مسلسل قصص القرآن يذاع يوميا قبل الافطار الساعة الخامسة الا عشر دقائق علي القناة الثانية .
تجدون اسمي في التيترات بقسم الثري دي جرافيك
آخر اسم من تحت ماعرفش ليه !
للأسف فاتني أن أخبركم بالحلقة التي صممت خلفياتها ولكن يمكنكم مشاهدة آخر لقطة في تيترات النهاية والتي تمثل معبدا يتم بناءه . انا اللي مصممه:)
المسلسل من انتاج العرين فيلم
17 comments:
المسلسل ده بحبه جداً للعمل الفنى اللى فيه
و المستوى الدينى المبسط للأطفال
بصراحة بحبه جداً
بالرغم من أنه للاطفال
بس بتفرج عليه
تحياتى على مجهودك الرائع
هو ده معبد أيه ؟ قصدى فى أى قصة ؟
أخي العزيز احمد بلال
المعبد ده كان في قصة أبرهة التي أذيعت أيضا علي قناة
mbc3
وقد قمت بصميم الكعبة والبيوت المحيطة بها بنفس الحلقة .
أشكرك علي اهتمامك .
برافو!
أيوة يا عم الناس اللي وصلت :)
مبروك يا دكترة
وعقبال ما تشيل الليلة كلها لوحدك
والمسلسل بالمناسبة لذيذ
حلاوتك يا اشرف وانت علي دريم
قصدي علي تشانل تو
تحياتي
الله م انت شغال اهو يادكتور أشرف أمال بس فهمنى بتشتكى لية يعنى شغال دكتور اسنان ورسام وبتقول كمان هتشتغل صحفى ودلوقتى التليفزيون عينى عليك باردة ياعم
انت واضح بتخاف من الحسد بقى
على حنفى
مهندس مدنى
نق بقى .
انت فاكر كل اللي بيشتغل في التليفزيون خلاص يعني بقى من علية القوم ؟ عموما الواحد بيقول الحمد لله .
الشكوى لغير الله مذلة ياأخ أشرف وكما قال المولى عز وجل واذا قدرنا عليك رزقك فانفق مما اتاك الله حتى يأتيك بعد الضيق فرجا
التائبة الى الله
طبق هذا القول على نفسك يا أخى وسوف ترى النتيجة
هذة الابيات من قصيدة لرابعة العدويه فى حب الله
ان صح مابينى وبينك
فكل الذى فوق التراب تراب
ليت الذى بينى وبينك عامر
وبينى وبين العالمين خراب
أخى
أرضى بما قسمة الله لك تكن أسعد الناس ولا تنظر لما فى يد الأخرين وسوف ترتاح سريرتك
التائبة الى الله
دكترة الف الف مبروك وانا والله فرحان ليك وبيك وعلى فكرة هما كده بتوع اسنان كلهم مبدعين بس مش عارف قناة اقرأ اللي فتحت عندك تحت دي الهدف منها ايه المفروض يعني تمشي توزع المليمين اللي بتحوشهم علشان تجيب لك كرسي للعيادة ومستعمل كمان والا ما تبقاش بتعترف بنعمة ربناعليك ربنا يهدينا جميعا وعلى فكرة اعلانات العيادة انا داخل فيها كده كده اوك ؟
هالللووووووووووووو اشرف
ازيك يا جميل
فاكرنى و لالا
ايه اخبارك ؟
انت فين من زمان ؟
الف مبروك على مباركة التتر باسمك يا معلم
وحشانى نكتك و دخان سجايرك و الله
هتروح توشوش معاهم ولالا ؟
عاوزين نشوفك
رغدة صفوت
يااااااااه
رغدة صفوت ؟ انتي فين يا بنتي حرام عليكي ؟ مفتقدينك جدا والله .
هييييه فين أيام اضحك بجد والله وسجاير حاتم سعيد اللي كنت بقلبها منه ويرجع يلاقي العلبة فاضية.
انا فعلا رايح أوشوش معاهم بص كصحفى مش كرسام كاريكاتير علي الأقل في الكام شهر الأولانيين .
واحشاني جدا بجد
ياريت نتجمع كده كلنا في يوم
دكتور
لية مش بتنشر مشاركاتى؟؟
لعل المانع خيراا
أخوك على حنفى
أشرف باشا طيب مانتا عندك القدرة على عمل مسلسلات بالجرافيكس
مفكرتش تعمل حاجة ولو صغيرة من انتاجك الخاص؟
فكر جديا أعتقد اتها حتمشي
السلام عليكم
ألف ألف مبروك يا دكتور
انا ماشفتش البرنامج لكن أول ما شفت الموضوع على البلوج قات لازم أبارك
عقبال يارب ما يبقى مسلسل كامل بأسمك
أخوك
محمد احمد خليل
فاروق
فكرت والله . بس الموضوع محتاج فريق عمل . جيش بمعنى أصح لانتاج فيلم قصيرة ولكن هناك تجارب فردية أتمنى اني اقدر اعمل زيها . وأديني لسة بدرس الثري دي وربنا يسهل
محمد أحمد خليل
صديق عمري كله . الله يبارك فيك . ادعيلي انت بس . ميرسي جدا علي تشريفك المدونة . انت أكتر من أخ والله
كل سنة وانت طيب
ياعم ياعم
أيوه كده اتنطقنا وبقينا نشتغل على واسع
اللهم لا حسد.. ياماشاء الله
الله اكبر الله أكبر
بس للأسف انت ليه ما قولتش م الأول كنت اتفرجت عليه؟؟
Post a Comment