Total Pageviews

Saturday, May 09, 2009

المحارب العجوز

مش عارف أجمع جهاز كمبيوتر ؟؟؟
ياللكارثة ، هكذا هي الحياة ، قاسية ، سخيفة ، دعاباتها مريرة بطعم العلقم .
منذ ثلاثة أشهر كنت قد تركت عملي ككاتب تقني بإحدى مجلات الكمبيوتر ، لم أترك العمل فقط بل تركت ورائي إبحاري الدائم والمستمر على الشبكة العنكبوتية والتي كنت أقضى أمامها أكثر من تسع ساعات يوميا بسرعة 2 ميجا بت \ ثانية وفقا لطبيعة عملي ، كنت أكتب أهم موضوعات المجلة بالطبع ، عناوين الغلاف بالكامل في بعض الأعداد كانت لموضوعاتي ، ومن الأبواب التي كنت مسئولا عنها دائما هو باب دليل المشتري ، هنا لابد وأن تكون على دراية كاملة بأفضل المواصفات الفنية والتقنية والماركات العالمية والأسعار ، انت ببساطة تكتب دليلا للشراء على مستوى العالم العربي وليس مصر فقط ، والآن وبعد 14 سنة خدمة في ثانوي أقصد وبعد سنتين من العمل المتواصل بهذه المجلة وثلاث سنوات بمجلة أونلاين أجد نفسي عاجزا عن متابعة أي شيء .
أبص لروحي فجأة ، لقيتني كبرت فجأة ، تعبت م الموفجأة ، ونزلت دمعتشيييييي
هذا بالضبط هو شعوري الآن ، انا مش عارفني ، أنا توت \ يقصد توهت مني ، أنا مش أنا .
ما هذا ؟ موديلات لم أسمع عنها ولا أذكر أني كتبت عنها يوما ، أسعار غير منطقية تجعلني أشك في المنتج ، هل من المعقول أن تهبط الأسعار إلى هذا الحد ؟ المشكلة الأخطر أنني لا أحتاج فقط إلى إنعاش قدراتي على البحث ، بل أحتاج إلى أسبوع كامل على الأقل أعمل فيه كما كنت أعمل بالمجلة ، تسع ساعات بحث وقراءة تقارير ومقارنات ومراجعة المواصفات الفنية وقياسها وفقا للمعايير التي تعلمتها على مدار عدة سنوات \ عشر سنوات تحديدا هي علاقتي بالكمبيوتر ، أحتاج أيضا إلى معرفة مالا نعرفه ومالا يمكن كتابته بالصحافة المتخصصة بمجال الكمبيوتر عن الشحنات ، ربما يكون موديل الشاشة مثلا رائعا ولكن الشحنة التي وصلت مصر منه ربما كانت مضروبة تماما ، هذا يحدث مع الشاشات ومشغلات الأقراص وغيرها وهي معلومات تحتاج إلى مصدر من داخل السوق ويكون صديقك لا بائع بالطبع أو إلى شخص مجرب ، واسأل مجرب ولا تسأل كاتب تقني .
لدي شاشة فيوسونك عمرها عشر سنوات وتعمل مثل الحللوف الاسترالي هذا إذا كان هناك حلاليف استرالية في الواقع ، ولكن فيوسونيك الآن لا اعتقد انها شاشة رائعة أو يمكنها تحمل ما تحملته عزيزتي العجوز التي أكتب لكم منها الآن .
حصلت على العدد التاسع من مجلة يتم نشرها على الإنترنت بالجهود الذاتية وهي مناسبة للاشادة بهذا المجهود العبقري ، المجلة اسمها أسعار الهاردوير في مصر يمكنكم تحميلها من خلال هذه الوصلة ، وهي تحوى جميع الماركات والأسعار لمن يريدون تجميع كمبيوتر جديد ، والآن انا بالفعل في حيرة حقيقية لاختيار اللوحة الأم تحديدا فضلا عن اختيار الشاشة والكيسة ، يسهل عبى اختيار المعالج ولكن ماذا عن الأداء ؟ ، لا أعرف هذه المعالجات إن كانت تعمل بشكل جيد ام انها مثل السيارة الحديثة الفاخرة التي تتحول إلى علبة صفيح مع أول حادث مروري بسيط . لقد أصبت بهالة من الهلع عندما علمت أن حجم الذاكرة المؤقتة للمعالجات وصل إلى 12 ميجا بايت ، مستحيل ، كنت أعرف انها ثمانية فقط كأقصى حجم ذاكرة .
حان لي أن أخلع خوزتي وأترك رمحي كمحارب شريف وأعترف بأنني لم أعد أفهم أي شيء . المحارب العجوز يقرر التقاعد تاركا لكم المجال . في انتظار نصائحكم بخصوص التجميع وأماكن الشراء والموصفات الفنية والأسعار وكل شيء . انتم تعرفون احتياجاتي بالطبع ، كل ماهو متعلق بالجرافيك والتطبيقات الثقيلة والمونتاج الرقمي والرندر والألعاب الحديثة
تحياتي البالغة


11 comments:

mohamed hassan said...

