذ وكده الموضوع خرج من حقه الشخصى انه يعمل اللى هو عايزه من غير ما يأذى حد لأنه عايز يغير او فى رأيهم يصلح قواعد قايم عليها المجتمع

ثانيا ان المصيبه ان فى ناس سواء شواذ او من الأسوياء اللى بيدافعو عنهم عاملين مدونات مش لأنهم عايزين يقابلو حد لكن لأنهم مقتنعين او عايزين يظهروا على اسلوب خالف تعرف

Anonymous said...

Dustin Lance Black .... gay
دا الواد اللي اخد اوسكار احسن سيناريو عن فيلم ميلك
هو اصلا شاذ و بيتكتب عن واحد شاذ
هارفي ميلك
يعني كلهم شواذ في الملوخية مع بعضيهم

شون بن بصراحة اتخنقت منه
اولا لانه قبل الدور في الاساس و ثانياً لانه عمله كويس

Hala Adel said...

بحب تشبيهاتك جدا و موضوعك حلو .. و على فكره زي ما في ولاد في بنات كمان شواذ و مره واحده منهم اصطادتني في التليفون ههههههه
كنت مش مستوعبه هي عايزه ايه فعلا
ربنا يهدي
تحياتي

أشرف حمدي said...

أبو جودة
فعلا انا متفق معاك ، وده اللي اتكلمت عنه في موضوع مدعي الثقافة
قوقلة اللامتناهي ههههههه
تحياتي

ketchup
شكرا بجد على المعلومة ، للأسف ماكنتش فاكر أسم الممثل
ميرسي قوي

هالة
شغتي بقى يا هالة ؟ ده اللي بتكلم عنه
الموقف ده ليه احتمالين
إما إنك تكوني شخصية حساسة وساعتها دي حتكون تجربة قاسية جدا عليكي وممكن تجرحك طبعا ، أو ممكن تكون شخصية قوية وتردي عليها وساعتها البنت دي حتتهزأ جامد دي لو ماكنتش مهزأة أساسا

طب كان لازمته ايه بقى ؟ ما كانت تبقى في حالها وتعمل اللي تعمله بعيد عن الناس وبدون ما تضر غيرها ولا تعرض نفسها لمواقف سخيفة
شكرا على التعليق يا هالة

Amira said...

موضوعك جميل و قلت كثيرا من افكاري و ما قلته وودت قوله

انا كان لي سلسلة مقالات في ما مضى لو تذكر
ثم كتبت في الموضوع من جديد عندما كسب شون بين جائزته
و ألقى خطابه المشين

http://hekayat-farida.blogspot.com/2009/02/blog-post_28.html

الجميل فيك يا أستاذ اشرف أنك تكلمت من منطلق بعيد عن الدين ... مجرد رأي انسان عادي

و لقد فندت وجهة نظرك بطريقه جميله و مفصله

وطبعا لمسة الكاركتير كان يجب أن تظهر
في الملوخيه بالعسل
:)

أشرف حمدي said...

فريدة
طبعا فاكر سلسلة المقلات الرائعة ، شكرا على التعليق ، قرات تدوينتك الأخيرة واتفق معها تماما
خالص حبي واحترامي

tamer.sala7 said...

معاك وابصم بأيدي ورجلي علي كل حرف انت قولته

وعلي رأي جحا

في دعارة في بيتك يا جحا قالهم بيعيد عن ط**ي يبقي مليش دعوة

ibrahim said...

