Total Pageviews

Thursday, March 27, 2008

مساءك ع الريحة



على أحر من نار الفرن ، كنت أنتظر التطوير الجديد لبرنامج مساءك سكر زيادة علي قناة أو تي في باعتباري واحدا من أعنف مشجعيها وأكثرهم تعصبا ، وبما أنني ماليش في الكورة فقد اتخذت فريق العمل بهذه القناة فريقي المفضل ، وارتديت فانلة القناة اللي عليها الأوه الحمرا التي تمثل لي وقتا ممتعا بعد عناء يوم كامل في العمل والمواصلات وحرقة الدم ، لهذا صرت مدمنا لبرنامج مساءك سكر زيادة والذي يتوافق موعده مع وقت رجوعي من العمل ، كما شرفت بالظهور به من خلال فقرة شوية فن وقد كان من أمتع اللقاءات التي ظهرت بها وأقربها إلي قلبي ، يكفي أنني حينما ذهبت إلى الأستوديو وجدت المذيع المتألق الأستاذ شريف عبد الرحمن طابعا مدونتي ويقرأ بها ، شعرت وقتها بأن هؤلاء لم يأتوا كي يمارسوا وظيفتهم ، بس كي يمارسوا مزاجهم وعشقهم ، وهو ما تأكد لي من خلال صديقي المعد والصحفي هيثم أبو عقرب من خلال متابعتي للتقارير التي يقوم بإعدادها .
على أحر من نار الفرن ، انتظرت وانتظرت ، وياريتني ما انتظرت .
فقد كانت النتيجة صادمة بالنسبة لي كمشاهد ، حيث تحول برنامج مساءك سكر زيادة إلى ما يشبه البرامج الحوارية التوك شو ، وفوجئت بعدد كبير من الضيوف يستضيفونهم ثلاثة ثلاثة كل يوم ، ومع وجود مذيعين في وقت واحد يصبح اللقاء عبارة عن خمسة أشخاص يتحدثون في مواضيع لن أقول أنها لا تهمني ولكن لا يهمني متابعتها علي قناة أو تي في ، فيمكنني أن أتابع نفس المواضيع من خلال برامج أخرى مثل العاشرة مساء أو تسعين دقيقة أو القاهرة اليوم ، ثم ما هي الحاجة لقناة أو تي في أن تحاول منافسة البرامج الحوارية ، في حين أنها في الأساس ناجحة جدا فيما تقدمه ، كنت أتوقع أن يكون التطوير في نفس الاتجاه العصري المصري اللذيذ المبهر وليس أن يكون في اتجاه آخر تماما بزاوية منفرجة هكذا !
أريد أن أشاهد فقرة المهن الشعبية ، والتقارير التي يتم إعدادها من قلب الشارع المصري والحارة المصرية الأصيلة ، ولا مانع من متابعة الأخبار بالأسلوب المختصر القديم ، ولا أريد مناقشات مطولة حول موضوعات سئمنا منها ومتاحة في جميع البرامج الأخرى بشكل أكثر عمقا وتفصيلا ، أريد أن أرى مواهب شابة في فقرة شوية فن ، لقد كان للبرنامج دور عظيم في ظهور العديد من الفرق الموسيقية والفنانين التشكيليين وغيرهم من الشباب / فلماذا تخلت المحطة عن هذا الدور وبدأت في استضافة فنانين كبار ومشاهير نراهم كل يوم عشرات المرات على عشرات القنوات الفضائية ، أين وقوفكم بجانب الشباب ؟ . سر نجاح هذه المحطة أنها استطاعت تقديم كل شيء لا تراه على القنوات الأخرى ، وهذا هو ما يسمى بالتميز ، ولا أفهم كيف تتخلي أو تي في عن التميز لتبحث عن التنافس ؟ قناة أو تي في بالنسبة لي ليست متنافسة ولا في موضع تنافس مع آخرين لأنها منفردة بذاتها .

