Total Pageviews

Tuesday, October 28, 2008

لا لجلد المصريين


ألف وخمسمائة جلدة بواقع سبعين جلدة كل أسبوع
والسجن سبع سنوات وبعد الاستئناف وصلت لخمسة عشر عام ، هذا بعد الاستئناف
ما رأيكم ؟ ما هي طبيعة الجريمة التي يستحق مرتكبها حكما كهذا ؟
سألت زميل لي في العمل نفس السؤال وأجاب بشيء لا يمكن ذكره هنا حتى أكون موضوعيا ، ولكنني ضحكت كثيرا جدا ، لو فعل المجرم مثلما قال زميلي ربما وجب عليه هذا العقاب .
الموضوع باختصار هو أن طبيبا مصريا عالج زوجة أحد الأمراء من إدمان المورفين الذي تعاطته أثناء فترة علاجها من ألام مبرحة بالظهر بالولايات المتحدة ، وكان قرار الطبيب أن تحقن بالمورفين مع تقليل الجرعة بشكل تدريجي وبالفعل شفيت من الادمان ، ولكنه فوجيء بمنعه من السفر بعدها والحكم عليه بهذه العقوبة الأسطورية التي والله العظيم تلاتة لو حوكم هتلر أو شارون في السعودية لما حصل أيا منهم على ألف وخمسمائة جلدة والسجن لخمسة عشر عام بعد الاستئناف ، كما يبدو للجميع فالطبيب لم يرتكب حتى أي خطأ طبي يستحق حتى مجرد لفت نظر ، ما حدث هو أن زوجة الأمير عادت من الولايات المتحدة الامريكية مدمنة ، وعولجت بجرعات محسوبة من المورفين تقل تدريجيا ، وشفيت ، ولكنها عادة للمورفين بمحض إرادتها ، ما ذنب الطبيب ؟
بصراحة لا أريد التعليق بسخرية حفاظا على الموضوعية ، وأحاول قدر الإمكان ألا أصرّح بما داخلي ولكن أنتم تعلمون جميعا ما أريد قوله ، أينعم ؟ هي هذه الكلمة بالضبط ، وهو ذلك الصوت الأنفي الغليظ .
ما هي عقوبة الزاني أو شارب الخمر ؟ كم جلدة ؟ ها ؟
ألف وخمسمائة جلدة هذه في شرع الاسلام أم في شرع آخر لا نعمله ؟
هل يحق جلد المصريين بالسعودية ؟ أرسلوا لنا الطبيب ونحن نعدمه هنا إن كان مخطئا أشرف له ألف مرة من هذا العقاب الهمجي البربري المتخلف .
ألف وخمسمائة جلدة معناها الموت البطيء على مدار عدة أشهر ، سبعين جلدة أسبوعيا أو كل عشرة أيام ستقضي عليه قبل أن يكملها أساسا خاصة وأنه رجل كبير في السن ربما تخطى الستين ، ولو لم يمت فأمامه خمسة عشر عام يقضيها في سجون السعودية .
أين الخارجية المصرية ؟
أين منظمات حقوق الانسان ؟
أين وزير الصحة ؟
أين شلبي ، مش كده ؟ هي حترسي في الآخر على أين شلبي وقصص رجل المستحيل ، وأدينا بنقرا ونتسّلى
بصوا ، أنا قرفان والله العظيم ومش قادر أكتب ولا أقول حاجة ، قولوا اللي انتوا عاوزينه بقى براحتكوا في التعليقات ، بلا موضوعية بلا هدوء بلا خراااااااا
أنا شايل ومعبّي وعاوز أتقيّأ من ساعة ما قريت الخبر ، والله لولا إني عارف إن فيه ناس محترمة هنا بتخش المدونة ومش عاوز أقول ألفاظ تضايق عنيهم كنت قلت اللي في نفسي .

29 comments:

Anonymous said...

