Total Pageviews

Sunday, March 09, 2008

الواقع والكاريكاتير

انا عاوز أعرف ايه اللي بيحصل في البلد ؟
هناك حالة عارمة من الجنون والعبثية طالت جميع مجالات الحياة ، حتى أنني ولأول مرة في حياتي أجد أن الواقع يفوق الكاريكاتير في السخرية ، وإليكم هذا المثال البسيط .
بعد خبر وفاة العديد من المواطنين بطوابير العيش قمت برسم الكاريكاتير التالي

وبعد نشره، فوجئت بأن هناك فتوى حقيقية تقول بأن من يموت بطابور العيش فهو شهيد ! لقد تفوق الواقع المزري الذي نعيشه على سخرية الكاريكاتير ، فقررت رسم الكاريكاتير التالي


ولا استبعد مطلقا أن تخرج نفس الفتوى على لسان الشيخ بالكاريكاتير لتصبح واقعا .

نماذج أخرى من العبثية
جمال البنا يفتي بجواز تبادل القبلات بين الشباب والفتيات الغير متزوجات
كيلو اليوسفي وصل ثلاثة جنيهات ونصف
عبوة الزيت ثلاثة لتر سعرها ثلاثة وثلاثين جنيه لحظة كتابة هذه السطور
اختفاء السولار وارتفاع أجرة المواصلات وبعدين يقولك دي مجرد إشاعة
تصريحات بأن المواطن الأمريكي أيضا يعانى من الغلاء ( واللي قال التصريح نسيى متوسط دخل المواطن الأمريكي الغلبان يا عيني )
نصاب المنصورة يهرب بأموال المودعين ومنهم ضباط في الشرطة وفنانين ولاعبي كرة قدم وشخصيات عامة
وطبعا أزمة الخبز

ايه رأيكوا ؟
عبثية ولا مش عبثية ؟

9 comments:

قليل من التفكير said...

الشيخ في الكاريكاتير التاني الي حد بعيد كلامه مظبوط في ضوء الحياه القاسية اللي المصريين كلهم عايشنها
.
.

بطوط حبوب said...

شوف بجد انت بتظلم الناس وربنا هيحاسبك على الظلم ده

انت مش فاهم
اصل دى اوامر من فوق عشان يدموا رسم الكاريكاتير فى مصر
فقالو يدعموا الكوميدا- واخدى لى بالك انت من يدعموا دى - عشان سعرها يضرب
تقوم تقول انت عبثيه
دى تقرب لميدان العباثيه هههههههههههه

احمد يحيى said...

لا ده الواقع قلب السخرية من زماااااااان :) !

زمان كانت الدنيا ما هى الا مسرح كبير !

دلوقتي الدنيا ما هى الا عنبر مجانين كبير برده !

انا احياناً مبصدقش ان في حاجات بتحصل , لو كنا سمعنا عنها من سنتين بس كنا هنموت من العجب !

ربنا معانا في البلد دي !

احمد
ahmed-ym.com

كلاكيت تانى وتانى said...

فمة العبثية أن نظل ننظردون وعى أوتقديرلنهاية طريق الغلاء
أن نتهكم دون ان نجدمانفعلة دون ان نتحرك خوفا من الأغتراب عن الوطن فى السجون داخل بلدنا

صحفية روشة said...

اه صح عبثية
ممكن يا د. اشرف
ترسملى مهندسين مدنين محطوطين فى هون لدق التوم
والايد اللى بندق بيها التوم هى احمد عز
اللى انشاء الله هيقضى على كل مهندسين مصر بحلول 2012
قول انشالله

DantY ElMasrY said...

طيب ايه رأيك علشان ننشط السياحة نعمل دعاية للفتاوى دى فى العالم الإسلامى
علشا الجماعة الانتحاريين ييجى يموت عندنا ويبقو شهدا
مع تقديم عروض خاصة للطلبات الجماعية

رئـــــيسـة حزب الأحلام said...

السلام عليكم ايه الاخبار وبالتوفيق

من البلد دى said...

عارف يا دكتور...؟؟أناالوحيد اللى عارف سبب أزمة العيش فى مصر..عايز تعرف إنت كمان...زى بعضه..شوف يا سيدى ..بقى الفقير الشحات لمايحب يشحت من الغنى كان بيقوله إيييييييييييه...كان بيقوله .والنبى يا بيه حاجه لله دا أنا و ولادى بقالنا أسبوع بناكل عيش حاف .....ومع تكرار هذه الكلمة _أو الجملة_بدأ الغنى يفكر كيف يجعل الشحات بلا سبب وجيه للشحاتة...وبالتعاون مع بعض الجهات واجمعيات الخيرية.أستطاع الغنى أن يسحب من الفقير_حصانة الشحاتة_بأن حرمه من العيش الحاف.ولو فكر الفقير أن يشترى هذا العيش الحاف ليقول جملته الشهيرة للغنى.فقد يموت الفقير قبل أن يحصل على .........(العيش الحاف)...والنبى مش فكرة تجنن من الغنى....وهى دى فايدة العلام....وإبقى قابلنى فى الطابور.؟؟؟هههههههههههههههههههههههه

أشرف حمدي said...

من البلد دي
هههههههههه حلوة جدا
عندك حق والله
أنا بيزداد اعجابي بحضرتك كل يوم والله
تحياتي الباااالغة

Counter