أنا حوجع دماغي ليه ؟؟؟

أنا الملا أشرف حمدي الشهير بأشروف ، أعلن احتجاجي الرسمي على ما حدث لبرنامج مساءك سكر زيادة ، وأقسم برأس أبي الهول ، أنه ما لم تعد القناة إلى سابق عهدها فإنني سأفجر نفسي في أستوديوهاتها أستوديو أستوديو ، ثم أفجر نفسي مرة أخرى في القمر الصناعي نفسه. ولقد أذعر من أنعر .
هذا وبالله التوفيق

26 comments:

Anonymous said...

اشروف حبيبى

انا بصراحة اضيقت من رد نها عليك وموقع الدوش ده فدخلت اربيها شوية ووقعت فى الكلام ووفضحت نفسها انها هيا للى عملت كده , متشغلش نفسك بيها يافنان احنا بنحبك وحتى لو انتا انا معاك فى حكاية الدوجلس بس شايف السكسوكة حتبقى سكسى عليها اكتر
نيهاهاهاههاااااااااااااااااا

مواطن مصرى نايم said...

ههههههههههه
ايه الدماغ العاليه دى
عندك حق والله كفايه توك شو
الاول كانت احسن فعلا
--------------------
جناب الملا اشروف
لو عايز مجاهدين معاك عشان يفجروا
نفسهم فى القمر الصناعى و الاستديوهات
انا موجود
--------------------
و لقد غرغر من بعجر

أشرف حمدي said...

anonymous
مش عارف أشكرك ولا أعتب عليك
ولكن في كل الأحوال أحييك على اهتمامك ومتابعتك ،وحبك لي شيء يسعدني ويدعو للفخر بالطبع

ولكن أود وان أوضح أنه لا علاقة لي بنهى لا من قريب أو بعيد ، وكل ما اعرفه أنها تحاول الظهور بأي شكل وبأي طريقة حتى من خلال الإساءة إلى الآخرين أو الإدعاء بأي كلام فارغ، انا لا ألقى بالا لهذه التفاهات مطلقا لأنني معتاد عليها.
وقد محوت وصلتها من عندي نظرا لأسلوبها الغير محترم في التعامل سواء معي أو مع مدونين آخرين ومنهم أحمد مختار عاشور حيث يمكنك متابعة ما كانت تتركه من تعليقات عنده، يبدو أنها كانت تحاول أيضا الظهور من خلال مدونته والآن حان دوري

مع خالص حبي واحترامي وتقديري
-------------

مواطن مصري نايم
مش كده برضه ؟ خلاص انت انضمين لتنظيم أشرووف بن لادن ، فاضل لنا اتنين كمان ونعلن الحرب

مواطن مصرى نايم said...

Anonymous said...
--------------
يا عم السيفون يا عديم الاسم
يعنى انت مش مكفيك انك طلعت شطاف
عايز تكمل طقم الحمام
و تبقى كنيف
يا عم البلاعه انت
شد سيفونك شويه
و بلاش شغل سلاكات المجارى ده
وروح اعمل اءئح بعيد

Anonymous said...
This comment has been removed by a blog administrator.
أشرف حمدي said...

يا جدعان وحدوا الله
انا مش فاهم مين بيشتم مين دلوقتي ، انا مضطر لمنع التعليقات خارج سياق البوست

يبدو ان مواطن مصري اختلطت عليه الأمر لأن هناك اثنين
Anonymous
أعتقد انه يقصد نهى بهذا التعليق

بغض النظر عن هذا أرجوكم يا جماعة بلاش خناق ، حقكم عليا كلكم :)

Anonymous said...

:(

مش عاوز اعمل عندك مشكلة يا اشروف بس ميرضكش انه يكتب عليا كده اكيد

أشرف حمدي said...

يا حبيب قلبي مش انت
أكيد مش انت ، أكيد يقصد البوست اللي فات
خليكم في الموضووووووع
حفجر نفسي فيكم كلكوااااا :)
ههههههههه

مواطن مصرى نايم said...

