Total Pageviews

Tuesday, July 29, 2008

حدوتة مصرية

مانرضاش
يخاصم الجمر السما
مانرضاش تدوس البشر بعضها
مانرضاش يموت جوا جلبي نداااه
مانرضاش تهاجر الجذور أرضها
مانرضاش جلبي جوايي يغني اجراس تدج لصرخة ميلاد ..
تموت حته مني
اجراس بتعلن نهاية بشر من العباد
................
ooo
جبل الطوفان ما يجي
وخلتني أخاف عليكي يا مصر واحكيلك على المكنون
مين اللي عاجل فينا .. مين مجنون؟
مين اللي مدبوح من الألم ..
مين اللي ظالم فينا مين مظلوم؟
مين اللي ما يعرفشي غير كلمة نعم؟
...............
مين اللي بيبيع الضمير
ويشتري بيه الدمار ؟
ooo
لا يهمني اسمك .. لا يهمني عنوانك
لا يهمني لونك ولا ملادك
مكانك
يهمني الإنسااااااان
ولو مالوش عنوان
يا ناااااس يا نااااس يا "مكبووووتة
يا ناااااس يا ناااااس
يا "مكبووووووتة
هي دي الحدوتة
حدوتة مصرية

6 comments:

ketchup said...

سكت الكلام

دي بلد تقرف

بطوط حبوب said...

وضحك الناس واندهشوا
وصرخ الناس وانكتموا
ومات ناس... وصحيت ناس
ومفيش عند اى حد فى بلدنا احساس
:)
لسه مألفها

HafSSa said...

و مين سمعك
فعلا كاريكاتور اليوم هو الخبر المفجع ده

تحياتي

جبهة التهييس الشعبية said...

نكدت عليا اكتر ما انا متنكدة

Andrew said...

فكرتة حلوه قوى الكاريكاتير ده يا دكتور.

بالنسبة للخبر انا مش لاقى كلام أقولة، فعلاً خلص الكلام

مواطن مصرى نايم said...

لا ما انا خلاص بجهز
اه بجهز اتفقت مع عبد الفتاح القصرى اشترى منه نورمندى تو
و حشغلها عبارة
و ممكن لو عاوز اموت حد اركبه فيها
ما هو كده كده حاخد براءه
مينفعش يا اشروف يتحكم غير بالبراءة
و الا حياخد معاه ناس فى الرجلين
تحياتى
كاريكاتير جامد يا اشروف

اسلام
او
احمد عبدالله
او
مواطن مصرى نايم

نقى انت بقى

Counter