Total Pageviews

Friday, March 27, 2009

ز ر ع


صباح الفل لمن يقرأني نهارا ، ومساء العنب لمن يقرأني ليلا
وسواء أكنت تقرأني نهارا أو ليلا فمرحبا بك ، وابتسم فأنت في مدونتي .
وهذه هي مشكلتي بالضبط
، أن أفقد القدرة على إسعاد الآخرين ضحكا وابتساما ، خلقت لذلك وإن كنت أجيد أشياء أخرى إلا أن رؤيتكم تبتسمون يعطيني رغبة لأن أحيا يوما آخر فربما تبتسمون مرة أخرى وربما يبتسم آخرون جدد .
ومشكلتي بدأت حينما ظهر منافسا قويا لي ، بدأ يخنقني ويزاحمني ويتفوق علي حتى أوشكت على الوصول إلى مرحلة العجز التام وربما أرفع الراية البيضاء قريبا وأعترف بفشلي في إسعادكم .
والمنافس هذه المرة هي حكومتنا ، ألطف وأظرف حكومة يمكن أن تراها في أي بلد وأي عصر من العصور ، الحكومة التي كانت ولا تزال تسبقني بالكاريكاتير اليومي على موقع ماشي ، ما إن أسخر من شي ما وأبدأ في المبالغة الكاريكاتورية والمفارقة العبثية حتى أجد أن ما كنت أعدّه ليكون كاريكاتير الغد قد تحوّل بالفعل إلى تصريح رسمي ، وبالتالي يفقد الكاريكاتير معناه لأنه لن يكون سوى تقرير للواقع .
هذه المرة تحديدا شعرت بالعجز عن رسم أي كاريكاتير لطيف فقد كانت خطوة الحكومة أكثر لطفا وظرفا ، الحكومة قررت نشر خمسة وعشرين مليون كاريكاتير متحرّك في شوارع مصر ، لو قضيت حياتي كلها أرسم بلا إنقطاع لعجزت عن الوصول إلى واحد على ألف من هذا الرقم المرعب .
بالطبع أقصد لوحات السيارات الجديدة التي تم اختزال أرقامها وإضافة الأحرف إليها . وطوال شهر كامل وأنا أراقب هذه الأحرف أربع ساعات يوميا ــ وهو الوقت الذي أقضيه بالموصلات ــ وأدوّن التراكيب المبهرة ، تراكيب لو علمت أنها من صنع الحكومة لأغشى عليك من الضحك ، أربطوا الأحزمة وإليكم حصيلة شهر من المراقبة المتأملّة :
ق ص ب : قالوا أن هناك من إخترع سيارة تعمل بعصير القصب وربما كانت هذه واحدة منها ، إذا قلبت الحروف تجدها بصق كمان .
ع ص ر : طبعا ، مش فيه قصب ؟ يبقى لازم يتعصر إلا إذا كان فيه حد يحب يمص بقى دي حاجة تانية
ي أ ج : مالهاش معني ، صح ؟ ولكن لو لاحظتم أنهم يكتبون تحت كل حرف عربي المقابل له باللغة الإنجليزية لوجدتم أن النتيجة هي
GAY
لم أصدق إلا بعد أن رأيت السيارة النبيتي بنفسي وهي تسير بمصر الجديدة ، رقم السيارة معي لمن يريد التأكد .
واللي ما يعرفش معناها يبقى يدوّر في جوجل .
ل ع ب : لاحظ معي أنها تصلح اسم أو فعل ماضي ، لعب ايه ؟ ، إزاي ؟ فين ؟ معرفش
ن ب أ : ربما كان صاحب السيارة صحفيّا
د و ج : وهي واحدة من أشهر اللوحات وأكثرها انتشارا ، فرانكو أراب ، كنت قد رسمت من قبل كاريكاتير عن لوحة سيارة مكتوب عليها كلب ثم أفسدت الحكومة الكاريكاتير بعد أسبوع حينما رأيت اللوحة الحقيقية ، ولكن هل يدخل هذا تحت بند السب العلني ؟
ر ع د : سمعت الرعد في ودانك يا بعيد
ر ج ص : وهناك الرقص البلدي والرجص الصعيدي ، وكل واحد يرجص وينبسط ، هدفنا اسعادكم
ل أ : أظن أن الحكومة تعطي هذه الحروف للمعارضين حتى تميّزهم عن غيرهم ، بالمناسبة حرفان فقط معناها أن رخصة السيارة من الجيزة .
ع ر ب : شايفيني المعنى السامي للعروبة ؟
م ص ر : شايفين الوطنية ؟ مصر تمشي على أربع عجلات ، مصر أربعة راكب .
س م ا \ ع م ا : وكانت جدتي رحمها تقول أن هناك فرق كبير بين السما والعمى ، ولكن كان هذا منذ زمن بعيد
ح ب و : شايفين الحب ؟ حبو بعض ، أنتوا حبو بعض ، ممممموا
ق ر أ : صباح الثقافة وكتب المطالعة الرشيدة ، أبحث الآن عن سيارة ز ر ع ومن يجدها يخببرني فورا .
أ ح أ : ايه سفن ايه ، الله يمسيك بالخير يا أحمد يا مكي ، كانوا زعلانين عشان قلت ايه سفن ايه في فيلمك ، دلوقتي بنشوفها في الشارع عيني عينك
هـ أ : واحد ظريف قام كاتب جنبيها بقلم ماركر : أو أو أو آآآآآو
لم تعد هناك حاجة للكاريكاتير ، يكفي أن تنظر من شرفتك أو من نافذة الأوتوبيس ، وإضحك من قلبك ، ابتسم أنت في مصر
طلب أخوي : من يرى ــ لا من يسمع أو يقال له ــ لوحات ظريفة بهذا الشكل أرجو أن يضيفها في تعليق وله الأجر والثواب عند الله .
تحياتي

