Total Pageviews

Sunday, March 30, 2008

إنتي جاية تشتغلي ايه ؟


ــ إنتي جاية تشتغلي إيه ؟
ليت الإجابة بسهولة كلمة سواقة ، صدقوني أنا لا أعرف !

أحمد الله أنني لم أتزوج على طريقة الصالونات وإلا لظللت حتى هذه اللحظة أحاول البحث عن إجابة للسؤال التقليدي : وانت بتشغل ايه يابني ! لا أعرف تحديدا ما الذي قالته هند لأهلها عني ، ولكنه على أية حال رحمني من إجابة هذا السؤال .
حسنا ، سأخبركم بكل شيء وأرجو أن تساعدونني في معرفة نفسي .
أنا حاصل علي بكالوريوس طب فم وأسنان جامعة القاهرة ، وعملت كطبيب أسنان تحت التدريب خلال فترة الامتياز براتب شهري حكومي ، وبعدها أصبحت عضوا بنقابة طب الأسنان ، وأدفع أشتراك النقابة كل عام ، ومعي تصريح مزاولة المهنة مما يعني أنني طبيب أسنان معتمد ومن حقي أن أعمل كطبيب أسنان في أي وقت وفي أي مكان داخل مصر ، الناس تعتقد أنني تركت طب الأسنان ولكن هذا غير صحيح ، فحتى وإن لم أعمل به فإنه مصرح لي رسميا العمل في أي وقت ، كما أنني لم أفقد بعد مهاراتي كطبيب لأنني من النوع الذي لا يمكنه أن ينسى مهارة أكتسبها ، وعلى أية حال انا أمارس طب الأسنان على كل من حولي وأكتب التذاكر الطبية لكل من يطلب وحينما أقابل زميل لي يعمل بالطب نتبادل الحدث حول الحالات التي يصادفها ونتبادل الآراء , حينما أقدم نفسي للآخرين باعتباري طبيب أسنان فهذا ليس كذبا أو إدعاءا ، فقط أعطوني مائة ألف جنيه ولسوف أقوم بتجهيز عيادة في ظرف ثلاثة أيام .
ولكنني في الواقع رسام كاريكاتير ، حيث أنني أعمل كرسام محترف بمجلة صباح الخير منذ خمس أعوام تقريبا بالإضافة إلى عملي ببعض المواقع على شبكة الانترنت ، كما أنني عملت بعشرات المجلات والصحف على كل شكل ولون ولدي خبرة لا تقل عن ثمانية أعوام كرسام محترف ومثلهم كرسام هاوي ، حصلت على العديد من الجوائز المحلية والعالمية بمسابقات الكاريكاتير وأشتركت في بعض المعارض العالمية والمحلية وعملت ببرنامج القاهرة اليوم لمدة عامين تقريبا ، ولي عشرات اللقاءات التليفزيونية التي تم تقديمي بها كفنان كاريكاتير ، حينما أقدم نفسي كرسام كاريكاتير فهذا ليس إدعاءا ، انها حقيقة .