موضوع رائع ومهم جدا وبصراحة في وقته
الموضوع مابقاش ينفع نسكت عليه
على فكرة انا شفت فقرة ال.......شاذ اللي فاز بجائزة اوسكار واستغربت جدا ازاي في حفل زي ده يقول الكلام ده وكان زعلان جدا ان في قدام مكان الاحتفال ناس متظاهرة ضد الشواذ تخيل يعني في بلد المفروض ان الانحلال شئ عادي فيها كتييييييييير معترضين على العمل المشين ده

بشكرك تاني على اثارة الموضوع لاننا في مصر انا شايف اننا مقبلين على فترة صعبة
س سؤال هو ليه ربنا سبحانه وتعالى لما فرض عقوبة على الزاني او الزاني اشترط ان يكون في اربع شهود مش شاهد واحد مهما كان مين الشاهد
طبعا علشان ما يكونش الكلام في الموضوع ده سايب ويكون الموضوع متداول بسهولة بين الناس كأنه شئ عادي
حتى ان سيدنا عمر شاف حالة زي كده وراح لسيدنا ابو بكر وقاله رأيت فلان وفلانه يحتضنان خلف الشجرة فقال له سيدنا ابو بكر اسكت والا اقمت عليك حد القذف
ليس تكذيبا لسيدنا عمر ولكن لهدف اسمى


المشكلة بقى فين

لو تلاحظ في السينما المصرية في الفترة الاخيرة انتشرت موجة من الأفلام اللي بتتكلم عن الشواذ اللواطين والسحاقيات بشكل مستفذ
في الاول ينتقدوهم
وبعدين الناس تقتنع بفكرة انهم موجودين زي كلمة خالد الصاوي في فيلم عمارة يعقوبيان " احنا في كل حتة في مصر والخليج واوربا وامريكا "
وبعدين يطالبوا ان يكون ليهم حقوق دستورية
وبعدين يتجوزوا قانونيا
وبعدين ياخدوا اجنة من متبرعين للسحاقيات ويبقوا ولادهم واللواطين يتبنوا عيال مش عيالهم وهكذا يروح المجتمع كله في شربة مية
وربنا يستر علينا

Unknown said...

يا دكتور

بس بدي أحكيلك أنو "الشاذ جنسيا" يسمى "مثلي الجنس" والشخص السوي ذو الميل الطبيعي يسمى "مغاير" و ليس العكس كما ذكرت

بس تنويه بسيط لأنو حيطلع اللي يتهمك أنك مش "قاري" كويس

أشرف حمدي said...

تامر
هههههههه ماشي يا سيدي ، تمام

إبراهيم
أنا مختلف معاك في نقطة ، الفنان خالد الصاوي هو الوحيد الذي استطاع تقديم دور المثلي بشكل مثالي على شاشة السينما العربية
وهو من أروع الأدوار التي شاهدتها ، وفي رأيي هي تستحق الأوسكار
ليس لأن خالد صديق لي ولكن بالفعل أستطاع هذا الفنان العبقري تقديم هذه الشخصية بشكل هاديء ومتقن وعلى درجة مذهلة من الحرفية الفنية دون ابتذال وبعمق انساني ، لاحظ مشهد حديثه لصورة والديه والأداء العبقري

كما أنها حقيقة بالفعل ، لا تنكر أن الشواذ في كل مكان ، الفيلم لم يختلق ذلك ، ولكن ليس معنى ذلك أن تتخذ أفعالهم سمة شرعية ، ربما كان لهم حق في العلاج أو حق في المساعدة ، أو حق في النظر إليهم بعين الرأفة ولكن أبدا لن يكون لهم الحق في أكساب أفعالهم سمة شرعية أو قانونية أو حقوقية إلخ

تحياتي

أشرف حمدي said...

مياسي
شكرا على التصحيح ، الموضوع ليس أنني لم أقرأ ، ربما نسيت لا أكثر
لقيد قرأت جميع مدونات الشواذ على مدار ثلاثة أعوام متتالية وبشكل مستمر
خالص حبي واحترامي

Asmaa mahaba said...