يا أخي أنا مش عارف أقول إيه بس بجد الدكتور لو مرجعلوش حقه يبقى ..... أم الحكومة علشان سايبين شوية بقر همج في البلد النجسة اللي اسمها السعودية يعملوا كده في دكتور اقل ما يقال إن مفيش دكر عندهم يعرف يجيب جزمتو
ياخي ............

~*§¦§ Appy §¦§*~ said...

انت مش عارفه ايه غلطته
انه مصرى يعنى مش فاهمه لو كان حاجه تانيه كنا قولنا ماشى
بس خلاص

... amr said...

سمعت عن عمرو موسى ؟؟؟؟؟؟

سمعت عن ابو الغيط ؟؟؟؟؟؟

اعتقد ان الرجولة ليها ناسها
-------------------------

متاسف لو كنت قلت كلمة ضايقتك في التعليق السابق ليا

..

أشرف حمدي said...

,... amr
لا ابدا مش متضايق خالص ، بس عشان زوار المدونة مش أكتر
إنما لو قعدنا مع بعض على القهوة بتاعتي خد ممني احلى كلام :)
تحياتي

Sosso said...

Leh fafeech 7amla 3achan ennes tebattal terou7 techtaghal 3and el Hamag doul?

TAFATEFO said...

حاجه آخر نكد والله

الحل مع سوء معاملة المصريين في السعوديه واحد يتبعه الثاني

اعتصام مفتوح أمام السفاره السعوديه (مش وزارة الخارجية المصرية) والتهديد بمعاملة الرعايا السعوديين بالمثل وانهم مش هيكونوا آمنين على حياتهم ولا ممتلكاتهم .. زي ما بيعاملوا المصريين اللي مش آمنين على حياتهم ولا أسرهم ولا ممتلكاتهم ولا مستقبلهم ولا أي حاجه

الثاني .. لو مستجابوش

نخطفلهم 1 ولا 2

adel said...

كل ده عشان عالجها
امل لو كان غرر بيها كانوا عملوا فيه ايه ؟؟؟؟؟؟؟

و كالعادة مدام اللي حصل ده ملوش علاقة بالارهاب يبقي خير خير خير
حتي اسال السياح اللي خدوهم فسحوهم شوية

عادل
http://elbald-dy.blogspot.com/

ام كوكي said...

عشان الحكومة الوس... تنبسط
خلاص مبقاش لينا قيمة
ولا كبير ولا صغير
ولا دكتور ولا صنايعي
والله آبي عندها حق لما قالت ان غلطته انه مصري
والمصري مالهوش دية ولا قيمة

عشان حكومتنا سكتت قبل كدة علي الحبس والجلد وضياع الحقوق وعضعضة الكلاب

والله لو حاجة زي كده حصلت لأي واحد من أي جنسية تانية كانت الدنيا قامت ومقعدتش الا لما الراجل يرجع بلده

يجو شوية البدو دول يتنططو علينا الله يرحم لما كانو جهلة وحافيين والله حتى ماكانوش يعرفو ان فيه اختراع اسمة تواليت ، علمناهم ونضفناهم وفي الاخر ركبناهم فوق كتافنا ومخروسين ليييييييييه مش عارفين ولا فاهمين

والنبي اللي يعرف احنا ليه حقنا مهضوم في كل حتة في الدنيا يقولي
والنبي اللي يعرف ليه الناس بقت تبيع وتشتري فينا ومحدس بيتحرك يفهمني

حسبي الله ونعم الوكيل
حسبي الله ونعم الوكيل
حسبي الله ونعم الوكيل

معلش انا طولت
بس بجد دمي اتحرق

karakib said...

لن اقول هل كان سيكون نفس الحكم ان كان امريكاني الجنسية .. لا لن اقول هذا
لكنني اتسائل هل لو كان قبرصي الجنسية او مجري ... او حتي ياباني ؟؟؟
انا حزين للغاية

hend said...

ياريت مؤسسات حماية حقوق الحيوان تعمل قسم تخصصه لحقوق المصريين... ماإحنا بقينا بنتعامل زي الحيوانات وأسوأ

ياسمين حميد said...

