Total Pageviews

Wednesday, February 28, 2007

أكبر ميكانو في العالم




لم أدرك أنني لازلت طفلا إلا اليوم !
بالرغم من أنه هناك الكثير من الأشياء التي تستحق أن أفخر بها , إلا أن شعوري بهذه اللعبة العملاقة فاق كل شيء , فاق شهادات الدراسة وجوائز الكاريكاتير ووظيفتي المحترمة وكل شيء .
اسمحوا لي أن أفخر أنني أنا من قام بتجميع " ترابيزة الكمبيوتر " هذه !


اتهموني بالعبط , لا بأس , معكم كل الحق .
ولكن هذا لن يغير في الأمر شيئا , لقد قضيت ست ساعات أمام تسعين قطعة علي الأقل أحاول معرفة " ماذا " يركب " أين " , انفصلت عن الوجود وتركت باب شقتي مفتوحة ليتسلل اليها أطفال الجيران ويبصقون علي الأرض , ولو أن لصا سرق العفش فلم أكن لأنتبه له وأنا في هذه الحالة .
فجأة وجدت نفسي طفلا يلعب الميكانو , أكبر ميكانو في العالم . لذة رهيبة ربما كانت نابعة من عشقي لهذه اللعبة التي حرمت منها وأنا صغير , التحدي والشغف والانفصال عن العالم كله , يضيع مسمار فأقضي نصف ساعة أبحث عنه دون ملل .
نظرت في ساعتي فوجدتها الثالثة صباحا وكنت قد بدأت في التاسعة مساء .
ملابسي متسخة وكأنني خارج من معركة , ويداي متورمتان بشدة , نزلة البرد التي أعاني منها بدأت في الإعلان عن نفسها بكل شراسة . لم أتناول غدائي حتى الآن . نسيت أنني سأتزوج غدا !
ولكنني سعيد .
وفخور بترابيزة الكمبيوتر هذه لأنها من تجميعي .
ايه رأيكم فيها ؟
بالمناسبة : الكرسي كمان كان خمستاشر حتة وانا برضه اللي مجمعه
!!!

22 comments:

Yasser Hussein said...

وليه كده يا عم أشرف ده حتى المثل بيقول : شرا العبد ولا ربايته
على الأقل كنت استفدت بالوقت ده في عمل حاجة تانية مفيدة أبسطها تريح جسمك من ارهاق العمل ودور البرد اللي عندك ، عموما يا سيدي أهي خبرة جديدة تضاف إلى خبراتك عشان لما تحب تركب ترابيزات كمبيوتر أولادك إن شاء الله
تحياتي
ياسر حسين
فنان كاريكاتير

أشرف حمدي said...

مزاج بقى يا أستاذ ياسر !
انا فعلا كنت ساعتها طفل عنيد , ولو كنت اشتريتها جاهزة كنت فكتها وركبتها تاني :)
تحياتي

Haitham Abu Akrab said...

مساء الاشتغالات
انت يا اشرف سايب الدنيا والفرح اللي كمان ساعات
وقاعد بتجمع ترابيزه كمبيوتر
بكره
هتتشل منك ومن قاعدك قدام الكمبيوتر
اكتر من قعادك معاها

ربنا يسترها عليك

Shaker said...

مبروك يا أشرف على الجواز مقدما .... على فكرة انا مجمع ترابيزة زى دى 3 مرات .... و كل مرة بقعد اتزاول لحد ما اركبها صح ... فعلاهى عذاب بس ممتعة جدا جدا جدا جدا .... رفيق الميكانو

Anonymous said...

فكرتنى بفؤاد المهندس فى عائلة زيزى
طلعت قماش
طلعت قماش
طلعت قماش
المهم انت رحت الفرح ولا نسيت؟
اوعى يكون ده كرسى الكوشة؟
الف مبروك يا فنان
............
على تركيبك للكرسى طبعا

Anonymous said...

الفين مبروك يا دكتور
مره عشان جوازك
ومره عشان نجاحك فى تركيب المعضله دى
مش هاقدر طبعا اضحك عليك..لأنى لو كنت مكانك فى الحوسه دى كنت هاعيط مش هاضحك
مبروك مره تانيه
وتبقى تجيب ميكانو لأودلادك بقى وماتحرمهمش منه

ابن مرّ said...