السلام عليكم
معلش بقالى كتير مجيتش هنا يا دكتور سبحان الله هنا وعندى فى المدونه مواضيع مقرفه ما شاء الله مود المدونات والكتابه عندنا قالبه بيععع
:))
هنا لعب مناخير وعندى تف وتقيؤ
تقريبا دا تشابه فى وجهات نظر الفنانين
اولا عن جروب تامر حسنى فاللى بيتكلم واضح انه انسان عملى جداا وعامل مشروعات للشباب وطارد اسرائيل من فلسطين ومشحطتهم
...........
هو لو بيفهم كان عرف ان تامر حسنى لم يسىء الى نفسه بل اساء لجيل واساء لدوله ...فى عز ما فلسطين معدومه العافيه عندنا فى المقابل جبناء بيهربوا من الجيش وبيطلعوا يقولوا كلمات اباحيه فى الاغانى
.........
اقولك ريح راسك من العالم دى خالص دول لابسين برانيط
............
بتوع الملوخيه دول نتيجه لانعدام دينى واخلاقى ونتاج حكومات غير عادله
.........
لان دول لو فى حكومه عادله كانت علمتهم دينهم صح سواء دين مسيحى او اسلامى كانوا عرفوا انهم يجب ان يقام عليهم الحد
ومفيش شىء اسمه انهم احرار فى نفسهم لان دول وباء لازم يندثر
......
الغريبه ان المنتقبات لما انتشروا الحكومه بهدلتهم واعتبرتهم خطر فى حين انا مش شايفه اى خطوه تجاه بتوع الملوخيه مع ان خطرهم ع المجتمع اشد من اى خطر يحيط بمصر
............
للاسف احنا ماشيين بالشقلوب بنعاقب اللى بيتجه للدين او الاخلاق بوجه عام واللى بيرقص وبيفسد نسقفله
كفايه رغى بقى انا ماشيه
سلام

Asmaa mahaba said...

قال على راى المثل اتلم تنتون على تنتن....واحد...والتانى......!!؟
خليهم يغنوا
ربنا يهديهم ويعفينا

وينكى said...

حاجه بسيطه بس
المغاير هو الشخص اللى بينجذب جنسيا لكائن مختلف عنه فى الجنس
اما اللى ان بتتكلم عنهم اسمهم مثليين
مش مغايرين
بس بجد فى الجول يا معلم
مين بقى اللى انت تقصده لما قلت يارب ماتكونش منهم ياللى فى بالى
؟؟؟
لازم اعرفه:P

احمد سعيد said...

اشرف باشا حمدى

اولا انا سعيد جدا انى دخلت مدونتك

انا متابع رسوماتك من زمااااان
بس بصراحه اول مرة اعرف ان ليك مدونه

ثانيا برافو عليك يا باشا
قولت اللى فى نفسى
ونفسى فعلا الناس تناقش الموضوع دة بعيدا عن الدين


لان دول فعلا ناس محتاجين لعلاج

والكلام بعيدا عن العقل والمنطق
بيزود حاله عداء المجتمع ليهم
والعصبيه ضدهم
ودة بيخليهم ينفصلوا على المجتمع اكتر
وينغمسوا فى ممارساتهم بشكل اشد

زى مدمن المخدرات كدة


بجد اشكرك على البوست الرائع دة

واتمنى انك تقبلنى صديق
هههههههههههههاااااااااى
لالا بهزر
متفهمنيش غلط


...............

ابراهيم

انا معاك فى كل اللى بتقوله
بس اقولك على حاجه
هم فعلا كتروا بشكل فظيع
انزل كدة وسط البلد او اى مول
غالبا هتخبط فى واحد فيهم

وبعدين حلوة حكايه الاجنه دى

طب الواد لما يكبر

هيقول لمين فيهم ماما ومين بابا
هههههههههههههه

صاحب المضيفة said...

بجد انا كل ما يجي المصطلح ده قدامي اتعب منه


ربنا يعافينا منه ومن غضبه علينا من التمادي فيه يارب


تحياتي لمدونتك الجميلة وسعيد بزيارتي هنا فعلا


كل الود

رحلتنا في الحياة said...

