Total Pageviews

Monday, December 22, 2008

اللص العبيط

تحت شعار
نحن نختلف عن الآخرون
قام شخص نكرة مغمور بإنشاء مدونة تحمل اسم كاريكاطظ ، ليس هذا فقط ، بل سرق كاريكاتيرات لي ، بالإضافة إلى البروفايل والتدوينة الأخيرة بالكامل ، فرصة جيدة للتسلية ، منذ فترة طويلة لم أتسل بأحد .
أستعنا على الشقا بالله ، وآدي قعدة ، وسيجارة وكوباية شاي ، ياللا بين
ا
.
نحن نختلف عن الآخرون

أولا هي نحن نختلف عن الآخرين ، يخرب بيت أم الجهل النحوي .
ثم العبارة لذيذة قوي ، دي ممكن نتكلم عنها شوية ، يقصد يقول مثلا نحن نختلف عن اللصوص الآخرين ؟، حيث أنه ليس لصا عاديا يسرق فكرة أو عبارة أو معنى أو صورة ، لا ، بل يسرق مدونة بالكامل ! مدونة باللي فيها ، دي جديدة وتستحق أن تخلد في موسوعة أم كمال للسرقات القياسية .
ثانيا : سرقة البروفايل ، دي برضه جديدة ، لأ وإيه ، شوفوا كاتب ايه :
فنان أعيش وأتعايش كائن له اربعة أطراف واحيانا خمسة باعتبار الفرشاة طرفا خامسا غذاءه الالوان وموطنه الاصلى الاتيليه ، يجيد الرسم والتلوين
شال الشيشة وحط الفرشة ، شال أسنان البنى آدمين وحط الرسم والتلوين . مش بقولكم ، ظريف يا مضروب والله .
ثالثا : هل سمعتم عن مونتاج الكاريكاتير ؟، دي برضه جديدة ، أكيد ده فن جديد مسمعناش عنه ولا حنسمع ، يمكن بس في موسوعة أم كمال للفنون الغير تقليدية ، أن يتم قص شخصية ما من كاريكاتير وشخصية أخرى من كاريكاتير آخر ومحو الإمضاء وحقوق الملكية الفكرية والعلامة المائية وتركيب المقصوص على خلفية ووضع تعليق جديد سخيف ثم يجد لديه بعد كل هذا من الصفاقة والتناحة والوقاحة والبلادة أن يضع اسمه الكريم على اللوحة ، يبدو أن هواية القص واللزق بتاعة حضانة لا تزال مستمرة مع هذا الكمال في حالة لم أشهد لها مثيل من طفولة متأخرة ، كميل كمال مالوش مثال ، كميلة كميلة ههههههه
رابعا : لم أر أيضا من يسرق تدوينة بالكامل بنفس عنوان التدوينة ويضع عليها كاريكاتير لنفس الشخص المسروق منه التدوينة بل ونفس اسم المدونة بل ونفس البروفايل ، يا أخي طيب اللي يسرق يجتهد شوية ، يبذل مجهود حتى ، يعمل أي منظر كده ، أنما حرامي وعبيط دي بجد أشهد له بيها ، بجد أنا عمري في حياتي ما شفت كده ، وتقديرا مني لهذا الكميل كمال قررت مدونة كاريكاطظ الأصلية بناء على رغبة صاحبها منحه وسام الهطل من الدرجة الأولى الرفيعة .
تصفيق حار