انا اقصد اللى كتب التعليقات بتاعت امبارح
التعليقين الاول بتاع الدوش والتانى

Anonymous said...

اسف يامواطن يامصرى

فهمتك غلط , اصلى اشروف حبيبى وانا اضيقت من حركة البوست للى فات

سورى بجد يامواطن

Another said...

لا أتابع الفضائيات للأسف الشديد، لكني أشاركك الاعتراض تضامنًا وإعجابًا بأقلامك؛ سواء التي تستخدمها بالكتابة أو الرسم، لا فارق! فالأثنين مبدعين بالتساوي

معجب من قدامى متابعين مجلة أونلاين


واستأذنك بإضافة مدونتك إلى قائمة مفضلاتي بمدونتي المتواضعة

:)

yamen said...

سلامو عليكو

هو"مساءك علي الريحة" ده ..عنوان البوست ولا عنوان التعليقات

اصلي شايف سيفونات ودش وبانيوهات

تقريبا انا دخلت الحمام بالغلط
:)

صديقي العزيز اشرووف امير الجماعة
:)

انا قريت البوست بس انا الحقيقة مش متابع او تي في او غيرها لكن علي اي حال طالما انت شايف انه في الاول كان احسن خلاص
نفجر يا معلم
:)
واحشني جدا
وانا قريت القصيدة وحلوة فعلا
ماشي يا معلم
ع البركة و رزقنا علي الله
هيه يعني جت علي دي
:)
بس انا عرفت من تعليقات مواطن مصري ان ليها تكملة
ياريت تبعتهالي كاملة علي الميل
لو كنت نسيته ولا حاجة..اهه
yamen.nouh@gmail.com
yamen_nouh@hotmail.com
و في مفاجاة تانية مش عارف تفرحك ولا ايه
انا باكتب الايام دي السيناريو
الماخوذ عن روايتك الجميلة
وعايز اشوفك في اقرب فرصة عشان اعرض عليك المعالجة اللي عملتهاله انا ونادي
اشوفك بخير يا صديقي

Anonymous said...

ايه ده ايه ده
صلوا على النبى يا ولاد
اغيب عنكم شويه الاقيكم عاملين الزيطه دى كلها
انا مش قلتلكم العبوا مع بعض وما تتخانقوش
:)
اللى هازعل التانى منه بعد كده مش هاجيبله شيكولاته
----
أشرووووف
للأسف انا ش متابعه برنامج سكر زياده لأنى مش باتفرج على او تى فى لسبب بسيط قوى انى مش باتفرج على التليفزيون
:P
لكن انا حاسه بنفس احساسك ووجهة نطظرك فى الاعتراض
لما حاجه تبقى متفوقه فى مجالها وتسيبه عشان تاخد دور مستهلك ومش بتاعها
لكن للأسف السياسه ماشيه زى ما اصحابها عايزينها مش زى ماحنا عايزين
انشوف الاحتجاج هايوصلنا لفين
انا معاك بس من غير فرقعات ولا بمب
:)

أشرف حمدي said...

حبيب قلبي الدكتور يامن
واحشني موووووت
حبعتهالك يا ريس ، وفرحان انك تحمست لها ، وينكي عاوزة تغيها كمان ، قشطة
وبجد سعيد بموضوع السيناريو بس ماتقوليش ثري دي والكلام ده ، ياعم عاوزين نكبر بقى ونعمل فيلم بجد
طبعا سعيد جدا ومتحمس ، لينا قاعدة قريب جدا
:*****
------------
هاي وينكي
الدكتور يامن تحمس اهوه للأغنية
عاوزين نشتغل بقى :)

أشرف حمدي said...

Another
شرفت ونورت يا باشا :) يااااه أون لاين دي كانت أيام
أشكرك كثيرا علي الإطراء الجميل ، وإضافة مدونتي عندك شرف لي
ما تقطعش الزيارات بقى
تحياتي

Anonymous said...