38 comments:

... amr said...

بس في حاجة فاتت عليهم ... يوم الام المفروض كانت عربية عليها لوح أ م ي و تلف الشوارع .. أو مناسبة المولد النبوي الشريق .. ن ب ي .. أحسن كتير من انهم يعملوا لوحة زي ماقلت ج أ ي ... ربنا يستر و ميعربوش اللوحة دي .. تخيل معايا لو حد خلاها خ و () لاقدر الله يعني .. ولا حد عربيتة مرور أكتوبر و الحرفين يكونوا * * ... مش حاجة كوميدية برضة ؟؟
بس دي كوميديا سودا يا معلم .. لغاية دلوقتي محدش فاهم اية لزمة اللوح الجامدة دي ولا اية الفايدة منها ... الا اذا كانوا عايزين يمولوا المرور فقالوا نخترع موضوع اللوح دة

Anonymous said...

وحياتك كان فى مدينة نصر عربية نمرتها مكتوب عليها
خ و ل
تقريبا كان مزعل حد فى المرور وحلف يطلعه بيها :)

Unique said...

مش عارفة ليه موضوع الحروف ده مضايق المصريين .. يمكن علشان مش بيحبوا الشتايم مثلا
كان زمان بابا عنده عربية لوحتها مكتوب عليها ر م هـ
عاااااادي خاااالص

ايوشة said...

هههههههههههه كل فى مصر من المضحكات الله يحظهم بيفرفشوا الشعب القرفان

Anonymous said...

شفت عربية ركباها بنت زي القمر نمره (العربية مش البنت)
ب ر ا وبالانجليزي
BRA
في كده في الدنيا يا ناس

adel said...

هههههههههه

انا شفت لوحة احمد مكي دي كمان
ههههههه

و الغريبة اني شفت حاجات تانية من اللي بيعاقي عليه القانون
والصراحة لا تعقيم

Anonymous said...

يا دكتور اشرف اللوحات المدمجة أرقام و حروف دي مش في مصر بس موجودة في السعودية و دول الخليج , يعني هو توجه يبدو إنه عالمي و وليف الأرقام و الحروف عشوائي و بالتالي هتلاقي كلمات تعتبر مصيبة زي ك ل بو ج ح ش و ما خفي كان أعظم , المشكلة بقي يا تري لو واحد حظة العثر وقعة في لوحة زي كلب دي هيعمل ايه .؟ يقدم تظلم ؟ طيب لو هو شغال في جهة سيادية هيجيب واسطة و يحط علي لوحة سيارتة كلمة س ي د ؟

عقل مهوي said...