ولكنني في ذات الوقت أعمل بالكتابة الصحفية ، وعملي الحالي هو كاتب تقني بمجال الصحافة المتخصصة عن الكمبيوتر والانترنت ، ورصيدي ربما يتجاوز مئات الموضوعات والمقالات المتخصصة عن كل ما يتعلق بالكمبيوتر من هاردوير أو سوفت وير ، كما عملت أيضا كصحفي في فترة من الفترات وقدمت العديد من الحوارات مع شخصيات فنية مثل الأستاذ خالد الصاوي والفنان جورج البهجوري وحوارات مع أطباء وحتى مع تجار سيارات ، كما كتبت تحقيقات صحفية عدة من قلب الشارع المصري ، كما أكتب الآن بموقع بص وطل في باب عن السيرة الذاتية للعلماء ، ولي رواية قمت بنشرها على الانترنت وحققت نجاحا مقبولا وجاري الآن تحويلها علي سيناريو لا اعرف مصيره في الواقع ، فبجانب الكاريكاتير أعشق الكتابة الروائية وأمارسها من حين لآخر ، حينما أقدم نفس كصحفي أو ككاتب فهذه حقيقة وليس إدعاء .
ولكن بجانب كل هذا فأنا اعشق الرسوم المتحركة وعملت كمصمم ثري دي بمسلسل قصص القرآن الذي أذيع على القناة الأولى في رمضان قبل الماضي ، بالإضافة إلى بعض التصميمات ثلاثية الأبعاد الخاصة ببعض الإعلانات الخليجية عن منتجات شهيرة ، ربما تندهشون لو قلت لكم أنني لم أشاهد هذه الإعلانات ولا أعرف في الواقع متى تم عرضها لأنني انشغلت بالتأكيد في شيء آخر ، لا أكذب حينما أقول أنني مصمم ثري دي .
كل هذا الذي سبق جنيت منه مالا وعملت به كمحترف وأحيانا بعقود . وبجانب هذا كله أكتب بعض الأشعار كنوع من الهواية وأحيانا اقوم بعمل توزيعات موسيقية على سبيل التسلية وبرمجة ألعاب الفيديو على سبيل المغامرة أحيانا أغني على سبيل الاستهبال .
ولكن ، انا مين طيب في دول كلهم ؟
هناك من يعرفونني كطبيب فقط ، وهناك من يعرفوني كرسام كاريكاتير فقط ، وهناك من يعرفوني ككاتب فقط ، حتى أصبحت في النهاية شخصية أعجز عن استيضاح معالمها حتى أمام نفسي .
لا أجد مجالا واحدا يمكنني أن أواصل العمل به ليصبح هو كل عملي في هذه الدنيا . وإذا حاولت وضع أولويات يأتي الكاريكاتير في المركز الأول من حيث قربه إلى قلبي ، ولكن تأتي الكتابة التقنية في المركز الأول من حيث قربها إلي جيبي ، ويأتي الثري دي في المركز الأول من حيث قربه إلى طموحي ، وتأتي الكتابة الروائية في المركز الأول من حيث قربها إلى مراكز اللذة في عقلي .
ونعود لنقطة البداية ، والسؤال الذي يوجه لي في كل مقابلة شخصية وأقف أمامه عاجزا ، السؤال الذي يلح علي كل ليلة ويصيبني بالإحباط والعصبية دائما :
" انتي جاية تشتغلي ايه " ؟
انا بشتغل ايه ؟ ما هو موقعي من الإعراب على سطح هذا الكوكب ؟
اللي يعرف يقوللي .

