Total Pageviews

Friday, March 21, 2008

إلعب يا ملعب

هربا من أعباء الحياة ، ومتاعب العمل ، وارتفاع أسعار السلع الأساسية ، وأزمة المواصلات ، والتفكير في المستقبل اللي هو ممكن يكون مجرد بكرة ، وتصريحات الحكومة ، وبرنامج العاشرة مساء ، ومحصل الكهرباء ، باختصار ، هربا من الواقع كله ، ألجأ إلى ألعاب الفيديو ، والتي تظهر قيمتها الحقيقة وقت المحن ، أجمل الألعاب التي مارستها كانت أثناء فترة الامتحانات ، والآن عاد لي الحنين إليها بعد انقطاع دام لشهر كامل ! وهي فترة طويلة بالنسبة للاعب متمرس فضلا عن كونه ناقد لألعاب الفيديو التي يعتبر ممارستها والكتابة عنها جزءا من مجال عمله بالصحافة المتخصصة .
لعبة أمير فارس تثير حنقي ، تحتاج إلي تدريب كبير قبل ان يتقن اللاعب هذا الكم الهائل من الحركات السريعة ، لم أستطع الاستمرار بالجزء الثالث لها نظرا لصعوبته فقمت بتحميل الجزء الثاني والذي توقفت عن اللعب به لنفس الأسباب وإن كان هذا الأخير أسهل إلى حد ما ويكفي جهازي بالكاد أن يفى بمتطلبات تشغيله . كما انني من حين لآخر أقوم بتشغيل
Tomb Raider Anniversary
، وأحيانا أيضا لعبة
Generals

المهم ، أعرف إن موسم المذاكرة والإعتكاف قد بدء تقريبا مالم يكن الجيل الجديد قرر أن يغير نظام الكون ونجح في ذلك من ورائي ، ومع موسم المذاكرة تبدأ الألعاب في التحول إلى شيء ممتع بدرجة غير مسبوقة ، ونظرا للظروف الاقتصادية والاجتماعية العصيبة التي نعاني منها جميعا فقد توقعت أن الجميع الآن "طلاب وغير طلاب" يفعل مثلي ويحاول أن يلهي نفسه في أي شيء بدلا من أن يموت كمدا .
يا ترى انت بقى بتلعب ايه دلوقتي ؟

22 comments:

بطوط حبوب said...

احب اطمنك ع الجيل الجديد
انا بدور على لعبه صلاح الدين
StrongHold Crusader
ومش لقيها
ومن مكانى هذا اطالب بتوفرها ع النت ليتسنى لمثلى ان يقتنيها

واهم حاجه العملى يا دكتره
هتلاقى ده فى البوست الاخير بتاعى ابقى شوفه وقولى العم اتغير ولا لأ

Andrew George said...

انا ماليش فى موضوع اللعب قوى لسبب بسيط هو أنى كل ما اجيب كمبيوتر جديد بعدها بكام شهر ألاقى اللعب بقت عايزه ضعف إمكانياتة رغم انى بابقى جايب أعلى حاجة بالاقيها فى السوق.

انا آخر لعبة نزلتها كانت
Need For Speed Pro Street

وخربت الدنيا عندى وكانت تقييييييييلة.

حالياً معنديش غير
Tony Hawk's Pro Skater 4

قديمة وخفيفة ومسلية وزى الفل :D

See You said...

:) ايه الصور الحولة دي :) !
انا شخصياً أقتني و لله الحمد جهاز بلايستيشن 2 , فكل لعبي عليه , مبحبش إطلاقاً ألعب عالكمبيوتر إلا لو حاجه ستراتيجية زي generals و مشتقاتها :) !
اللعب مهم جداً , تعرف ان في امريكا العواجيز بيقعدوا يلعبوا بالسوبر نينتندو و الإكس بوكس لحد ما يبقوا عندهم 80 سنه :) !

لماضة said...

بلعب بلي
اه والله
لاقيت لعبة بلي حلوة قوي على الكمبيوتر
حققت ليا موهبة الطفولة
بمارسها دلوقتى الكترونيا
:))

Anonymous said...

x-moto
v-drift
Secret Maryo Chronicles
Urban Terror
Flight Gear Simulation

ميشيل حنا said...

أنا مش بالعب غير snake بتاعة موبايلات نوكيا!

walaaz said...

ازيك يا أشرف ؟

انا بلعب سودوكو

وكنت لسة بفكر أكتب عن فكرة الهروب باللعب دى

بالرغم من ان السودوكو بتاخد مجهود زهنى .. لكن بتريحنى جدا لأنها عشان تتلعب لازم تركز فيها لوحدها .. ودا بيخلى مخ الواحد يوقف تفكير شوية فى باقى الدنيا.. احسن انا من من ساعة ما أتخرجت من كام شهر وانا دماغى بقت طاحونة مش عارفة أوقفها .. طلعت المذاكرة والكميا والمعدلات كان ليها فايدة :D

أشرف حمدي said...