ابسط يا عم ، صورتك نزلت عندي في المدونة ماحدش قدك ، يا كاميلا إنتي ، تستهلي بوسة يا خواتي
تعليقي على الموضوع أن الاخ كميل كمال واحد من اثنين
إما أنه شخصية وهمية في الأساس لذا وجب على الإعتذار مقدما للمسكين صاحب الصورة التي من الأرجح أنها ايضا مسروقة من شخص ما ، وفي هذا الحالة لا أفهم الهدف من وراء ذلك كله ، فلو صح ذلك فلن يتآذي إلا صاحب الصورة الأصلية . وفي هذه الحالة أيضا أنا اعرف من قام بذلك لأنه عبيط .
وإما أنه بالفعل شخص مغمور اجتمعت به عدة صفات قلما تتوافر بشخص واحد ، اللصوصية والغباء والهطل الكسل وهذا أمر نادر ويستحق الإعجاب ، هل يظن بذلك أنه يستطيع دخول عالم التدوين من أوسع أبوابه مثلا ؟ ولماذا أشرف حمدي تحديدا ؟ هل يشك في أن زوار مدونتي أو قرائي يجهلون أسلوبي في الرسم بغض النظر عن جودته ، هذه خطوطي أنا بكل ما بها من جماليات وعيوب وحتى أخطاء في الرسم ، خطوط الفنان هي شخصيته ، وأن تسرق شخصية الآخر وتقول أنك تختلف عن الآخرون فهذا لا أفهمه .
في الحالتين ، أترك لكم عنوان المدونة والمسرقة أيضا من عنوان مدونتي ، ولكم مطلق الحرية سواء في التعليق ، أو ضغط علامة على المدونة للإبلاغ أو التجاهل التام أو حتى الدعم له !
ولكنني بالفعل سعيد بهذه التجربة اللذيذة التي تجسد وبشكل واقعي ملموس فئة نادرة بل شديدة الندرة من المقحمين على مجال التدوين .
تحياتي


37 comments:

ساره said...

حتى المدونات سرقوها
يعني لما اطلع من المدونه حقتي اقفلها بالمفتاح
لاحول ولاقوه الا بالله
بس يا حمدي انت احتفلت فيه احتفال يخلي غيره يحرم
:)

أشرف حمدي said...

شفتي يا سارة :) انا سمعت عن السرقة ""من"" المدونات
أما سرقة مدونات باللي فيها دي جديدة
بس فين الغحتفال ده ؟ ده أنا حنين عليه خالص :)
الواد برضه مسبسب شعره وأهتم بيه لازم نكون خفاف عليه أحسن شعره يتنعكش :) هههههههه
تحياتي

adel said...

ههههههه
يخرب بيت غباء الناس.....هههههه
حرامي ماشي بس كمان غبي ....صعبة قوي دي

اوعي تكون انت اللي بتسرق منه يا اشروف

هههههههه

بس والله كميلة....زدا مقلدك بالظبط يا راجل....و علي راي نبيل فاروق في قصص رجل المستحيل

لقد اصبح نسخة طبق الاصل من موشي لدرجة لاتستطيع ام موشي التفريق بينهما

هههههههههه

عادل
http://elbald-dy.blogspot.com/

Unknown said...

ههههههههههه
انا شاكه في الصورة بتاعه البروفايل كمان
متهيالي انها صورة لفنان هندي
زي الفيلم اللي عامله بالظبط
لا وجي يقولي تعالي زوريني قال
اهي فرصه نتسلى بيه شوية
ربنا يهدي ويشفي

Anonymous said...

انا دخلت على مدونته بالصدفه لقيته معلق عند خالد الصاوى قولت اشوف عامل ايه تخيلت ان الموضوع اعجاب وصل الى الهوس لكن واضح انه مريض فعلا متقمص شخصيتك تماما وكمان سارق الكاركتير انا قولت كده برضه الخطوط جميله بس الكاركتير مش ماشى مع بعضه عموما ده انسان مريض انسب حل ليه هو التجاهل التام عشان كده حتى مهتمتش اسيب عنده تعليق

أشرف حمدي said...

كوميديا والله العظيم
دي بقى قمة المويديا ، عشان كده أهتميت بالموضوع وكتبت عنه
عشان ده يعتبر خبر صحفي من الدرجة الأولى
زي ما بيقولك : لو كلب عض راجل ده عادي ، إنما لو راجل عض كلب ده الخبر الصحفي
لما تسرق فكرة دي عادي ، وايه يعني ما الحرامية كتير
أما كونك تسرق بني آدم بحاله بأفكاره بتدوينته برسوماته باللي فيها دي الجديدة هههههههههههه
انا فطسان من ساعتها هههههههههههه
بجد الواد ده فرفشني وطلعني من مود الاكتئاب بتاعي

أكون أو لا أكون said...