ياريت تشبه الموضوع ده يكون ملوخية بالعسل ده حاجة مقزررة لابعد الحدود خسارة نشبه العسل والملوخية بيهم :(
تانى بوست اقراه فى المدونة الجميلة دى والبوستات اسلوبها جميل جدا جدا
وانت قولت كل المفيد سواء الشاذ او الملحد ليه حرية انه يعمل اللى عايزه لكن مش يرغم اللى حواليه على تقبل القذارة دى

أنا حر said...

احييك بشدة على الموضوع الرائع ده لانك فعلا وضحت وجهة نظر ناس كتيرة بمنتهى البساطة
تحياتي

اهو ده عيبه said...

هايل والله ياعم اشرف
انت جبت الموضوع من الاخر كلواحد حر بس فى حاله وبعيد عن دماغنا
عن نفسى سبق وتصادمت مع واحد منهم واتهمنى بالجهل لمجرد انى بقوله ان ده مخالف للطبيعه وحاول يثبتلى انه موجود فى كل الكائنات بس انا اللى عبيطة
عموما قبل ما يحاولوا يطالبوا بحقوق ؟آكلى الملوخية بالعسل يطالبوا الاول بحقوق اكلى الملوخية بالارانب زى ما خلقها ربنا اللى مش عارفين ياكلوها وشكلهم هيموتوا قبل ما ياكلوها
سلام

تامر علي said...

لو تلاحظ إن الموضوع ده اتاخد بيه ضوء أخضر من ساعة مؤتمر بكين حتى مؤتمر بكين 10 ومش ده بس ..موضوع الإجهاض وموضوع حرية المرأة في (امتلاك) جسدها ورفع سن الزواج القانوني وعدم معاقبة من دون ال18 على ممارسة الدعارة أو أي ممارسة جنسية باعتبارها طفلة :)
يعني الموضوع بعيد عن المنطق والعقل ... الموضوع ما هو إلا إتجاه بيتمهد له كويس قوي ... ممكن تقول عليه ارهاصات ما قبل السقوط الكبير ... اللعب على الأقليات وحقوق الإنسان وتحرير الإقتصاد ثم احتلال اقتصادي ثم تلويحات في اتجاه الحريات واشعال نار الفتنة من اتجاه آخر ثم تأتي قرارات عليا (زي السودان كده) وبعدين نقول مين كان السبب ... المشكلة مش في الشواذ ... المشكلة في الغير شواذ اللي أصبحوا شواذ فكرياً وقبلوا يلعبوا دور المجني عليهم (بعلم أهلهم ) ...
تحليل منطقي رائع ... ورؤية راقية وقلم مبدع

دمت بخير

^ H@fSS@^ said...

اعتقد ان التدوين اتخلق عشان كل واحد مننا يعبر عن اللي جواه بكل حرية
و كل واحد مننا بالفعل بيكتب اللي بيجي على مزاجه
و هو حر في كدا
كون اننا نحكم على نوايا المثليين جنسيا انهم بيكتبوا عشان يستدرجوا الاخرين انهم يقيموا معاهم علاقات
فدي اسمحلي يا اشرف قاسية اوي و فيها شيئ من الاهانة
لاننا بكدا حكمنا نفسنا اله عليهم و كشفنا عن نواياهم
صدقني كتير منهم ناس محترمة اوي
جدعة جدا
و انسانيين بدرجة مش طبيعية
و بيكون جزء من اعلانهم عن هويتاهم بس كتعريف بهما مين
نفسهم يتكلموا
نفسهم يعبروا عن دواخلهم من غير ما حد يعلق لهم المشنقة او يتهمهم بالسوء
ممكن يكون فيه واحد او عشرة منهم فتحوا مدونتاهم عشان فعلا يستدرجوا حد انه يقيم معاهم علاقة
لكن ده ميعنيش ان كلهم كدا
بالعكس
فيه منهم ناس بيبقى عذابها عذابين
عذاب انه مش قادر يعلن عن هويته الجنسية و عذاب اخر انه لما بيتعرف
بيتلموا حواليه من هم من نفس ميوله و بيكون كل همهم ممارسات جنسية بحتة لا علاقة لها بالعاطفة و الشعور الانساني