اللي بيبقي غايظني قوي في موضوع الحروف ده .. لما بتتكتب بالانجليزي
يعني
ق ص ب
b s k
مثلا

صاحب المضيفة said...

أنا من يوم ما طلعت اللوح دي وانا عندي افة النظر اليها واني احاول اطلع بكلمة مفيدة منها والواحد ساعات بيطلع بدرر بصراحة


على رايك

يبقى انت اكيد اكيد في مصر


تحياتي

فنان مسلم said...

أ ط ك -السعودية
دي نمرة عربيتي

مع العلم ان اسمي أحمد طاهر :D
الكينج


ههههههههه
صباحك عسل يا اشرف

فنان مسلم said...

بس على فكرة الحروف والارقام افضل فعلا من الارقام بس
لان ذاكرة الانسان بتقدر تحتفظ (في الحالات العادي) بثلاث خانات فقط
فلما يكون ثلاث حروف + ثلاث ارقام هيكون الرقم أسهل بكتييييير في الحفظ

هتكفيك نظرة سريعة عشان تحفظه

zuma said...

أنا كمان كنت مركز معاهم عشان كنت ناوي ارخص قريب
ومن ساعة ما شفت ي أ ج كنت مرعوب بس الحمدلله جاتلي حروف ملهاش معنى:))
أنا اللي شفته بعيني غير اللي أنت قلت عليهم:
هـ ي س
D S L
A T M

وعلى فكرة, هما حاجزين م ص ر للتاكسيات بس.

ketchup said...

hhhhehehhhehe

طيب اقولك على حاجه
انا من اماني حياتي اني امتلك عربيه بنتلي
bentley
هي ماركة مش مشهورة لانها نادرةنوعا ما لكنها من اغلى العريات في العالم

و مع نزول الارقام الجديدةدي
نفسي اتسدت و طفحت

دا على اساس ان العربيه بتتحايل عليا اني اشتريها
هههههههه

بس بجد دعوة للحسرة و النحيب على حال البشر اصحاب القرار في مصر

ربنا يولع فيهم بجاز

محمد خليل said...

أنا لسه مرخص عربيتى إمبارح يا معلم
و الحمد لله طلعت اللوحات بتاعتى
ط ب
بس مش عارف طب القاهرة و لا طب عين شمس

أشرف حمدي said...

صباح الفل يا جدعان :)
بجد سعيد جدا بالتعليقات :) هو فيه كده ؟
إحنا نعمل قاموس بقى أو كتاب فيه كل الكلمات الغريبة دي

بصراحة انا كان رأيي إن يبقى فيه شخص مسئول عن استبعاد الكلمات المخجلة ، ما يصحش يعني الموضوع يبقى متروك للحظ خاصة وإن إحتمالية تكوين كلمات كده مع خمسة وعشرين مليون لوحة كدفعة أولى فقط حتبقى كبيرة جدا

انا لسة شايف عربية قصب تاني النهاردة تحت البيت
مش عارف أنا ايه حكاية القصب دي هههههههه

Towtor said...

صباح الفل ...انا بقى عايزة اعرف لما هى اللوحات الجديدة نضيفة وشيك وبالانجليزى ..لازمتها ايه تكون اللوحات المؤقته طوبى ولا لونها بنى ومكتوب عليها باللون الابيض الخفيف زى ما تكون اتكتبت فى حته ضلمه ..يمكن عايزين يحسسوا الواحد باللوح الجديدةوقيمتها ..يجوز ..انماايه مدرسة الادب والهجاء اللى انتشرت دى

ه ج ا ...هجا 1111 يعنى ايه؟ هوه صاحب العربية "شتم" حد ولا حاجه وقصيدة الهجاء نلاقيها فين ولا هو قريب الفرذدق ولا جرير ولا ابن المقفع ؟؟؟

أ د ب ..ادب 1111 يعنى دى اسم ولا فعل ولا نصيحة بالتزام الادب ولا صاحب العربية اتطبق عليه مبدأ السجن تأديب واصلاح؟؟؟
وبعدين ليه الجيزة تاخد حرفين وناس تاخد اربعه ؟ كده مافيش عداله فى التوزيع ...هل فيه فرصه لتغيير الحروف ولا هى اجبارى ؟
ياريت يكون فيه حملة نطالب فيها بحذف كل التراكيب المخجلة ..يمكن صاحب العربية مايخدش باله من تركيبة الحروف ..لكن بعدها الف مين هيفهمه وساعتها هيكره الدنيا والبلد ومش بعيد يبيع العربية علشان يخلص من عارها .

