Total Pageviews

Thursday, July 03, 2008

سر الفشار


هل شاهدتم هذا الفيديو ؟
أعتقد أنه أنتشر بشكل جنوني خلال الفترة الماضية والتي لا تتجاوز شهر واحد

كيف لأجهزة الهواتف المحولة أن تولد الطاقة اللازمة لتسوية حبوب الفشار بهذه السرعة ؟
هل هذا معقول ؟
بطريقة ما قرر زملائي في العمل بتحريض مني القيام بتجربة حقيقية ، فجئنا بالفشار وهواتف جميع العاملين بالشركة تقريبا وكانت النتيجة سلبية !
إذن ما هو التفسير ؟
قمت ببحث صغير على شبكة الانترنت واكتشفت الآتي

شركة كاردو سيستم هي من إبتدعت هذه الفيديوهات كنوع من الدعاية لأجهزتها المحمولة ، يبدو أنهم كانوا يريدون توصيل رسالة ما وهي أن قوة الاتصال بأجهزتهم جبارة ، وبالرغم من أن ذلك قد يبدو دعاية سلبية على اعتبار أن الهاتف بهذه الطريقة يصدر موجات ضارة أشبه بموجات المايكرويف (وهذا بالطبع غير حقيقي) إلا أنهم استطاعوا تحقيق نسبة مشاهدة بلغت أربعة عشر مليون خلال فترة وجيزة منذ الثامن والعشرين من مايو الماضي ودون أن يتكلفوا سنتا واحدا. الخدعة بسيطة للغاية ، قاموا بفك جهاز مايكروييف ووضع الجزء الخاص بإنبعاث الأشعة تحت المنضدة موجها تماما إلى النقطة الموضوع بها حبوب الفيشار من أسفل .
يا ولاد اللعيبة
شايفين الناس بتفكر إزاي ؟
بعد الكشف عن السر، قامت الشركة بنشر هذا الفيديو


13 comments:

TAFATEFO said...

thanx ya dactara .. amazing

ٍSOU said...

اول مرة اشوف الفيديو دة..طيب مافيش اى تحريض حصل عشان تجرب حكاية البيضة اللى بتستوى على الموبايل؟؟
جيب بيضة و حطها وسط موبايلين و خلال ربع او تلت ساعة تقريبا هتلاقيها استوت..مش عارفة دى حقيقة و لا اختراع بردوا

اهو ده عيبه said...

يا سلام
يعنى الشركة كانت بتشتغل الناس دى كلها
يا خسارة طلعت فبركة
دى كانت ممكن تبقى مشروع تمام
بدل عربية الفشار نجيب موبايلين 3 ونظبط بقى ونبيع
يالا مالناش نصيب

Oss said...

أهو شوف الإعلان ده
وإعلان مكنسة دايو اللى كان بيجى على دريم 2 فى فواصل العاشره مساءً

أظن مافيش تعليق

ketchup said...

طيب ان انفسي اسألهم
هو انا ايه الفائدة الي هتعود عليا من موبايل ببعمل فيشار

الظاهر الناس دي حاسة بأزمة البطالة في مصر فقالوا نعمل لهم موبايل
منه يقى موبايل
ومنه ماكينة فيشار يفتح بيها الشاب مشروع ي مصيف بلطيم

اسكندراني اوي said...

شكرا يا باشا للتوضيح
والله افكار دعائيه جباره
ولكن بتلخبط الناس

ابتسم من فضلك said...

انا شفتوا قبل كدة الفيديو دة
بس ولا تاخد فى بالك
اهو بكرة يجيبولك واحد بيرن على صاحبة من الفرن

S H E B A K said...

اسمحلى اعزمك على عرض فيلم لمبة نيون
يوم الاربعاء 9 يوليو بمكتبة التاون هاوس الساعة 7,30 مساء
يشرفنى جدا انك تحضر
www.lambaneon.com
شكرا
عماد ماهر

عاليا حليم said...

ازيك يا أشروف
:)
طب أشمعنى الفيديوهين دول ما جوش عندى انا
هههههههه

بشس شكرا على التنويه فيخ معلومات عن الدعاية الغربية كانت تايهة عنى

تحياتى

أحمد صقر said...

بسم الله الرحمن الرحيم

ان شاء الله هيبقى فيه تجمع عام للمهتمين بتطوير الألعاب فى مصر ...يوم الإتنين الجاى "اللى هو بكره " ... اهيكون فى ساحة الأوبرا "مكان عام يعنى عشان الكل يعرف يجى " .... المهتم بالموضوع يبعتلى رقم محموله على الإيميل و انا هبقى أتصل بيه و أقوله التفاصيل "هنبدأ الساعه 10:30 الصبح و هنقعد أربع ساعات " و هى مفتوحة ممكن تيجوا فى أى وقت بس الأفيد من الأول .... التجمع عام والدعوه مفتوحة للجميع .... هنوزع اسطوانات وكتب هتساعدك فى تطوير قدراتك فى مجال تطوير الألعاب و هناقشة مجموعة من المواضيع المهم و اللى ليها علاقة بتطوير ألعاب الفيديو... ان شاء الله الكل يستفيد ...
ان شاء الله نهار الإتنين كله هنبقى فى مكان التجمع ..... الدعوه مفتوحه و للجميع ^^ ... بس محتاجين جديه فى الموضوع بس ... يعنى ياريت اللى ناوى يجى يبعتلى نمرته من الأول عشان أعمل حسابه فى الإسطوانات و المشاريب ^^& ...

مواطن زهقان said...

بجد حاجه غريبه
شكرا ع التوضيح ياباشا

مواطن مصرى نايم said...

انا اول مرة اشوفه بجد
بس لو ده اعلان يبقى بجد دماغ عاليه
ايه العالم دى يا اشرووووف
اعلانات بجد تشد
بس انا ممكن اقولك تعملها ازاى
الحته اللى عليها الذرة
يكون تحتها اى اداة تسخين
و الموبايلات تبقى فى الجزء اللى بعيد عن التسخين
يبقى ممكن الذرة يستوى
بس البيت ممكن يولع
و الموبايلات تسيح
ههههههههههههه
فيديو جامد بج ديا اشروووف
بجد انا اول مرة اشوفة

Anonymous said...

معقول الفيديو ده طلع اعلان؟!!!!!!ـ
ازاي بس يبقى اعلان؟ ده عمللي رعب وبطلت احط الموبايل جنبي وبقيت اقفله وانا نايم

Counter