عجايب
أول مرة أسمع ان الحكم يتضاعف بعد الاستئناف
على حسب علمي انه في معظم دول العالم عندما يستأنف المتهم يحصل على تخفيف أو تبقى العقوبة كما هي
وألف وخمسمائة جلدة؟ سبعين في الاسبوع؟ ده يموت فيها

مواطن مصرى نايم said...

ايه الكلمة اللى انت عاوز تقولها
هه
هه
هه
مفيش اختيارات
و لا حتى حذف اجابتين
هههههههههه

طيب هات احمد مكى يقولها
;)

و الله يا اشروف حاجة تحرق الدم و فعلا خير تعليق هى الكلمة دى

enjy said...

المفروض ان البنات المحترمات ميقولوش الفاظ قبيحة.......يبقى كدة نا مضطرة اقول لا تعليق

mido said...

:(

حازم said...

المصريين فى السعوديه موضوع بجد كبير وانا مليش فيه غير تفسير واحد دلوقتى لما حد يكون واطى ويحس انه على اول حد بيدوس عليه هو الاعلى منه عشان عقد النقص اللى بتكون ملياه
انا فى رايي انه قريب جدا جدا مش هيبقي في مصريين فى السعوديه
هما بيكرهو المصريين ومش مستحملين يشوفو المصريين دكاتره ومهندسين فى بلدهم
بجد شويه جبنا وخونه وبهايم لا ليهم فى الذوق ولاالشجاعه ولا الانسانيه ولا اى حاجه عالم وسخه

لولا said...

أنا قريت الموضوع ده أمس على موقع أبناء مصر

وروحت البيت وأنا في حالة أزبهلال

ولما قابلت حماتى ف البيت حكيتلها غلى اللى قريته

قالتلي أنها زمان وهي ف السعوديه جابولها واحده وسئلوها هل تتحمل 100 جلده؟؟

حماتى سألتهم ممكن أعرف عملت ايه ؟؟

أجبوها بإجابه فهمت منها أنه زنا

فبصت ف الأرض وما بقتش عارفه ترد عليهم

بس الست حسمت الأمر عليها وقالتلها خليهم يجلدوا يا دكتورة






دي كانت عقوبة زنا يا ناس!!!!ها؟؟


الراجل اصلا ما أتمسكش معاه أي حاجه

ده واحد تانى " سعودي" هو إللى أتقبض عليه متلبس

وهو إللى قال إسمه ف التحقيقات

إيه يا أختى الهنا ده!!!!

احمد بدر الدين said...

لا تدرى كم الانقباض الذى اصاب قلبى وانا اقرا ما كتبت

هل تم جلده ام لا ان كان تم فعار علينا ان نصمت على ما حدث

وان لك يكن قد تم فاين الجهات المسؤوله لتتحرك لتفعل شيئا

العقوبه الاكبر فى الاسلام وهى عقوبه الزنا لا تصل الى هذا الحد

هذه همجيه لا يجب السكوت عليها

العراف said...

أسئلة اختيار من متعدد حول موضوع الطبيب:
السؤال الأول إجباري
لو الطبيب ماكانش مصري و لا فلسطيني و لا صومالي ( من غير حكومة يعني ) ) و كان مثلا أمريكي و لا بريطاني كان ممكن يتعمل فيه كده.

السؤال الثاني:
طيب لو الأميرة ماكانتش أميرة و لا سعودية و كانت مثلا فقيرة بنجالية تعمل في السعودية كان حيتعمل في الدكتور كده؟

السؤال الثالث :
معروف أن اكبر عقوبة جلد في الاسلام 100 جلدة للزاني( بموانع شبه مستحيلة و هي ان يكون قد رأه أربعة شهود رجال في وضع الزنا و ليس مجرد وضع فاحش أو أن يعترف علي نفسه و ذلك لمنع الفضيحة و هذه العقوبة البدنية المشددة) و العقوبة التي تليها هي القتل و أن بعض الشباب يموتون من ال100 جلدة و أن مقاصد الشريعة لا تقر التعذيب
في ضوء ذلك أجب:
هل سمعت عن أي عقوبة في تاريخ الاسلام وصلت الي 1500 جلدة و في اي عصر و علي اي جريمة؟.
و ما احتمالية ان يحتمل رجل يبلغ من العمر 54 عدد 1500 جلدة ؟

