فوجئت بموقع الإخوان المسلمين ــ أعتقد أنه سعودي ــ يستشهد بجزء من تدوينة سابقة لي عن دعمي لقناةOTV
من المفترض أن كاتبة المقال تحاول أن تكون موضوعية إلا أنه من حين لآخر يمكنك أن تشم رائحة الإخوان وأسلوبهم في تشويه كل شيء ، يتحدثون عن نجيب ساويرس باعتباره مسيحي ومن هذا المنطلق فإنهم يرون أن دوره هو إفساد شباب المسلمين
كاتبة المقال تستخدم كلمة أفلام إبداعية مع وضع كلمة إبداعية بين علامتي تنصيص كنوع من السخرية لترمي إلى الأفلام الجنسية
لن أحاول الشرح ما بين الفيلم الجنسي والعمل الإبداعي لأن الأمر يحتاج إلى قرون ــ بالنسبة لهم ــ كي يمكنهم فهم أمور إبداعية مثل هذه
يحتاجون إلى قرون أخرى لكي يدركوا معنى الرشد
الانسان الراشد وحده هو من يملك قراره ، بيده الريموت وعقله في رأسه وهو أدرى بما يتفق أو يختلف مع مبادئه
أما المنع والقمع والحجب فهي الأمر المشين وليس العكس
تحياتي
8 comments:
عارف يا اشروووووووووف
اولا انا قريت المقال
بس هى محقة فى حاجات كتييير
لانى كنت قريت على موقع العربية حوار مع نجيب ساويرس
قال باللفظ
انه من خلال القناة بتاعتة بيحارب ارتداء الحجاب
و كمان قال حفتح قناة تانية
و حتكون فى سياستها الاساسية محاربة الحجاب
وقال الكلام ده
مبررا
بانه بيحس بالغربة فى بلده لما بيشوف واحدة لابسة حجاب
بيفتكر ساعتها الوشاح الايرانى
يعنى هو فعلا سياسته هدامة للقواعد و مبادئ الاسلام
فاهم قصدى يا اشرووووف
لو عاوز المقال ادور لك علية على موقع العربية
و اجيب لك الرابط
سلام عليكم
اتفق معك تماما يا دكتور
في ناس شايفه ان مهمتها في الحياه هي الرقابه علي الاخرين و
كأن الناس عندنا ناقصين اهليه و عقل و محتاجين حد يفكرلهم و يختار ليهم ايه الصح و ايه الغلط حسب مفاهيمه هو للدين
مواطن مصري نايم
انت بتتكلم صح ، وأعتقد ان نجيب سويرس لم يكن موفقا مع هذه التصريحات مهما كان مقتنعا بكلامه
ولكني إيضا لا أراه محاربا للاسلام كما يتم تناول الأمر اعلاميا
ولا اعتقد أن رجل أعمال بحجمه يهمه أمرا كهذا ، بل هو أمر ضده وليس في صالحه
موضوع المحطة الخاصة بمهاجمة الحجاب لا أعتقد أنه صحيح ، هذا شبه مستحيل لأننا حتى لو تكلمنا من منطلق المصالح فهذا في غير صالحه بالمرة
تحياتي وشكرا على زيارتك الغالية
---------------
Ehab
هذا هو ما أقوله
انا لست مع العري
ولست مع الإباحية والإنحلال طبعا
ولكنني أحب أن تحترمني الرقابة وتقدّر أنني انسان راشد ، الشباب لابد وأن يكون له هدف ، الرقابة لن تمنعه من مشاهدة العري لأنه يستطيع ذلك بضغطة ذر
أفتحوا كل الأبوب ودعوا الشباب يقرر مصيره
حينما يرفض العري سيكون ذلك من واقع مبدأ وليس بفعل مقص الرقيب
هذا ما اتكلم عنه
شكرا على التعليق
هاى اشروووف
انت عارف ارائىي حول المواضيع اللى من النوع ده وانا بضم صوتى لرايك ... اصل مش معقول كل شئ يتفسر على انه محاربة للاسلام والمسلمين والله كل واحد عقله فى راسه ومش محتاج واصى عليه الحلال بين والحرام بين وما دام الايمان صادق فى القلب يبقى عمر الانسان ما هيتاثر باى حاجة .. وكل واحد يختار ويتحمل نتيجة اختياره
وبعدين الكلام اللىبيتردد ده فى ظاهره خوف وغيرة على الاسلام وشباب المسلمين وفى باطنه اشعال للفتنة الطائفية فى مصر
ربنا يهدى
asma alamin
لا يا أشرف
المقال موضوعي جداً جداً
انا مش شايف أي تشويه من اللي بتقول عليه , الكلام موزون جداً ولم يجانب الصواب في كلمه واحدة
احنا اللي بقينا بنكيل الاتهامات بالكيلو لأي حاجة فيها ريحة الاخوان , سواءاً كانت صح أو غلط
بالنسبالي , المقال ده لو كان اتنشر في جريدة قومية أو علمانية , معتقدش كان هيتغير فيه ولا كلمة عن اللي مكتوب ده
بالنسبة لموضوع الرقابة
فيه حاجة مهمة جداً انت نسيتها يا أشرف
احنا قبل مانكون ليبراليين , أو بنشجع الحرية في الفكير والتصرف , احنا مسلمين
وكلمة مسلمين دي مهياش خانة في البطاقة أو شوية عبادات بنعملها مع نفسنا وبس زي أي ديانة تانية
الاسلام نظام فردي ومجتمعي