طيب يفرق ايه ده عن رجالة مدونيين سمعنا عنهم بيستغلوا مدوناتهم في الايقاع ببنات عشان يقيموا معاهم علاقات؟
و يفرق ايه ده عن اي راجل مش بيتعرف على بنت غير عشان ينام معاها و يشبع رغبته من غير ما يكون لها اي مرجعية انسانية او شعورية؟

انا شايفة انه مفرقتش
كله محصل بعضه
لكن ده ميدينش الحق اني احكم على الفئة دي بالذات انهم بيعلموا كدا
انا معرفش نيه اي حد ايه
و لو حد نيته وحشة
محكمش على بقية ناسه بنفس الحكم
و اتعامل معاهم بنظرية القطيع لان اغلب مشاكلنا في الوطن العربي هو اندثار الفردية بيننا كبشر

صحيح انت عقليتك متفتحه
و صحيح لما حد يجيي يعرفلك نفسه و يقولك انا فلان افلاني و بحب اكل ملوخية بالعسل تبقى سخافة و مجاجة منه
لكن انت بتقول ما كل واحد يروح يعمل اللي هو عاوز يعمله براحته
متفرقش معاك
لكن انت قلة قليلة اوي يا اشرف من وسط جموع احترفت اضطهاد الغير
و التنكيل بيه فقط لانه مختلف عنهم

الناس مش متقبلة اي مختلف عنهم
لدرجة انها بتوصل لتكفير و تهديد بقتل و هاكنج للايميلات و انا بكلمك عن شيئ بيحصل معايا بشكل شخصي
فما بالك بالمثلي جنسيا؟

اسفه اني طولت
لكن عهدي بيك انك واحد من المتنورين عقليا و لك حس انساني لا يعلى عليه
و اراءك دايما بحب اسمعها و اعرفها
لكن المرة دي انا بصراحة اتفاجئت
و اسفه تاني اذا اي مقطع من كلامي حيزعلك لكن انا محبش اخبي راي جوا عقلي او كلام جوا قلبي
مؤمنة بالصراحة في المناقشة لاننا بناقش موضوع مش بناقش شخصك
و انا عارفة انك حتفهمني


تحياتي

Ice Queer said...

I agree with that being gay shouldnt be an identity, ppl have nothing 2 do with what u enjoy on bed.

Neegi lel disagree =D :
-What do u know abt psychology or physiology or whatever 2 make u JUDGE gay ppl r gays cuz of abuse or hormones or or lol u already can't differentiate between "Mithli" and "Moghayer"...sweety IF u know abt psychology aslan u'd have known that there NO ONE who is 100% heterosexual(straight) and also u'd have known that Homophobia is GAY!

-You suffer from DOUBLE STANDARDS like any middle eastern, why u r allowed 2 have a blog and publish ur caricateurs and any other person is not allowed 2 have a blog and publish his sexual life 4 example! Tayeb mana momken a2oul en resomatak tafha wa mesh men 7a22ak te3mel blog lol...simply accept and respect others in order 2 gain their acceptance and respect!

-You r like most of people(especially the religious ones) c that gays r just horny animals who only seek sex, so menain enta 3amel liberal fi awwel el post wa maleksh da3wa belli beyaklo molokheya bel 3asal wa tegi fi akher el post raze3hom a7kam wa naqd! You r so contradicting urself!

أشرف حمدي said...