اشرف باشا
ما اعرفش عن سوق مصر كتير بس هنا في اوروبا بيقولوا
apple كويسة و الشركات كلها عندهم مثلا dell
ما اعرفش بس نظام التجميع قليل هنا
acer برضه كويس و رخيص

Anonymous said...

يا حاج اشرف افندى باشيه الهاردوير فى زمنا ده بقى حاجة تانية خالص ايوالله مش مصدقنى خد عندك ياسيدى واحد زميل فى الشغل شارى جهاز بمواصفات عجيبة كانت هتجبلى شلل فى مناطق يصعب ذكرها الان
1 تيراااااااااا بايت هارد ديسك ب
ب 700 ج
4 جيجا رامات
اسوس ديفيدى رايتر ساتا لايت سكرب
وحاجات تانية ربنا مايوريك وهم مش عارف حتى اجول ايه هيه المهم ربنا يزيده واجيب جهاز احسن منه وبما انك فتحت الموضوع فياريت تعملنا بوست عن حال النت فى مصر واسعار الشركات ده فى روسيا وعن معلومة مؤكده سعر ال 12 ميجا اوبن داونلود يساوى سعر 512 كيلو بايت فى تى زفت . الله يكون فى عونا ويجعله عامر

FlashPack said...

أنصحك بأجهزة الماك فهي قوية جداً في الجرافيك
http://www.apple.com/macpro/
تحياتي وبالتوفيق
عمار

أحمــــــــدبــــــــــلال said...

واحد صاحبى صدمنى
بهاردديسك خارجى
exitrnal Hard
مساحة واحد تيرا
أيه ياعمنا التيرا ده
قاللى ده اللى أكبر من الجيجا
طيب ساحته كام جيجا
قاللى ألف أربعة و عشرين جيجا
يا لهوى
كل ده
و ده صناعة أيه
قالوا ألمانى

لغاية دلوقتى ماشفتوش
بس أتمنى أشوف الكمبيوتر المعجزة اللى هايستحمله ده

أشرف حمدي said...

ألف شكر يا جماعة بجد ربنا يخليكوا
بس انا اقصد الكمبيوتر التجميع ، آبل ده مثلا لو قعدت أحوش من هنا لحد ما أطلع ع المعاش مش حجيبه
ممكن تحملوا المجلة مفيدة جدا بجد ، وتنصحوني بالتجميعة في حدود من 3 إلى 4 آلاف بالكتير قوي

التيرا بايت قديمة مش جديدة ، بقالها سنة وأكتر
دول كمان عملوا اسطوانات مدمجة بتشيل كذا تيرا بايت بس لسة ما طلعتش بشكل تجاري
4 جيجا رامات مش كتير برضه هههههههه فيه لحد 8 جيجا وأعرف ناس شغالة بالرقم ده فعلا

مولتو said...

لو انت مش محتاج لشاشة جديدة ممكن التجميعة تكون كالاتى فى رأيى الشخصى المتواضع جدا
قلب الجهاز والمكون من (معالج - موذر بورد - هارد ديسك - رامات ) يكون كالاتى
1- Mainboard gigabyte/ga-ep45-ud3r intelp45/ichior 780 E.P
2- Processor intel core2duo e8400 3.0 GHZ 970 E.P
3- HDD WD 1000GB,buffer 32mb,sata 700 E.P
4- RAM Kingstone 2GB DDR2 bus 800mt/s CL6 110 E.P
وكل ده يعمل حوالى 2500 بس هيديك قلب جهاز قوى ممكن تستغنى عن مساحة الهارد العالية وتجيب واحد ارخص وتزود فى حاجة تانية لو عاوز رامات مثلا او جرافيك
طبعا هاتلك باور صبلاى نضيف ويستحمل كل الهيصة دى يتبقى مجموعة كروت فيجا و لان وساوند وجرافيك وغالبا بتكون بيلتى ان ولو عاوز تدلع نفسك هات سات كارد توينهان او سكاى ستار وطبعا اسوس ديفيدى لايت سكريب

طهقان said...