طب دا كده قشطه وتمام جدا
وبرضه الطمع جوايا هايطلع وهاقول لو السيناريو ده عاوزين حد يمثل فيه هارفع صوابعى التسعتاشر( عشان عندى واحد مدوحس) وهاقول انا معاكم
اموت انا فى الحاجات دى
:P

الشريف / جمال طة said...

فضائية لكل مواطن لسرعة غسيل الأمخاخ
وتفريغها وهى وسيلة ناجعة لو استخدموها فى التعذيب لانتزاع اى اعترافات بوضع المتهم أمام أى قناة عربية

قلم جاف said...

تسييس البرنامج حيضيع كل اللذاذة اللي كانت في البرنامج دة!

وبعدين إيه لازمة إنك تنزل الشارع وتسأل الناس عن أهم الأخبار اللي لفتت نظره؟ الفقرة التراش دي كان لازم تتشال من البرنامج طالما حبوا يغيروه..

ولي في هذا.. بعض الكلام..

أشرف حمدي said...

وينكي
شكل الدكتور يامن عاوز يعمل الفيلم ثري دي وانا بقوله ماينفعش ، لازم حد حيقنع التاني في النهاية المهم يكتب السيناريو دلوقتي :)
-----------
الشريف جمال طه
اتفق معك ولكن او تي في محطة متميزة للغاية ولا ينطبق عليها قولك
-----------
قلم جاف
سعيد جدا بزايرة مدونتك ، انت سبقتني في الكتابة عن البرنامج ، واضح ان فيه ناس كتير متفقة
انت كمان كده تبقى منضم لتنظيم أشرووف بن حمدي لإصلاح برنامج مساءك
حلو قوي اسم مساءك سكر سياسة :))) عجبني موت

Asmaa mahaba said...

ههههههههه بتفكرنى باحمد حلمى فى جعلتنى مجرما
انا روشدى سيرحان اباظه اناشدك من حلف الشمال الاطلنطى ادفع الملاليون طعاطفك واحدو مو كفايا
تحياتى ليك سومه_87

كلبوزة لكن سمباتيك said...

انت انضميت للقاعدة و لا اية؟
بكرة نيجي نزورك في جوانتنامو و نجيبلك عيش و حلاوة



تحياتي

Asmaa mahaba said...

اتمنى انضمامك معانا فى مدونه مجمعه اسمها تخاريف مجانين
اذا وافقت انا حضيف ايمل حضرتك معانا المدونه مازالت فى البدايه يعنى مفيهاش غير موضوع واحد بس وهو ترحيب بالاعضاء لكن معانا مدونين اخرين اذا ضغطت على اسمى حتجد 3 مدونات المدونه المعنيه هى تخاريف
تحياتى ليك سومه_87

أشرف حمدي said...

somma
انا برضه جه الموضوع ده في بالي :)
أما بخصوص المدونة حشوف وأرد في اسرع فرصة
ميرسي ع الزيارة .
تحياتي
-----------
سمباتيك
الحلاوة حرام حرام حراااااام
ههههههههه

مواطن مصرى نايم said...

بالنسبة للحلاوة
مش كل الانواع حرام
سمعت ان الحلاوة الشعر بس هى اللى حرام
عشان مش محجبة

أشرف حمدي said...

مواطن مصري نايم
ههههههههههه حلوة بجد
تحياتي

صحفية روشة said...

دى تبقى كارثة لو الاو تى فى تكمل علينا ومش هنبقى ملاحقين الغم منين ولا منين
القناه دى كانت ملاذى الذى الوذ اليه عندما اشعر بضيق من القنوات اللى تعرض المشاكل المصرية واشعر بضيق من المشاكل نفسها
يعنى كدة هيسبونى منى لقناه ام بى سى ثرى
انا والكارتون وهواك
امال هتفرج علية ايه مشفش فيه خنقة يعنى؟

Counter