السؤال الرابع:
ما فرصتك في المائة كمصري (إذا كنت كذلك) في النجاة من النفخ داخل بلدك و الجلد خارج بلدك ؟

السؤال الخامس اجباري:
اختر من متعدد
من المستفيد من الحكم المشدد ب 15 عاما سجن و 1500 جلدة :
السعوديين
المصريين
الطبيب
الاميرة
الساحرة الشريرة

في حالة اجابتك الاسئلة جميعا ضعها في ظرف و أرسلها علي ص.ب السفارة السعودية بالقاهرة - كورنيش النيل و قد تحصل علي عشرة جلدات مجانية و سنة حبس لك حق الاختيار في أخذها في أي من البلدين.

بجد يا أشرف شكرا انك فتحت الموضوع
اتمني الناس تتابع و تساند الدكتور رؤوف علي مجموعات الفيس بوك

http://www.facebook.com/group.php?gid=46483276211

http://www.facebook.com/group.php?gid=31789353654

د.حسام

واحد من البلد دى said...

المفروض اللى يتم جلده هى الحكومة اللى خلت كل كبير و صغير يستهين بينا والله العظيم ده لو كان يهودى حتى و تبول فى الأزهر ما كنا حنقدر نعمله حاجة..

وكلامى ده أعنيه حرفا حرفا و ليس مثالا..
ما أهون المصريين و ما أقبح المال عندما يعملق أقزاما كانوا يوما ينتظرون منا المعونة ...

ولكن أقول إيه..؟؟؟؟

بعد ما كانت السعودية بالذات رمزا للدين من خلال الكعبة الشريفة و مسجد رسول الله(صلى الله عليه و سلم)..أصبحت مرتعا للبغاء و الفحش وضياع الحقوق و ظلم الغرباء(المصريين بالذات)وذلك لإعتبارهم مخلوقات درجة ثانية..

أولى لهؤلاء الهمج أن يقرأوا التاريخ بدلا من التعالى علينا ليعرفوا من أين أتى لهم العلم و الدين..
لقد قالها الشيخ الشعراوى -رحمه الله-يوما فى لقاء تليفزيونى..(نحن نصدر العلم إلى بلد رسول الله)..
ولكننا يا أشرف قد ضاعت كرامتنا فى بلدنا..

فهل يكون لنا كرامة خارجها..؟؟

لنا الله

دمت بخير..

ملحوظة..

سلامى إلى عمرو

أشرف حمدي said...

..... أمك يا مصر بكرهك قوي
---------------
قمت بحذف التعليق لا لأنني معترض على ما ورد به ولكن لبعض الألفاظ التي لا أستطيع نشرها هنا لا أكثر
أنا متفق معك تماما في كل كلمة وحتى في الألفاظ أيضا :)
ومادام شفتني في شارع العريش ما سلمتش ليه يا جدع ، والله كنت قعدت معاك ع القهوة نتكلّم للصبح
تحياتي

علم الهسس said...

خد منى كلامى على بلاطة
القائمين على ادارة الدولة فى مصر
ما يهمهمش مواطن مفعوص
او متعوس
او منحوس
داخل مصر
او خارجها

ازاكان ماهمهمش
الالاف اللى بيموتوا دفعه واحده
وكأنهم متفقين مع بعضهم على الرحيلا لجماعى عشان خلاص قرفوا منهم
ولا مئات الحوادث اللى بتحصل كل يوم على الطرق وبيموت فيها العشرات
ولا حالات التحرش الجنسى الجماعى
ولا حالات النصب بالملايين على الشعب وسرقة اموال الغلابة