طيب
كالعادة نرجع نشرح كل اللي قلناه في البوست :) هو انا ما بعرفش أكتبيا جدعان و ايه ؟ إنجليزي ده يا مرسي ؟ هههههه

من حق أي شخص أن يفعل أي شيء دون أن يتعدى حقوق الآخرين
تمام كده ؟
راجل ينام مع راجل مع قطة مع كلب مع قرد مسلسل هو حر طبعا

لكن أن يتحول هذا المزاج الخاص والشخصي إلى دعوة فستوب بقى ، عندك
مش من حقي أمنع دعوتك أو أمنع مدونتك اللي بتحكي فيها عن مشاعرك قد ايه لطيفة وجميلة مع راجل زيك
لكن من حقي أرفضها وأسخر منها زي ما من حق أي حد إنه يرفض أو يسخر او يختلف أو ينقد كاريكاتير ليّا

اللي زعلان زعلان ليه ؟ انا منعتك ؟
ما تعمل اللي انت عاوزه ، انا لا في ايدي سيف ولا تحت مني فرس
انا بكتب
بقول رأيي

وللعلم
انا مش متدين قوي يعني
حاجة تانية أنا ماعنديش فوبيا من الشواذ
لكن لاموآخذه يعني شوفوا الأخ
Ice queer
مسمي نفسك كوير ؟ كوير يعني
لوطي \ شاذ \ غريب الأطوار

حسنا
يا أخ لوطي شاذ غريب الأطوار ، إن كنت لا تستطيع مواجهة مجتمعك مثلي تماما كأشرف حمدي رسام الكاريكاتير الذي يدون باسمه وبشخصه فتأكد أنك إما تفتقر إلى الشجاعة أو أنك معترف بالخطأ

أنا لا أحكم على أحد
ما يحكم هو الدين في هذه المسألة وهي الطبيعة البشرية والفطرة
عارضوا أحكام الطبيعة أولا قبل أن تعارضوا حكمي أنا إن استطعتم

انا اتحدث في نقطة محددة ، إن أعطيت لنفسك الحق في الدعوة إلى الشذوذ الجنسي فلي الحق المطلق في معارضتك ، أغيّر رأيي انا يعني وقناعاتي عشان سيادتك تتكيّف ؟
مش فاهم الصراحة ايه المشكلة ؟

Yasmine Madkour said...

أولا المغايرين أو الغيريين هما اللي بينجذبوا جنسيا للجنس الآخر
أما اللي بينجذبوا لنفس الجنس إسمهم مثليين ..

فعلا زي ما انت فولت الموضوع المفروض شخصي بالظبط زي اسلوبك ف الاكل .. و مفيش حاجه تخليني أتعامل مع الناس أو أطلب منهم يتعاملوا معايا أو أحكم عليهم أو يحكموا عليا من طقوسهم ف السرير !!
لإن ده شيء ضيق أوي .. و لإن مش أنا اللي هحاسب البشر
بس التشبيهات جامده أوي
عرفت تعبر عن الموضوع تمام
آكلي الملوخيه بالعسل المفروض يتعاملوا عادي يعني هما لو حاسين بمشكله فهو ده اللي بيخليهم يطلبوا من المجتمع يقبلهم !!
مع إن مش من حق المجتمع يقبل حد لإن البني آدم هو اللي بيفرض حقوقه و بيمارسها بدون ما يطلبها اللي بيطلبها ده كإنه بيسأل الناس هو أنا انسان ؟؟ نظرا لإنه حاسس من جواه انه مش انسان .. و دي بقي مشكله تانيه
تحياتي :)

Ahmed Fayez said...

كلام جميل

مش عارف دي موضة دي و لا ايه
الاعلام الامريكي طلع بقاله فترة بحكاية الشذوذ و نوادي الشواذ و حفلات الشواذ
و شوية لقينا ناس طالعين يقولوا احنا لينا حقوق
الشذوذ ده مش خلقة ربنا على فكرة
ده زي المخدرات .. صاحبها ممكن نعتبره مريض .. الا انه بيعمل ده بمزاجه مش مجبر

Counter