ههههههه ده لسه جديد على الشغلانه... لسه مالحقش يسرق... بس ازاي لقطته كده ههههههههههههه
مسكين مش عارفه ليه حاسه انه صغير في السن... شكله كده بتاع ١٢ سنه هههههههههههههههه...
حرام ... مش عارفه ليه حاسه بالشفقه عليه ...
شكله واحد مافيش شخصيه....
حعيط...
هههههههههاااااااااي
انت يادكتور بتحصل معاك حاجات نهفه ههههه...

Unknown said...

يعنى اهبل وعبيط وزمباوى؟؟؟؟
فكك اشروف انت بدو يهمك الخيابة دى يا جدع نحن نختلف عن الاخرون ايوة مشيها الاخرون....عايزين نعمل رحلة الى مدونة كميل كمال ونعمل له فرح ونجرسه فى بلوجر كلها وصوتى ياللى منتيش غرمانة...الواحد عنده شوية كبت عايز يطلعهم بس متنكرش انه مبدع جامد جامد...سرقها كلها يا نهار اسوح دة ايه البجاحة دى يا ناس

Anonymous said...

هى كوميديا فعلا بس كوميديا سوداء
مع انك بتقول الموضوع مضحك لكن باين من كلامك انك مفروووووووس وبشده وضاغط على اعصابك جدا
هو ميستهلش ده مريض محتاج علاج نفسى مكثف معتقدش ان قصده السرقه او ايذائك قابلت حاله زيه كده واحده متقمصه شخصيه اعز صديقاتى تماما تشترى لبس وحاجات زى بتاعتها اى حاجه تعملها تروح تعمل زيها ومن ده كتير

بس حاسب لان الموضوع ممكن يتطور لاحظ انك بتدون بأسمك وشخصيتك الحقيقيه وده مريض متوقع منه اى حاجه

... amr said...

يا أخي يا أخي .... يا أخي ........... سيب الناس تاكل عيش يا أخي
اية دة ؟؟ امال فين مساعدة الانسان لاخية الانسان على سرقتة ؟؟؟؟؟؟؟؟؟؟؟
طب بالله عليك ... دة تكافل اجتماعي ؟؟؟؟؟؟؟؟
الراجل لسة بيقول يا هادي ... هو اينعم لما ( لطش ) لطش اسم واحد معروف
بس نعمل اية ؟ نصيبك كدة !!! قدرك يوقعك مع حراامي غبي !! أعترض بقى
:P
وكمان خلي قلبك واسسسسسسسسسسع كدة و يساع من الحرامية كتيير
:)))))
يا مسروق انت :))
----------------------
المعرض امتى بقى عشان ناوي اغتت عليك و ازورة - من غير اذن بعد اذنك - :)

Empress appy said...

ايوه يااشرف انا دخلت واستغربت وقولت له برضهبس مكنتشفهمه واستنيته ير علان اقول استغربت اوي مان حاجاتك سبحان الله طيب ليه كده هو علق عندي على فكره تصدق ضايقتنى معل يا اشروف انت مميز واحنا عارفين

Anonymous said...

يا عم انت هتمثل؟ نفض يعني هو حد خد باله؟ كفاية شكاوي منك بقي . بعدين هو مش مريض يا دكاترة. هو بس كسول هاها. انا مش هو علي فكرة. متعرفش اية اللي حصل لبهججة ؟ فاكر المدونة دي؟ ومش انت كنت بتنزل جرنان و قصص؟ فين؟

moustapha achraf said...

ابسط يا عم طلع فى ناس عندها هوس ب اشرف حمدى لدرجة انة يعمل المدونة بتاعتك copy we past بس انا بقول خلى باللك على نفسك يمكن تلاقية ناطط فى اى حتة و يقوللك انا اشرف حمدى ههههههههة
اهو دو بقى الى محمد صبحى بيقول علية متأمر و اهبل
المهم انو فرفشك كدة ودة يثبت ان كلامك بيؤثر فى الناس
سلام

moustapha achraf said...

