كعادتي في خوض تجارب بصرية جديدة
حاولت أن أخوض قليلا بمجال الـ
Motion Graphics
باستخدم برنامج
Adobe After Effects
متعة رهيبة بالفعل ، حتى أنني قررت أخيرا أن أخوض هذا المجال حتى النهاية
عسى أن أجد عملا احترافيا فيما بعد
إليكم أولى تجاربي بعد أسبوعين من الدراسة الغير منتظمة بالطبع
ليست مبهرة مثل العروض الأخرى ولكن ..
أتمنى معرفة رأيكم
تحياتي
12 comments:
لذيذة أوي يا أشرف
حلو أوي بالنسبة لواحد لسه بقاله اسبوعين بس بيتدرب
انت مستخدم الادوات حلو , بس محتاج شوية تدريب عالتوقيت
جامده قوى
أنا اصلاً نفسى اتعلم البرامج دى وكان فى دماغى ليست حلوه بالدورات اللى عايز اخودها
بس المشكله الناس كلها قالت لى ما اخدش فى الزقازيق اصل دوراتها وحشه
فمأجل الحوار ده
بس سؤال
الحته اللى فى الشارع دى انت كنت عملتها فى الجيم بتاعة ما وراء الطبيعه
صح؟؟
انا فاكر انى شوفت صوره للجيم عندك تقريباً فيها نفس التفاصيل
تحياتى
فنان مسلم
شكرا يا فنان على رأيك وإن شاء الله التجارب اللي بعد كده تكون أحسن
-----------
Oss
لأ دي مش من جيم رفعت اسماعيل
دي كانت من تجربة تانية كدة
ولا دي كملت ولا دوكها كملت :) هههههه
بس قلت استغل الصورة ، انا مجمعها من كذا صورة مصورهم وعملت بيهم الشارع ده
شكرا على التعليق يا باشا
جامد يا اشروف
بجد عجبنى
بالنسبة كمان لانه اول حاجة تعملها
يبقى رائع جدااااااااااا
ان شاء الله اللى جاى بعد كده حبقى احسن و احسن
عجبنى الله ينور
تحياتى يا اشروووف
اسلام
بعد السلام عليكم
جميل يا دكتور أشرف
ماشاء الله عليك بتبهرنى بتعدد مواهبك
استمر ياباشا وأن شاء الله تورينا حاجات جامدة
تحياتى
مواطن مصري نايم
شكرا يا حبي على التعليق ، عموما دي مجرد تمرينات كده مالهاش أي معنى أو هدف
أعتقد لما اتدرب شوية كمان ويكون الفيديو بيقول حاجة إن شاء الله حتطلع حاجة كويسة
وممكن قوي استخدم الشغل ده مع الفيديوهات اللي بعمها
بس يارب ألاقي وقت بس
تحياتي
----------------
أبو صلاح
شكرا يا حبي وربنا يسهل بقى في اللي جاي
أديني بذاكر كل خميس وجمعة وسبت
إدعيلي :)
http://www.warez-bb.org/viewtopic.php?t=1437183&highlight=
خد اللينك ده يا ابا اشرف يمكن ينفعك الستروكات اللي فيه و كده يا رب تنفعك
اشرووووووف
فاكر حكاية جروب الفيس بوك بتاع حلاقه شعر صد تامر حسنى انا عملته
و بعت لك الدعوه
هههههههههههههه
لانى بجد متغاظ من الواد ده
u hate ur x-girl friend that much
الكرتون دمه خفيف ويظهر انك خبير فى برامج التصوير
هو سهل اننا نتعلم البرامج دى مع نفسنا ونجرب فيها ولا احسن ناخد كورسات؟؟
سلام
محمد عماد
بجد مش عارف اشكرك إزاي علي اللينك الرائع ده
رغم انه محتاج اشتراك ومش عارف محتواه بس يكفيني اهتمامك
أشكرك بشدة وتحياتي ليك
----------------
مواطن مصري نايم
هو انت ؟ هههههه ده انا افتكرت حد أخد فكرة الجروب من هنا وعملا من نفسه
طب مش تقول ، انا مابقتش عارفلك اسم يا جدع :) بقيت مطالب اني أحفظ لكل واحد اسمين ، اسمه الحقيقي واسمه التدويني
تحياتي يا باشا وشكرا على الدعوة
-----------------
كلام وخلاص
بصراحة انا ضد الكورسات خاصة ان مالهاش وقت بالنسبالي وغالبا ما بتديش غير القشور
لكن انا بتعلم من خلال دروس الفيديو اللي موجودة على كتير من المواقع العربية والأجنبية وكمان اليوتيوب
بس الحمد لله مافيش برنامج بيطّول معايا :) يمكن أكون أنا الي بتعلّم بسرعة
ده منتدى اجنبي متخصص في التحميلات
اي حاجة افلام اغاني برامج و كلها مضروبة طبعا و لو انك من الغلابة اللي ما عندهمش اشتراك رابيد شير فحاتتعذب حبة لكن النتايج كويسة
اما لو كنت من غير الناس العليوي و عندك اشتراك فيابختك يا سيدي انا اديتك لتوي مفتاح جنة التحيملات كما حلم بها اجدادنا.
من ناحية الكورسات انا اول واحد ضد الكورسات انا الحمدلله اتعلمت البرمجة في تلات سنين وحدي و اعرف حاجات اقدر بجراءة اقول ان ماحدش من اللي بياخدوا كورسات يعرفها ..مجال الويب الكل بيخاف منه من كل النواحي لكن الحمدلله بالمذاكرة الذاتيه هي اللي كان ليها الفضل الأول بعد الله سبحانه و تعالى.
لكن احنا شعب بنحب الكورسات و الأنستراكتورات و متخيلين ان المدرب ده يعرف كل حاجة في حين انه لو كان يعرف الموضوع اللي بيتكلم فيه حق المعرفة فساعتها مش حايشتغل مدرب و تحياتي ليك تاني
انت جرافيك حلو
يارب تركز
Post a Comment