ومن أعمدة النظام ده حاجة اسمها الامر بالمعروف والنهي عن المنكر
باختصار وبدون كتر كلام , الموضوع مفاده انك لو عايز تغلط , روح استخبى اغلط مع نفسك ومتضرش حد غير نفسك لانك متحمل المسؤولية لوحدك - دي حاجة بينك وبين ربك , لكن لو هتغلط قدام الناس , فانت كده تجاوزت حدودك مع ربنا وحدودك مع المجتمع . وساعتها المجتمع واجب عليه (وله سلطة ) في أن يمنعك من الغلط
تعالى ناخد مثال بسيط
الحرية الجنسية .. واحد هيقولك ايه المشكلة اني أمارس الجنس براحتي طالما مش هضر حد , وهاخد بالي من الامراض دي حاجة فردية وشخصية..الخ
هل تعلم ان في أمريكا وحدها 40 مليون طفل اتقتلوا بالاجهاض؟
تفتكر دي مشكلة فردية ولا كارثة بشرية؟؟؟
40 مليون طفل ده شعب كامل
تفتكر هل المجتمع لازم عليه يتدخل ولا يحلق للموضوع باعتباره مسألة شخصية؟
بنفس الطريقة دي , أي خطأ فردي , لما المجتمع يسكت عليه ويترك الحرية المطلقة لرعونة الانسان في التصرف فيه , بيتحول لمشكلة اجتماعية بتيجي بلاويها عالكل
انا كل ده بكلمك من منطق عملي بحت
ومحبتش أبدألك بالمنطق الديني اللي بيقول ان الأمم اللي بتتوقف عن الامر بالمعروف والنهي عن المنكر ربنا بينزل غضبه عليها كلها بلا استثناء للاشخاص الكويسين اللي فيها - السيئة بتعم
الرسول صلى الله عليه وسلم حكالنا عن القرية اللي عصت الله تعالى فالله أمر جبريل يا جبريل اهدم هذه القرية .. قال يارب فيها عبدك فلان الذي لا يزال راكعا ساجدا !! قال يا جبريل به فابدأ ..!! :"""(
قال كيف يارب ؟! قال : انه لم يتمعر وجهه من أجلي قط ..!!
يعني كان بيشوف الغلط , وبيخليه في حاله مبيتدخلش
يا أشرف الأمم التانية عمال تتخبط وتجرب لان معندهمش قواعد أو دستور رباني يمشوا عليه , كلها حاجات بشرية تجريبية ,لكن احنا مش كده خالص
مش عارف ليه احنا كمان مصرين نخبط ونجرب زيهم مع ان عندنا كل الامكانيات والمناهج اللي تخلينا رقم واحد
أنا لا أتفق مع كاتبة المقال
ولا أختلف
ونفس الوضع معاك يا أخ أشرف
بل ومع قناة آو تي في كمان
القناه أول ما فتحت جذبتني ليها بشدة
وكنت متبعاها طول الوقت
لاكن صعب قوي إن طبق واحد يرضي جميع الأطراف
فيها حجات ما عجبتنيش
وفيها حجات عجبتني
ولإن ده موقفي وطالبه من الناس تحترمه
فأنا بحترم موقف غيري
حتى لو كان غيري ده عاجبه إللي مش عاجبني ومش عاجبه إللي عاجبني
بإختصار
إنسو مين صاحب القناه
وإتجهاته
وفلوسه
وشوفوا إللي يعجبكوا
وغيرا المحطه أو إطفي التلفزيون خالص ونام لو مش عاجباك
لكن "" حتفجروا"" القناة ...يا حلاوة ياولاد
فكروني بقى إدلكوا ليسته طوييييييييييييله بقنوات كتير آسخم وأدل سبيل
وع النيل سات برضه
و.......يجعله عاااااامر
Mr. Hamdy ... I really like ur blog and ur caricatur and follow them regularly. This is however my very first time to comment. I have to say I didn't read the controversial article, and I won't debate whether Sawieres is innocent or guilty. What caught my attention is the idea that mature people should decide what to see. I would recommend a couple of very useful and informative books on this issue, like "Media control" and "Generating consent" by Noam Chomsky. I highly recommend them because I myself learned a lot from them. This includes the idea that media usually has an agenda (u can c this with Aljazeera, Alarabia, even ESC), and that there are always subtle messages to be delivered. The majority of people donot know this and ARE manipulated by the media. Being physically MATURE, doesn't mean mentally MATURE, and unfortunately the majority is not mature to really decide... this includes myself by the way.
This is an article for ELmesery which deals also with the effect of the media.
http://www.aljazeera.net/NR/exeres/CCC74E79-C059-4BF6-B9C6-DA847B24408E.htm
Post a Comment