بطوط حبوب
على ما أذكر إنها مش لعبة ناجحة قوي
حراجع اللي اتكتب عنها وأقولك رأيي يا باشا ، لو كده ممكن أجيبهالك
انت تؤمر

حشوف البوست بتاعك حالا
________________
andrew George
عندك حق ، ألعاب الكمبيوتر محتاجة تحديث النظام كل سنة تقريبا عشان يفى بمتطلبات التشغيل الخرافية
Tony Hawk's Pro Skater 4
لعبة لذيذة فعلا ، عيش حياتك
________________
see you
ايه رأيك ؟ ده انا كنت بلعب
Prince of persia 3
قام طالع لي الأخ الظريف ده
من زمان وانا نفسي أدخل جوه لعبة فيديو جيم ، والفوتوشوب حقق لي الحلم ده
فعلا الجيمز مهمة جدا ويتضيع التوتر والعصبية وبتخليك تحس بالانتصار والانجاز
تحياتي
________________
لماضة :) يبقى تقولي اسم اللعبة الله يخليكي عشان ألعبها انا كمان
________________
anonymous
يا مزاجك ، كل دي جيمز بتلعبها في وقت واحد ؟
أحيييييك
________________
دكتور ميشيل حنا
لازم تتعالج يا دكتور ، الحالة دي خطيرة جدا
________________
walaaz
انا بصراحة بكره اللعبة دي جدا ، بس اعرف ان ليها عشاق كتير قوي

أحمــــــــدبــــــــــلال said...

أنا مش بحب الألعاب أساساً
و جهازى لا يوجد به عشرون لعبة
على العموم لعبتى المفضلة هى
زومــــا بيتا

و إن كنت ألعب سوليتير كلاسيك دلوقتى

aya said...

انا بلعب crazy taxi
لما ابقى مهيسة

والله لعبة سخيفة كده ولذيذة
وانا مش باخد ولا زبون
انا بفضل الف فى المدينة واخبط فى الناس وبس

ولما ببقى متغاظة
بقضيها
zuma

بكسر كل الكور اللى قدامى

لكن مش بحب اللعب اللى طول انهار اقتل ناس
واعمل مناورات ومناوشات

جربت مرة العب
crusaders

بس الراجل كان قرب يشتمنى ويقولى قومى من هنا


وعندك حق والله يا دكتور

الاحتياج للعب مش بيبان غير دلوقتى

يعنى من باب الهروب من المزاكرة والنكد

أُكتب بالرصاص said...

انا بالعب
فيفا
ومافيش غيرها يملى عيني

بس بأنهزم قدام عيالي

فنان مسلم said...

ايه البوستات اللي تجري الريق عالصبح دي :D

انا يا باشا بقالي 18 سنة بلعب جيمز , كان حلمي وانا صغير اشتغل مصمم ألعاب ,والحمد لله حققت الحلم ده واشتغلت مصمم ألعاب في شركة اجنبية في وقت من الاوقات

انا حالياً بلعب لعبة هي أقرب الى المرض أو الهوس منها الى الالعاب

انا كاتب عنها بوست منفصل
هنا:
http://fananmuslim.blogspot.com/2008/01/world-of-warcraft.html


تحياتي

أشرف حمدي said...

احمد بلال
زوما لعبة جميلة طبعا :) بس حاول تتطور شوية بقى
احنا بقينا في عصر
Crysis
دلوقتي :)
---------------------
aya
كده بقى لازم تجربي سلسلة
GTA
ودوسي على الناس براحتك بقى
جربي وحتدعيلي

أشرف حمدي said...

فنان مسلم
ده انت اللي جريت ريقي حرام عليك
لأااااااااااااا
انا عاوز أبقى مصمم ألعاب ، انا كنت بصمم ألعاب بلغة
Basic
على كمبيوتر صخر ، عارف انت شغل الـ
Spirt
ده ؟
القحني بالشركة دي وحياة والدك والنبي ، عاوز أعرف ايه الخبرات اللي هم محتاجينها
-------------------
أكتب بالرصاص
ايهه الغيبة الطويلة دي يا راجل ؟
انا عاوز اجيب لعمرو ابني أكس بوكس
رغم ان عمره 3 شهور بس أنا بتحجج
استعباط بقى :)
نفسي يكبر عشان ألعب معاه جيمز وانشالله اتغلب مش مشكلة

فنان مسلم said...