فية بوست عندى اسمة اصفر اخضر و واحد تانى اسمة اصحو يا جماعة عايز اعرف تعليقك عليهم
merci ya man :)

Anonymous said...

نعم ..........عليكو واحد يعنى ايه بعد مهزء فيه واعد احلل شخصيته واعمل فيها دكتور نفسى ترجع تقول عليكوا واحد

تسمح يا ا اشرف متزعلش- انا متغاظه
منك جدا- الى عملته ده عبط

sorry مرة تانيه اتعوت اقول رأيى بصراحه

فنان مسلم said...

"
لقد اصبح نسخة طبق الاصل من موشي لدرجة لاتستطيع ام موشي التفريق بينهما

هههههههههه
"

:D جامدة جداً دي

خد بالك يا أشرف , عشان اللي تتسرق منه مدونته ,يتسرق منه .......... ايميله

مبروك يا أشرف , ده ان دل على شيء انما يدل على شعبية مدونتك :)

أشرف حمدي said...

أنا
تقصد ايه بعليكوا واحد ؟ مين قال عليكو واحد ؟

على فكرة يا جماعة المدونة اتحذفت :)) خسارة والله كان نفسي أنشكح شوية كمان

Anonymous said...

فى ملف التعريف بتاع الاستاذ غير اسمه الى اشرف حمدى وكتب تحته عليكوا واحد

لا اوعى تقول انك معملتش كده دانا اتجننت خلاص من النت والهبل ده

أشرف حمدي said...

الأخت العزيزة أنا

طبعا مش انا :)))) وزعلت منك في التعليق بصراحة ، قبل ما تقولي عليا عبيط طب أستفسري مني الأول :)
عموما حصل خير
واضح إنه عمل كده عشان يداري كسفته
أنا مش فاضي طبعا للكلام ده ، يعني مش منطقي إني أسرق مدونتي بنفسي وأشتم في نفسي هنا وبعدين أقول عليكوا واحد

المدونة اتحذفت النهاردة
انتي قريتي ملف التعريف بتاعه اللي فيه اسمي ده إمتي وفين ؟

Anonymous said...

من تعليقه عن خالد الصاوى

اسفففففففففففففففففه جدا مش عارفه اقول ايه انا دايما متسرعه كده بس هحاول اتغير ان شاء الله اسفه جدا جدا جدا

أشرف حمدي said...

لا أبدا يا انا ، لا أسف ولا حاجة
هو كان عاوز يوقعنا كلنا في بعض :) بس برضه العبيط حيفضل عبيط :) طب ماهو ممكن اعمل بروفايل باسم باراك أوباما وأحط صورته كمان :)
حصل خير ومافيش حاجة
كل سنة وانتي طيبة
تحياتي

فاروق عادل said...

أشرف حمدى
الجنس: ذكر
من أنا
عليكم واحد :))))))))))


بعيد عن ذلك بس فى تاج عندى اتمنى انك تشوفة وتحلة

فاروق عادل said...

انا اسف قريت تعليقك على انا

وكل سنة وانت طيب

Anonymous said...

كل سنه والدنيا كلها مبسوطين وسعداءhappy new year

اكرر اسفى تانى يا اشرف

المرضى كتروا اوى اليوميين دول مش عارفه الناس حصل لها ايه

Anonymous said...

معلش بعلق للمرة 400 النهارده بس حبيت اقولك ان فيه واحد متخلف ماشى يعلق فى كل المدونات تحت اسم خبر الموسم علق عندى وعند خالد الصاوى وناس تانيه
..................................وده نص تعليقه
اشرف حمدى صاحب مدونة كاريكاتوز
يفتعل قصة وهمية عن سرقة رسوماته سعيا لمزيد من الشهرة الوهمية
ويتهم شخص وهمى اسمه كمال نور بانه قام بسرقة الكاريكاتير واسم المدونة
وقام بكتابة بوست كامل يسب فيه الشخصية الوهمية التى اخترعها لجذب الانتباه
لمشاهدة الموضوع
http://caricatooz.blogspot.com/2008/12/blog-post_22.html

...................................
عموما خد بالك الموضوع اتطور زى متوقعت

أشرف حمدي said...