عاوزهم قلبهم يحن
عشان واحد دكتور
راح بارادته الى العمل فى السعودية
وهو عارف انه ممكن تحصل ليه اى مضايقات
من قبل السلطات
وبردوا وافق وراح
عشان يجمع كام قرش
عشان العيال

عاوزهم يهتموا بواحد
بس هايجلد
ويخش السجن
بتاع السعودية
اللى هو اكيد احسن
من سجون مصر

دا انت يا اشرف متفائل قوى

عالعموم
من وجهة نظرى

الموضوع دا هم مش فاضينلوا دلوقتى
لأنهم مشغولين
بمؤتمر الحزب
وتعيين السيد جمال امين عام للحزب
ومشغولين بتغييرات ممكن تتم فى الوزارة
ومشغولين بقضية هشام


ومش فاضين لحد

وتقبل تحياتى

TITO said...

A7A !! ده اللى عندى

Anonymous said...

أنا من السعودية و يعني بجد أحاول أكون موضوعية بعد الكلام الموجود هنا ,القضية ليست كالمذكور ابدا , و أتوقع إن القصة غير منطقية أصلا ولا تنطلي إلا على الأغبياء, و الناس الذين يريدون أن تنطلي عليهم .
القضية هي أن الطبيب المصري كان يسرق من الأمير على مدار سنين طويلة بحجة العلاج .. و طبعا لا أتوقع أي مصري هنا أن ينكر كيف أن السرقة هي الغالب على أي مصري , طبعا أو تطبعا :) ..

بالنسبة للي قال إن السعودين بدو وهمج و إلخ . صحيح , ما أنكر إن في نسبة كبيرة بدو , و كثير ما اطلعوا على التحضر إلا لوقت قريب , و حقيقة لا أفهم كيف يكون ذلك منقصة ! نحن بدو و نعيش في الصحراء لكننا نكسب بالحلال و لا نسرق و لا ننصب و لا نغش ..
المشكلة في مصر, إن الموضوع تعدى فكرة السرقة للحاجة , و صار السرقة للترف و الترفيه و التسلية ..
جيت مرة لمصر ولا أنوي بأي حال إعادة الرحلة , كأني أعود عبر آلة الزمن 10 سنين إلى الوراء ..

كنا بدو و همج صحيح , لكننا الآن تعديناكم بكثير , عمارة و حضارة ..

بجد أنا مش حابة الحديث بهذه الطريقة وليس من عادتي اصلا .. بس عشان تشوفوا كيف هي الصورة من الجهة المقابلة ..

أشرف حمدي said...

anonymous
أصمتي يا إمرأة ، فصوتك عورة
ولا تدخلي على مدونتي وإلا أبلغت عنك هيئة الامر بالمعروف والنهي عن المنكر
ولسوف يجلدونك مائة جلدة لخلوتك الغير شرعية معي في المدونة
ولا تنسي وأنت خارجة
أن تغطي عينا واحدة وترى الطريق بالأخرى كما قال الشيخ البحبحاني
وإذا رأيتي ميكي ماوس في الطريق فاقتليه رميا بالبلغ

أقول كمان ولا كده كفاية ؟

Anonymous said...

مسيو أشرف
ما الذي تحاول ادانتي به ؟ كلام " أفراد " من السعودية؟
ما هذه العقلية ؟ يعني ما دمت في معرض الدفاع عن بلدك والهجوم على بلدي , أتوقع كان من المهم أن تخرج بحجة أكثر - لا أقول اقناعا فأنا متأكدة أنه لا توجد أي حجة مقنعة لموقفك - ولكن على الأقل مقبولة عقليا ..
حقيقي متأسفة لما يحدث للدكتور المصري و لم أسعد أبدا للحكم و ساءني كثيرا ..
لكن الكلام كل الكلام هنا بعيدا عن كونه " همجي " , فهو غير حقيقي و لا منطقي و مضحك من جهة أخرى ..

هل تريد حقا أن نبدأ لعبة التراشق بأفعال الأفراد ؟ هل تريد حقا ذلك؟
يعني لشخص غير مهتم بالوضع الخارجي يعرف جيدا كيف هو الحال عندكم , فكيف بالشخص المهتم؟
have a nice day ..