Mido Mazinger said...

بوست جامدة اوى يا دكتور كالعادة

بجد حاجة سخيفة اوى الحروف اللى بالعربي دي

هي ممكن تكون ماشية فى الدول الغربية كويس ومش عاملالهم مشاكل

لكن تطبيقها عندنا هيخليها حاجة كاريكاتورية 100%

Anonymous said...

كاتشب , إزاي تقول إن البنتلي مش مشهورة , انا أعيب عليك سوء التعبير , تقصد تقول إن في ناس جاهلة بالبنتلي , لا داهية تقول ان الجاجورا و الرولز رويس مش مشهورين . عذرا يا دكتر أشرف حديث خارج السياق

محمد خليل said...

بص يا ريس
بخصوص موضوع القصب
اتا اليوم اللى رخصت فيه كل الناس اللى كانت معايا كانت ط ب
فيبدو أن ده بيبقى كود المرور بتاع العجوزة فى فتره معينة
بمعنى أن مثلاً مرور فيصل فى الفتره من كذا إلى كذا يبقى الكود بتاعه
ق ص ب
لو الإستنتاج ده صحيح فده معناه أنك المفروض بما أنك ساكن فى فيصل أنك تشوف تركيبات معينة الخاصة بمرور فيصل زى ق ص ب
و أنا بما أنى تبع مرور العجوزة أشوف تركيبات ثابتة برضة زى ط ب

هذا و الله أعلم

بمناسبة موضوع القصب بتاعك و موضوع طب بتاعى .. أفتكرت أسكندرية
عشان المحل المشهور بتاع عصير قصب كلية الطب

أحمد زقزوق said...

أنا شوفت الأتي:
و ط أ في التحرير
ع و أ في المعادي
ر ي س في المعادي
بس ما عرفتش هو ريس ايه بالظبط

مصعب صلاح said...

انت عارف
الحكومة بتحاول تخلي المواطن يفكر اكتر
ومش بعيد تيجي حلقة للمفتش كرومبو بيسأل عن معاني الكلمات دي
بو حصل اتصل بيه اقسم الجايزة بالنص بينا

enjy said...

انا علقت نفس تعليق صاحب القلم الفلوماستر لما شفت اخر لوحة دى فى الشارع......بلدنا اهى

مواطن مصري said...

هههههههه انا طول الطريق امشي اركز في النمر بجد في نمر تموت من الضحك

اهو ده عيبه said...

طب ده اللى انت قلته يعتبر رحمة
امال فيه لوحات عليها حروف متنفعش تتقال خالص والا تعتبر سب علنى

وبعدين نفسى افهم ايه الفكرة فى ترجمة الحروف تحت بالانجليزى ترجمة حرفية طب افرض فيه حرف زى العين مثلا هيقابله ايه بالانجليزى؟
ده غير ان العساكر خلقة كانوا بيغلطوا فى الارقام دلوقتى بعد موضوع الحروف هيبقى الحال ايه
ولا هو ده اتعمل مخصوص مراعاة لجهلهم اهو فرصة يتعلموا القراءة والكتابة بالمرة وهم واقفين
صحيح حكومة الكترونية

sabsoob said...

أنا اللي عاجبني أوي ...إني لقيت لوحة علي إسمي...و إيه مع الدكتورة بتاعتي :D
ص ب ا
زي الفل
تحياني

صفا سارة said...

انا بئه يا اشرف شفت لوحة
ا ا ح والانجليزى كان
j a a
تقريبا حد اتلسع جامد

مواطن مصري said...

انا شفت علق او ع ل أ و شفت نجص او ن ممكن الواحد يقراها نجس
:)

د.توكل مسعود said...