انا

شكرا يا أنا بجد ، وبراحتك خالص مدونتي مفتوحة ممكن تعلقى في أي وقت
أنا عارف هو مين ، وهو شخص صعبان عليا بجد لإنه مريض
ربنا يشفيه
عموما الموضوع لم يتطور :) هو كده اللي بيعمل لي دعاية هههههههه
والله وبقيت زي الممثلين كمان يطلع عليا إشاعات

عموما إنتي عارفة وكل زوار المدونة الكرام عارفين إني مش بتاع الكلام ده ، وشغلي هو اللي بيفرض نفسه ، وأبقى إنسان تافه ورخيص لو لجأت للأسلوب الحقير ده للشهرة
انا نفسي ما يهمنيش إني أكون مشهور ، اللي يهمني إن رسوماتي توصل للناس وتحبها وتتفاعل معاها وببقى سعيد جدا لما بشوف رسومات ليا مبعوتة بالميل من بلاد ماكنتش أتخيل إنها بتشوف شغلي
تحياتي وميرسي على التعليق

فاروق عادل said...

يعنى انت مثلا لو مش مشهور هتشتهر بالبوست دة حاجة غريبة

أشرف حمدي said...

عبط بقى تقول ايه ؟ :) ماكنش حد غلب
كنت بطلت كاريكاتير وقعدت أطلع في إشاعات عن نفسي ههههههه

moustapha achraf said...

هو انا مبيتردش عليا لية

adel said...

يا اشروف بص المفاجاة يا ريس

https://www.blogger.com/comment.g?blogID=2439969741743412060&postID=2259336600346342237&page=1

دي لينك التعلقيات اخر موضوع عندي اسمه كوكتيل لو مدخلش اللينك افتح البلوج و ادخل

الواد العبيط بتاعك جالي و عامل كومنت ...بيحول يشوة صورتك قدامنا

و انا رديت يا معلم....و عايزك تدهمله تاني هنا عندك و عندي في البلوج

عادل
http://elbald-dy.blogspot.com/

أشرف حمدي said...

يا عم صورة ايه اللي تتشوه :) والنبي لاتسيبه يا شيخ
سيبه يهبل شوية كمان :) أدينا بنستكشف آفاق أكثر هطلا بعد أن كنا نظن أن الهطل له حدود
ههههههههههه

untitled said...

بقولك ايه يا اشرووف

تحت احجزلك الدومين ده

caricatooz.com

واعتبره هدية مني ليك

أشرف حمدي said...

يا باشا كتر ألف خيرك ، مافيش داعي والله العظيم
كفاية المدونة ربنا يخليك
شايلك لكبيرة
ألف شكر بجد

وينكى said...

ههههههههههههههههههههه
بس كفايه
خلاص الراجل صعب عليا
انت شخرمته خالص
بس فعلا اللى لا اغفره ابدا وهاموت اديله فى سنانه عليها
كلمة الآخرون دى
كله إلا النحو لو سمحتو
مافيهاش هزاااااااااااار

Foxology said...

زمان كنت بقرف من الناس دى لكن دلوقتى بقيت بحس انهم لصوص ولكن ظرفاء :))

كان فى حكمة بتقولك >> لا تغضب ممن سرق افكارك فهو بذلك قد اسدى لك خدمة العمر بنشر افكارك لأبعد من حدودك !

ما علينا .. تحياتى :)

Yasser Hussein said...

ازيك يا اشرف
ده لنك لواحد تاني واخد شغلك ع الفيس بوك ومغير التعليق وحاطط أسمه
معرفش اذا كان استاذنك ولا لأ
http://www.facebook.com/editpicture.php?success=1#/photo.php?pid=1897286&view=album&id=555273131&ref=nf
أسمه باسم علي
كل سنة وانت طيب
:)

أشرف حمدي said...

شكرا أستاذ ياسر على التعليق والتنبيه
وجاري اتخاذ اللازم
كل عام وانت بخير

Counter