17 comments:

somaa mahaba said...

استاذ اشرف انت فنان
والفنان لديه احساس بكل شىء لذلك فهو اقدر الناس على الكتابه والشعور بالام الاخرين ورسم ما يراه من الواقع حتى ولو كان خياليا
فلا تغضب من كونك لا تعرف من انت فى كل هؤلاء ....على فكره انا برضوا احيانا بشعر انى دخلت فنون جميله غلط والمفروض كنت ادخل حاجه تبع صحافه...واحيانا اقول انا لو دخلت غيرها ممكن كنت اموت اقول لالالا انا المفروض كنت دخلت تربيه موسيقيه بيقولولى صوتى حلو واللى زاد وغطى اما اشتركت فى جماعه مسرح تبع الكليه قلت المفروض كنت ادخل معهد تمثيل بس فى النهايه توصلت الى انى انا فنانه
والفنان مش بيكون زى باقى الناس وبيكون متعدد المواهب وهناك ابحاث ربطت بين الرسم والموسيقى ...وابحاث ربطت بين الموسيقى والكتابه
تحياتى ليك يا فنان ويشرفنا معرفه كل هؤلاء فى شخص واحد
سومه_87

somaa mahaba said...

نسيت اقولك اهم مهنه ليك ...انتك سواقا يا فندم سواقا
تحياتى ليك سومه_87

Nani said...

السلام عليكم
اسمح لي ان اساهم في اجابة قد تساعدك نوعا ما
انت كل ما ذكرت
لا يمكنني ان افهم كيف يمكن لشخص ما ان يكون احادي التفكير او الهوى
نحن مزيج او خليط
فلما علينا ان نصنف انفسنا لخانات ضيقة؟
فما دام الله حبانا بملكات مختلفة فلم نقننها ونحصرها في اطر اجتماعية
لعل هذا السؤال
انت جاي تشتغل ايه
محبط على عدة اصعد
لكني متاكدة انك
التففت على هذا السؤال بطرق خفيفة الظل
فكما تعلم لكل مقام مقال
:)

آخــر قــرصان said...

رســـــام كاريكــــاتير
ولا اعلم شىء آخـــر عنك غير هذا
قد اعلم بالصحافة لارتباطها بالكاريكاتير
لكن اى شىء لاخر ماعرفوش عنك ومع كامل احترامى مش حيفرق كتير عن انى عارفك كمبدع لفن الكاريكاتير
ودى سكتك فى نظرى

بطوط حبوب said...

انت واحد انا بحبه اقرا له من يوم معرفته - وده مش من كتير
وواحد بحب اوى رسوماته على الاقل الى شفتها كانت مسابقه على النت وانت كنت سايب لنك اعمالك
يمكن تكون بالنسبه لى فنان وخلاص
ثم انت تاعب نفسك ليه
الى يسألك قله والله حضرتك تقدر تقول سبعه صنايع والبخت والحمد لله مش ضايع

بطوط حبوب said...

انا كتبت كومنت بس مقليش هو جه ولا لأ؟؟

أحمد صقر said...

عاوز تعرف انت إعرابك إيه ^^؟؟؟
إعرابك عربى مرفوع بالإنسانية , من امتى العرب بيسألوا عن التخصصات ؟؟ راجع التاريخ وانت هتلاقى كل العلماء المشهورين و الكتاب و حتى الموسيقين كانوا بيشتغلوا فى أكتر من حاجة فى نفس الوقت و على سبيل المثال شوف عندك الموسيقى الشهير إسحاق الموصلى مهو بالإضافة انه ضارب عود مشهور و المغنى الخاص لهارون الرشيد إلا انه كان شاعر و عالم دين و حاجات تانية كتير ؟؟؟ ^^.. عاوز تعرف نفسك شوف إيه الحاجة اللى اناس بتفتكرك بيها ....

من البلد دى said...

إذا سمحت لى فإن إجابة هذا السؤال فى منتهى البساطة.(أنا أعمل ما أحب فى الوقت الذى أحب)فإذا كان الوقت والموقف يتطلب أن أكون طبيبا(فأنا طبيب)أو كاتبا(فأنا كاتب)وهكذا....فهذه الميزة الشديدة_تعددالوظائف أو الهوايات أو المواهب_قلما تتوافر فى شخص واحد...لذلك فأنت موضع حسد الكثيرين_وأولهم(أنا)لأنك تجد وقتا لتكون كل هؤلاء.فى الوقت الذى لا يجد الكثيرون وقتا ليكونوا أنفسهم....مع تقديرى.

لماضة said...

كوكتيل فواكه بس لاذع مش لاسع
بس خلينى اجاوب على سؤال انتى اشتغلى ايه على أساس انه موجه ليا أو اتمنى
الاجابة
رقاصة
والمعنى فى بطن الشاعر

مواطن مصرى نايم said...

فاضل لك حاجة واحدة بس
انك تبيع جاز
كل ده يا اشروف
مش خايف تتحسد
او تتحقد
دارى على شغلك يزيد
انا ممكن اقولك انت ايه
انت اشرف حمدى حبيبنا وبس
------------------------------
طبيب اخصائى كاركاتير استشارى ثرى دى
حاصل على الزمالة الصحفية تخصص حاسب الى دكتوراة فى الكتابة

أشرف حمدي said...