أشرف حمدى

السلام عليكم ورحمة الله... وبعد

فلا أدرى كيف أشكركم ... ولا أستطيع ذلك... ولكنى أكل إلى الله شكركم.... ولعل عمق الأخوة.. وصدق الحب.... وإخلاص الدعاء... كانوا جميعا وراء هذه الانفراجة السريعة التى لم أتوقعها ولم تحدث معى من قبل......جزاكم الله خيرا وأحسن الله إليكم.

رضوى said...

الموضوع ده عاملى فسفوسة فى دماغى من ساعة ما بدأ لأنى خايفة عربيتى تطلعلها كلمة شتيمة و أبقى من اللى الناس بتعلق عليهم هنا :)
بس لو تلاحظوا النمر و الحروف حجمها بقى أصغر على اللوحة و بقى صعب إنك تقراهم بسرعة فى حالة لو العربية دى خبطت حد و هربت مثلا, لكن اللوحات القديمة اللى فيها أرقام بس النمر أكبر و سهل انها تتقرى.

لولا.... وبس said...

ههههههههههههههههههههههههههههه

والله حلوه يا دكتور
لاء ولو ما ظبتش معاك عربي بتقلبها انجليزي

ياعني حيتشتم حيتشتم

طيب ما انت حلو و"بضوحك" أهو
اما باخخ كآبه ع الفيس بوك ليه

أحمــــــــدبــــــــــلال said...

تعليقاتى و تعليقات من حولى الشخصية طوال وقت تواجدنا بالشارع هى محاولة تركيب كلمات من تلك الحروف للسخرية منها
أعتقد ان الحرف الاخير الاقرب للأرقام يمثل الحرف الأول من أسم المحافظة
و لكن باقى الحروف لا أفهم منها شيئاً
فمثلا كل سيارات الاسكندرية تحمل حرف أ بجانب أرقامها

tamer.sala7 said...

دي صورة من جريدة الوطن بأ{قم اللوحات الخادشة للحياء في السعودية من ضمنها لوحة
usa
اتقال انها خادشة للحياء

http://www6.0zz0.com/2009/04/12/18/305500642.jpg

ابقي شوف الصورة وقولي رأيك

TigerEye said...

ههههههه
انت عسل يا اشرف
بس انا فاكر شفت كاريكاتير لزميلنا شريف عرفة عن اللوح والحروف
زرع - ح ص د

جميل جدا

المهم بص على الخبر ده عشان تعرف اننا مش لوحدنا

http://www.youm7.com/News.asp?NewsID=88504&

TigerEye said...

http://drsherif.net/index_art.php?viewkar=1&other=1&comtype=2&otherid=157&image=upload/755.jpg

ده الكاريكاتير اللي كنت بقولك عليه يا اشرف

سومه...مجنونه فى بلد عاقل said...

نفسى افهم يعنى ايه الاشارات دى بصراحه
:)حاولت اسال حد بصلى وقالى ايه الجهل دا انتى مش فاهمه قولتله لا طبعا فاهمه بس بختبرك:(
طبعا سكتت ومنطقتش
قولت يمكن انا المعتوهه الوحيده فى مصر

سما الحب said...

انا لقيت العربية اللي مكتوب عليها حصد بصراحة
دي كل عربية بتعمل حادثة علي الطريق عندنا
ودول اكتر من الهم علي القلب
هي العربيات الاجرة بقي هايكون شكل اللوحة بتاعتها ايه ؟؟؟

Beram ElMasry said...

مصعب صلاح
شكرا لكلماتك المشجعة وسعيد بتعليقك وادام علينا الود

اما قراءت بوستك وجدت به من الذكاء والفطنة ما يبهر انا قراءتها مع ابنتي وبتني نضحكك ونكرر كوبليهات منها
انت غلبت مصطفي حسين واحمد رجب
و ياتري حكومتنا سيارتهم مكتوب عليها "د و ج" ولا ولاد " "د و ج". اضحكتنا اوي
لك تحياتى والسلام ، ولا سلام مع اليهود

Anonymous said...

kont 3ayez a2olak eny shoft bra la2 mesh shofto da kan maktoob 3ala lo7et moror bas fe wa7ed tany saba2ny

Counter