أشرف بييييييه
والله أييام البيزيك دي كانت أحلى أياااام

الشركة اللي اشتغلت فيها كانت شركة سويدية وفاتحة فرع في مصر , وبتعمل ألعاب للبوكيت بي سي والموبايل وقفلت بعد فترة
بس عملت معاهم شغل كويس الحمد لله
بعد كده عملت شغل خاص أنا وأحد المبرمجين أصدقائي من اللي كانوا شغالين في الشركة دي , عملنا مجموعة ألعاب بسيطة وسوقناهم عن طريق النت , الموضوع يادوب جاب تكلفته لكن كان خبرة كويسة

وبعدها اشتغلت مصمم ألعاب في شركة
Imaginet
بتاعت الموبايل سوفتوير والبوكيت بي سي
وعملت معاهم مجموعة ألعاب من ضمنها (كش عمدة) http://www.taherart.com/gallery/games/Check_mare_game_by_backspace_1.jpg

الشركات اللي بتعمل ألعاب قليلة جداً ونادرة في الوطن العربي , وطبعاً اللي بيتارجت السوق العربي مش هيجيب هم تعبه
في اتجاه قوي حالياً للألعاب التو-دي اللي اسمها دلوقت
casual games
الالعاب دي عاملة مبيعات خرافية في العالم , وتصميمها بيحتاج ريسورسز أقل بكتير من الالعاب الثري دي الضخمة , ساعات بتوصل فقط لشخصين أو تلاتة

--
بالنسبة للعبة وورلد أوف وور كرافت , مفيش منها اصدار للعب المنفرد , لانها ببساطة عبارة عن عالم بتعيش فيه مع اصدقائك اللي بتتعرف عليهم جوة اللعبة
ومتعة التعامل مع ناس حقيقيين متعة خرافية

بتعيشك جو يصل للادمان

تخيل نفسك مع أربعين واحد من أصدقائك وعاملين جيش -راكبين الخيول و طالعين غارة على مدينة من مدن الاعداء - اللي هما لاعبين برضو

أشرف حمدي said...

فنان مسلم
والله كل يوم بيزداد اعجابي بيك
أخيرا لقيت حد مجنون زيي
طب انا بعمل العاب ببرنامج
Multimedia Fusion
لأني سبت البرمجة من زمان ، لو ينفع معاك قوللي ونعمل حاجة سوا

البرنامج ده بيطلع منه شغل جامد جدا خاصة لو استخدمت معاه الماكس و
particle illusion
لتصميم الشخصيات وتحريكها وعمل المؤثرات البصرية

كان نفسي العب
World of warcraft
بس ماليش في الجماعي للأسف

تحياتي ليك يا فنان
في انتظار تعقيبك ، انا داخل اشوف حكاية الألعاب معاك ايه وعارف اني حتشل كالعادة لأنك موهوب جدااااااا وانا متغاظ منك الصراحة
ههههههه

فنان مسلم said...

ربنا يكرمك
والله ده بس من ذوقك

أنا سبت الشغل اللي بحبه ده خالص , وغرقان لشوشتي حالياً في الملتيميديا و شغل الجرافيك الخنيق
لكن أن شاء الله لو جت أي فرصة نتعاون مع بعض هكلمك على طول

وانا نفسي جداً اتفرج على شغلك ,
لو تقدر ياريت تبعتلي عالايميل اي حاجة

taherart ( at ) gmail.com

Darsh said...

إنت سبت بجد لعبة أمير فارس ؟؟
هي مش صعبة و لا حاجة
الجزء التاني حلو جداً كمله عشان تعرف مين الأمبراطورة و كمان اللعبة ليها نهايتين لو جمعت كل بونص الحياة هتلاقي النهاية الحقيقية للعبة و تتجوز الأمبراطورة

من البلد دى said...

أنا أحب الألعاب الخفيفة.لأنى بصراحة شديدة ماعنديش دماغ للألعاب الصعبة .الولاد بقى والعيشة والشعر_بكسر الشين_وياريتنى بلاقى وقت لكل ده .أنا لو ماكانش إبن أختى قالى على موضوع _نام يا مصرى_كان زمانى ما أتشرفتش بمعرفتك ولا عرفت مدونتك أصلا.لكن ...الحمد لله

أشرف حمدي said...

Darsh
انت شجعتني اكملها وحاليا قدرت أجتاز مراحل كتير وربنا يسهل
شكرا على تعليقك بجد ، أصلي كنت حمسحها
----------
نام يا مصري
الشرف ليا والله العظيم ومش مجاملة وكلام في الهوا ، انا سعيد جدا جدا بمعرفة فنان زي حضرتك

أُكتب بالرصاص said...

ربنا يبارك لك في عمرو ، وتشوفه لاعيب قد الدنيا


وانا اوصي بالاكس بوكس
فإه افضل من البلي استاشنا

هذا والله أعلم

وأسال مجرب

هرطقة said...

والله انت راجل جامد
انا لسه متعرف على مدونتك اليومين دول
وقلت أخبط فى التدوينات القديمة
تدوينة عن الجيمز
انا ك بورمجى قديم
كان حلم حياتى أشتغل فى انتاج الجيمز
لكن للأسف بعدت عن كل ده واشتغلت فى الجرافيك
لكن مدمن جيمز
وان كان بقالى حوالى سنتين مش بلعب غير World of Warcraft
وأحيانا Hitman Blood Money
ولما الصحبة تكون موجودة Warcraft III
ولو طالبة mindless playing يبقى الحل فى Medal of Honor على النت
وحاليا منتظر بفارغ الصبر
Starcraft 2 & Diablo 3

Counter