في البداية انا عاجز عن الشكر ، عشر تعليقات في اليوم الأول هو رقم قياسي، لا أجد ما اقوله في الواقع ، سأبدأ في الرد فورا ولكم مني كل شكر واحترام وتقدير
-----------------------------
Somaa
الحمد لله لقيت حد حاسس بيا بجد ،
ياريت لو تقدري تبعتيلي حاجة عن الأبحاث دي ولو ليها مواقع على الانترنت
أنا متفق معاكي في اللي بتقوليه
وانا اللي اتشرف بمعرفتك
للأسف ماليش في السواقة :) بس يمكن اتعملها في يوم من الأيام وأشتغلها ههههههههههه
-----------------
nani
عندك حق فعلا ، بس انا خايف من حاجة ، ان كل ده يعمل لي نوع من التشتيت وأبقى مش عارف أركز فين ، كما لما بسيب شغل ببقى مش عارف أروح أشتغل في مجال ايه ؟ ده غير اني اترفضت في أكتر من مقابلة شخصية لأني كنت بتكلم بصراحة ، يسألوني انت اشتغلت ايه قبل كده أقوم راصص لهم كل حاجة ويبقوا مش مصدقين ومحتارين يقبلوني ولا لأ ، الشغل الواقعي عاوز واحد متفرغ لحاجة واحدة ويمكن أصحاب العمل بيعتبروا ان اللي ليه اهتمامات كتير مش مركز أو ماعندوش خبرة كافية في كل مجال من دول
تحياتي
-----------------
آخر قرصان
مش بقولك ان فيه ناس ماتعرفش غير إني رسام كاريكاتير ؟
على الجانب الآخر نص الكلية عندي ماتعرفش غير اني طبيب :)
أشكرك على التعليق
-----------------
بطوط حبوب
ههههههههههههه حبيب قلبي :) ميرسي
بس هو البخت ضايع فعلا ، كل شغلانة من دول مش جايبة همها ، تعرفليش طريقة أروح دبي ؟
على فكرة التعليقات بتوصلني الأول وبعدين بوافق عليها ، إجراء أمني مش أكتر :)
-----------------
أحمد صقر
كلامك سليم يا باشا ، تحياتي
-----------------
من البلد دي :)
أحسد يا باشا براحتك :) ماحدش عاجبه حاله
انا الحكاية دي زي ما بقول مخلياني مش عارف أركز وأدي كل اهتمامي لحاجة واحدة ، انا فعلا بشتغل طول ما انا صاحي ، وماعنديش وقت فراغ أبدا ، نفسي أقعد أدلدل رجليا كده وأستجم
تحياتي
-----------------
لماضة
شغليني معاكي والنبي
-----------------
مواطن مصري نايم
ههههههههههه أشكرك ، ربنا يخليك
بس حقولك الحقيقة عشان ما اتحسدش ع الفاضي ، كل ده ويادوبك بلاقي آكل وبحاول أفي بإلتزاماتي بالعافية
للأسف الفن في مصر حتى وان تعدد مابيجيبش فلوس ومش مضمون
ياريتني جمعت بين هندسة البترول والرقص والتمثيل كنت بقيت حاجة تانية

بطوط حبوب said...

ما انا عارف هى دى اول مره اعلق هنا بس بيبعتلى حاجه اصره - ومتفهمش غلط بحاجه اصفره- بيقولى وصلت وانتظر فى الطابور يابرنس انت بتعلق عند اى حد
مجتش الرساله دى المره الى فاتت فقلقت

ومعندكش انت طريقه احول انا ادبى ههههههههههههههه

farida said...