اشرف باشا


أيون..انا!! :)

بالنسبة للموضوع دا ..الواحد دلوقت لو انفقطع عن النت يومين ببيخاف يفتحه يلاقي حاجات متلتلة اتغيرت

الدنيا عمالة تطحن فينا يا راجل ومش ملاحقين

بالمقارنة من عشر سنين ...حاسس اننا في عصر تاني خالص

المهم
وحشتني يا راجل

أشرف حمدي said...

طهقان باشا
ياااااه ، فينك يا فندم ؟ انا بجد مقصر مع كل الناس وبعترف بكده
انا شغال
dail up
عشان سنترال المريوطية وبادوووب بدخل مدونتي انا بالعافية
واحشني جدااااااااااااااااااااااا

مولتو
يااااباشا انت باشا :) بجد والله
أشكرك بجد على المواصفات دي
بس فيه ملاحظتين وتبقى خدمتني خدمة العمر بجد

أولا : انت مجرب التجميعة دي ؟ يعني الماذر ماشية مع البروسيسور تمام ؟ ولا ممكن تحصل مشاكل ؟
عموما انا ممكن أبحث في الموضوع ده سهل ، وكمان حذاكر الماذر دي كويس عشان أعرف فيها كام سلوت وإذا كانت حتريحني في المستقبل ولا حتخنق منها

ثانيا
انا للأسف حجيب شاشة وكيسة وكارت شاشة ، كده الميزانية ضربت
كمان نفسي اعرف الباور سبلاي للتجميعة دي ممكن يبقى كام ؟ أربعمائة وات مثلا كويس ؟ ولا ممكن أقل
كده دخلنا في اربعة برضه لإن كارت الشاشة لوحده ممكن يوصل ثمنمائة جنيه
تحياتي البالغة وأشكرك بشدة على النصيحة

مولتو said...

بالنسبة للبوردة اللى قلتلك عليها ادخل هنا وانت اكيد سيد العارفين هتلاقى كل حاجة عنها بالعربى كمان
http://arabic.giga-byte.com/Products/Motherboard/Products_Spec.aspx?ProductID=2948
منها هيتضح لك دعم المعالج المشار اليه من هنا هتلاقى الموديل E8400 مدعوم
http://arabic.giga-byte.com/Support/Motherboard/CPUSupport_Model.aspx?ProductID=2948
وبالطبع مع التزام نصيحة المجلة بتحديث البيوس مش هيبقى فى مشكلة ان شاء الله (وهنا مش محتاجين تحديث البيوس رقم اف 3 ماشى معاه)والبوردة بها 4 مداخل ذاكرة دى دى ار2 وتدعم حتى 16 جيجا من الرامات والاكسبانشن سلوت كتير والحمد لله
اما لو هتجيب شاشة فكده انت هتفتح اوى لانك بحكم شغلك لازم يكون عندك قلب جهاز مريح فمش هتقدر تتنازل عن اى حاجة من السابق البروسيسور المفروض ميقلش عن 3 طبعا ، على العموم الشاشة ممكن تجيب
LCD SAMSUNG 19" 730 E.P
والباور صبلاى لو هتتوسع بعد كده ممكن ممكن تجيب
HEC(GAMMA) 450W 330 E.P
وانت ممكن توازن امورك بردك يعنى تقلل من حاجات لصالح حاجة تانية حاسس انها تفيدك اكتر وبالتوفيق

أشرف حمدي said...

ألف ألف شكر يا باشا
نصائحك مفيدة جدااااااااااااا
تحياتي البالغة وانا عاجز عن الشكر

L-o-N-e-Ly said...

hi Ashraf
1st of all
tell me the operating system u r going to use ... vista or xp ... to determine ur best memory size

I think u gotta go for the quad core ( intel Q6600 ) processor .. although that so many games still can't utilize the 4 cores and it uses 2 of it only .... but the 3d max , PS cs4 and all these programs could use the 4 cores efficiently

when it comes to memory
u gotta buy Kingeston Hyber-X Ram with the highest available bus ( 1066 mhz)
Which provide a better performance than ordinary rams

When it comes to graphic cards

u can buy one card ... or u can buy 2 pieces and interconnecting them through a special cable or through a proper software

for ur HDD it's not a big deal u could determine it easily according to ur budget .. but make sure to choose the highest buffer

don't forget to buy a good case not less than a "GAMMA" case or "A OPEN"

finally I still wanna know ur budget to be able to determine the graphic card and the mother board

and ur OS to determine the Ram amount

waiting for ur replay

Counter