إدفع الأول وبعدين إشتكيعبارة تقولها لك الحكومة لتنصب عليك
إنجح الأول وبعدين إعمل اللي انت عاوزه
عبارة يقولها والدك ليرضي ضميره . لأنك كده كده عمرك ما حتعرف تعمل اللي انت عاوزه في البلد دي .
إركب الأول وبعدين إسئل
عبارة أقولها لك اذا كنت تبحث عن مواصلة لآخر فيصل من ميدان عبد المنعم رياض الساعة 2 الظهر !
14 comments:
طب كويس انك هتعرف تركب وتسأل بعدين ، ده انت متميز
اتعلم الكاريكاتير الأول وبعدين أرسم
اعرف حجمك الأول وبطل تضحك ع الناس وبعدين أتكلم
عبارتين لو ماقلتهمش لنفسك محدش هيقولهملك
ربنا يتوب عليك وعلى كل الناس من بهدلة المواصلات وينعم عليك بعربية ترحمك من الميكروباص ولو أن حتى اللي عندهم عربيات بيتبهدلوا من وقفة الطريق والزحام ... ويا سيدي ابقى عزل من فيصل لو ساكن هناك وخد لك شقة ع النيل ...انا قصدي شقة فول تضربها مع كوباية حلبسة على الكورنيش
أخى الكريم:
فى حاجات كتير فى مصر هتتغير , وان شاء الله قريب جدا , بس احنا نشد حيلنا شويه , مع توعيه للعقل الجمعى المصرى , وشويه أخلاق , بلدنا هتبقى فل
بس احنا نحاول
وتقبل تحياتى
بمناسبة موضوع الركوب
عاوز أقول ان القاهرة تملت كباري فوق كباري فوق كباري
وأنفاق تحت انفاق تحت أنفاق ومحاور جديدة وبرضه مفيش فايدة ولا فيه حل للزحمة والاختناقات المرورية
والمشكلة الحقيقية ان مفيش حل ...عارفين ليه؟؟! ..لأن مجموع مساحات وأطوال شوارعنا تستوعب ما يقارب النصف مليون سيارة...لكن العدد اللى بيمشى كل يوم في شوارعنا يفوق الاربع ملايين سيارة
يعنى لازم حل جذري ..... مش حلول المسكنات والتوسعات البسيطة اللي ليس من ورائها اي طائل ولا تحسن
دمتم بخير
احب اشكرك يا دكتور حمدى على رسوماتك الرائعة ومواضيعك المميزة
بالتوفيق والى الأمام
أستاذ هاني
حضرتك حزب وطني ؟
بصراحة انا مختلف مع حضرتك . اعتقد ان العيب ليس منا وحدنا . لا أنكر ان بنا عيوب كثيرة ولكن من هو المسئول عنها ؟
مرحبا بك في مدونتي
الفنان أشرف حمدي
لقد أعطيت مثل هؤلاء الأشخاص أكبر من حجمهم حين ذكرت أسماؤهم فقراء مدونتك يجهلون هذه الأسماء فليس لهم أي دور مؤثر مشهود في المجال
وأكم من ميلات ترسل لي يومياً وعليها اسماء أصحابها الذين سيكون مصيرهم الحبس ثلاثة سنوات وعشرة آلاف جنيه بتهمة السب والقذف لأننى محتفظ بجميع هذه الميلات واتصلت بالمحامي الذي يدير أعالي بمصر للقيام باللازم ... ولكنني لم ولن أذكر أسماء هؤلاء لأنهم بذلك أصبح لهم سعر وهم لا يستحقون الا مصير كل من يهاجم الشرفاء وكل فنان مجتهد وصاحب كلمة ...
عزيزي أشرف
أنت فنان موهوب رغم أنف الجميع ولو كنت لست كذلك ما زار مدونتك أحد ولا كنت قد أضفت لك رابط من موقعي المجاني المتواضع ... وفقك الله وسدد خطاك
عندك حق يا أستاذ ياسر
بالبطبع هي أسماء غير معروفة وستظل كذلك الي الأبد .
أعتقد انهم مدينون لي بالشكر لذكر اسمائهم :)
تحياتي
اركب الأول وبعدين اسأل
اتجوز الأول وبعدين خلف
احجب يا عم احجب ولا يهمك ، ده حاجه متستحقش القرأة
انا بعد مقريت التعليق الغريب قبل مقرأ ردك ، قلت فى عقل بالى ايه ده وانلبى بقى مضيع وقته فى الكلمتين دول عشان يضيع وقتى واقرأهم
احجب احجب احجب
ميشيل لفت انتباهنا لموضوع مهم
من حق الانسان انو يخلف قبل ما يتجوز
يا كده يا يعملو ثيرتين داي ماني باك جارانتي للجواز !
الفنان أشرف
المفروض يلغوا الميكروباص والكباري والشوارع والواحد يروح يدفن ويموت أحسن ...وأيه حكاية اللي بيشتموك وذكرت أساميهم
أيه الأسامي الغريبة دي؟
دي اسامي فنانين
فوزي مرسي ده شغال أيه ...علاف؟
والتاني ده حنطير ولا حنطور... ده اسم عربجي؟
ربنا يزيح عنك البلاوي دي...أنا عمري ماسمعت عنهم
لأ... جديده دى
اركب الأول وبعدين ممكن تروح الأقصر مش مشكله
لأ بجد حلوه
انا مش قادره ابطل ضحك
حتى شوف
نياهاهاهاهاها
على فكره اسلوبك رائع وكاريكاتيرك حلو موت انا مش عارفه ازاى انت بتقدر تكون كل دول رسام ومغنى وطبيب ومدون حقيقى بسم الله ما شاء الله بغير لما بشوف ناس كده وانا حتى مش عارفه اكون حياله ف سنه خامسه طب بس متخفش والله انا ماسكه الخشب اهو
Post a Comment