احساس غريب فعلا
أن تمتهن اكثر من مهنه

لكن بالتأكيد يدل على تعدد مهاراتك
و انك في الصميم فنان يرفض التقيد
و النمط الواحد الممل

لكن اتمنى الا تكون ممن قيل فيهم المثل
"سبع صنايع و البخت ضايع"

لأنه أحيانا يكون التركيز في عمل واحد سبب لتفوق المرء في هذا العمل
أم تشتيت قدراته بين أكثر من جهه
سببا في عدم ثباته و تنميته لعمل واحد

لكن هذا لا يهم
المهم رضاك أنت عن نفسك و عن ما تعمل

لأنه في نهاية الأمر
و عندما يمر بك العمر و تنظر ورائك
من المهم ان تجد نفسك راضيا عما فعلت و عملت

لا يهم رضا من حولك
لا يهم ماذا ستكتب في خانة العمل في البطاقه
و لا كارت الهويه الذي توزعه على الناس

المهم خانة الرضا في عقلك انت

تحياتي
و
اشتقت القراءه لك
.......
ملحوظه بوست
الواقع و الكاريكاتير
جميل جدا
:)

أشرف حمدي said...

Farida
أشكرك كثيرا علي هذا الرد ، بالفعل أخشى من التشتيت ولكنني بالفعل راض عما أفعله وإن كان يلازمني شعور دائم بالتقصير تجاه كل مجال
العمل ربما يساعدني على التركيز في مجال واحد ولكن للأسف لم أجد المجال الذي يجمع بين حبي له والعائد المادي الذي يضمن لي الاستقرار
لذا أحاول الخوض في كل هذه المجالات وفي ذات الوقت حتى أجد أن مجالا منهم يجتذبني بشكل أكبر ويضمن لي حياة مستقرة وظروف مناسبة للابداع
أشكرك بشدة

أسامه يوسف said...

معلش يا دكتور
أنا مش جيت هنا من زمااااااااان
بس والله كنت باطل من فتره للتانيه

بالنسبه لسؤالك فببساطه انت كل دول
يعنى لما حد يسألك انت بتشتغل ايه قول له
دكتور أسنان ورسام كاريكاتير ومصمم ثرى دى وصحفى
دى حاجه جامده ماشاء الله عليك انك تكون كل دول

بس انا كنت عارف انك كل دول من خلال البلوج واضحك للدنيا قبلها

انا كنت باطمح اكون اتنين من أعمالك
مصمم ثرى دى
وصحفى

تحياتى

وينكى said...

خد كل الحاجات دى واضربها فى الخلاط وأضف عليها معارفك الشخصيه من البشر وخبرات حياتك اليوميه وهاتطلع فى الاخر انسان اسمه اشرف حمدى
ليه بتحاول تحصر او تحدد نفسك فى قالب واحد من دول
مادام انت قدرت تعمل كل ده فى نفس الوقت يبقى اكيد انت محتاج توصف نفسك بشكل جامع ما يقتصرش على حاجه واحده غير الباقيين
انا عندى نفس المشكله
فيه ناس تعرف عنى حاجه وغيرها لا
طبعا مافيش مجال انى اكتبهم هنا عشان ما تضربنيش بالنار
بس انا سعيده بالخبرات دى والتنوع اللى جوايا واللى شكل شخصيتى
والحمد لله.. انت مش اتجوزت هند وخلاص؟؟
يبقى السؤال راحت عليه
:)

صحفية روشة said...

انت كل دول ومش قادر تكون حاجة واحدة فيهم
لانك عندك شغل بيظهر ابداعك وعندك شغل بميلا جيوبك
وعندك شغل بمزاجك بتستلذ بيه
لانك لو سبت شغلك اللى بتستلذ بيه مش هتقدر تركز فى شغلك اللى بيجيب فلوس لانك دايما هتشتاقله وتفكر فيه ويمكن الكاريكاتير عملك شهرة عرفت الناس بيك وعرفو انه ليك فى مجالات تانية
جدار كل الطوب اللى فيه بيكمل بعضة
نصيحة
متسبش حاجة بتحبها والا هتندم

Counter