مبروك ياأشرف وخلي بالك من عروستك....أشرف افتكر دايما يا أخويا الحبيب اننا اللي بنصنع العالم بفعل ورد فعل احنا اللي بنجرحوا وانك نجحت لما نويت تنجح وانك بقيت من أحسن الشخصيات اللي الواحد ممكن يعرفها وانك بقيت الهامم لكل واحد عارف كل ده بدأ امتى؟لما بدأت تحب كن ممتنا لله الذي منحك الحب واحبب جميع الناس
اني أحبك في الله
بارك الله لكما وبارك عليكما وجمع بينكما في خير

Michel Hanna said...

أنا ركبت واحدة قد دي مرتين
وبعد ما ركبتها طلعت معكوسة! اضطريت أفكها واركبها تاني
بس فعلا إحساس بالإنجاز لا يضاهى

Michel Hanna said...

وعلى فكرة هيثم كمان عنده حق!

أشرف حمدي said...

الحمد لله ماطلعتش انا مجنون الميكانو الوحيد هنا
انا مزوغ من المدام ونازل ابعت لكم
سلام بقى أحسن شكلي حبات النهاردة بره البيت :)

تحياتي

koukawy said...

مبروك 00
انا كمان بحب الميكانو و الليجو و البازل مووووووووووووووووووووووووووت
و اللي يقول عليا عيله يبقي بيفهم

إنسان || Human said...

اولا ألف مبروك ياعريس ..مع انها جات متأخرة ..زمانك دلوقتي في شهر العسل ..ههههههه بجد انجاز الواحد بيحس بنفسه لما بكون حاجه بنفسه

BaSsMa said...

ألف مبروك الجوازة
ربنا يسعدكم وتعيشو في تبات ونبات وتجيبو صبيان وبنات
على فكرة الترابيزة زي لي عندي بالظبط بس لونها فاتح
والكرسي زيه بالظبط ولونه غامق ههههه
لا فعلا يبقى مجهود جبار منك لأن الحجات ليها ليها ناسها
ومبرووووك

eldoctor said...

تجربة ممتعة عشتها اكثر من مرة ... لانى مدمن اجيب الحاجة مقفولة فى كرتونة .. واطلعها اركبها .. بتحس انك انفصلت عن الواقع و بتركز بصورة مخيفة ...
عقبال ما تركب مكتبة .. ..

أحمد الشمسي said...

مش عارف اهيك على ايه ولا ايه؟
على الجايزة ولا على نجاحك العظيم في تركيب اللعبة دي؟ :) :)

MAKSOFA said...

ده بيدل علي انك انسان صبور

وفنان

MAKSOFA said...

ومبروك علي الجواز

تامر حسين said...

سبحان الله نفس الموقف حصلي قبل جوازي وانا بجهز
فكرت اني اخدها كده في علبتها وال ايه لما اروح البيت اركبها برحتي وياريتني مفكرت
لاني طبقت لتاني يوم عشان اعملها والمشكله انه زي ميكون اخترعو البورد دي عشان الواحد يعند مع نفسه عشان يركبها بس الحمد لله جت سليمه كلها كدمات بسيطه ههههه الف مبروك ليك والف مبروك ليا انا كمان يعني مش انت لوحد ههههه سلامي ليك يا فنان

Anonymous said...

ماشاء الله بجد
انا كمان فخور جدا لان لسة في حد بالصبر والاصرار دول
انا عن نفسى مفتقد الحتة دى فى شخصيتى
مع انى مش فافى والا حاجة
بس مقتنع اوى بجملة
ادى العيش لخبازة ولو ....كمل انت بقى

بجد انا اول مرة ازورك بس طريقتك و اسلوبك بجد عجبونى اوى

انا هحط ليك لنك عندى

تحياتى

اسكندراني اوي said...

مبروك الترابيزه والكرسي

Anonymous said...

طيب قولنا ايه خطوات تركيب الترابيزة العجيبة دى
وميرووووووووووووووووووووك

Anonymous said...

انا لسه جايبها يا دكتور نفس الترابيزة .. بس مش عارف اركب مكان الشاشة خااااااالص

Counter