Anonymous said...

مشكلته يا اشرف انه مصرى..وبيعاملونا كده عشان احنا احسن منهم واذكى منهم..بالنسبه بقا للهانم اللى بتقولى حضاره والكلام داا..مين السبب فيه يا هانم..وبعدين تعالى هناا الحضاره اللى بتتكلمى عليها بقت حضاره للاسف نجسه وشويه نسوان اللى مممشينها مش رجاله..يعنى من الاخر الفاتحه ع الرجاله عندكو... اطهر ارض وانجس ناس.......الحل ننا نقاطعهم .....ويعلو هم من شأن بلدهم
اقصد بلدهم الشريفه

jim said...

السلام علي كل من يقول كلمة حق
هل تعلم ان مثل هذه الاجكام تطبق علي السعوديين انفسهم لان هذا شرع وعقيده
فعلا ان الانسان يحزن لكثير من الاخوه المصريين ولكن ماذا نقول للمجرم شكرا علي الجريمه وخاصة ممن نعتقد بانهم ملائكة الانسانيه
ذهب العقلاء وبقى الرعاع
والله حزنت لما ماتو مايقارب الالف فى عبارة الموت ولم يكن هناك وقفه من الشعب في ذلك والوقفه الان مع مجرم تغيرت الموازين وبقيت واسفى علي من يقوم بالنعاق علي مجرم ويترك الاهم اسفى علي مصر التى انجبت الرجال الاوائل الذين وقفت لهم الدنيا احتراما هن امثال الشيخ الشعراوي والدكتور احمد زويل وبقي الصياح علي هؤلاء المجرمين فى حق بلدهم قبل السعوديه نعم زمن تغيرت فيه الحسابات وبقي الفنان هو القدوه وبقي المطرب هو القدوه وبقي عبدة الشيياطين والراقصات هم من يرجع الرأي السديد لهم
هلمو امة العرب من شام الي يمن
وانظروا ما حل بالعرب
نعم فليكن هذا هو العقاب لكل من يرتكب جريمه واخيرا اتمني ألا تكون العاطفه الغير مسؤله هى الحكم وبالحب تحيا الشعوب وليس بالغوغائيه

أشرف حمدي said...

jim
الأخ السعودي
إذا أردت النقاش لابد من توضيح بعض الامور
وإسمح لي ان أسألك السؤال التقليدي

هل لو كان هذا الطبيب أمريكيا لحكم عليه بالجلد 1500 جلدة ؟؟؟؟

سؤال مهم آخر
هل يوجد في شرع الله يا من تدعي بمعرفتك لشرع الله يحكم بألف وخمسمائة جلدة على انسان ؟؟؟؟؟

نقطة هامة أيضا
من قال اننا صامتون بخصوص موضوع العبّارة الغارقة ؟؟؟؟
يبدو انك لا تتابع الاخبار المصرية

تسخر من كون الفنان قدوة
أنا نفسي فنان أخي السعودي ، ولا أسمح لك بالسخرية من الفن
هل علمت الآن الفرق ؟ نحن نقدّر الفن وأنتم تكفّرونه

الموضوع لا علاقة له بالعواطف
آلاف بل ملايين من السعوديين يمارسون الزنا ويشربون الخمر في مصر ويعطون صورة سيئة عن الشعب السعودي باكمله
لماذا لا تحاسبونهم ؟
ولماذا نحن لا نحاسبهم ؟

هل ترضى دولتك أن يجلد سعودي في مصر بل أن يحبس لساعة واحدة ؟

أميرتكم السعودية التي قتلت سائق التاكسي لأنها كانت مخمورة وقتلت معه أثنين من الركّاب
رجعت إلى بلدها بعد الحادث بأيام دون أن يمس منها شعرة

وطبيبنا المصري الذي لم يرتكب أي جرم يجلد 1500 جلدة ؟؟؟
اتقى الله

حسبي الله ونعم الوكيل

كريم said...

دولة السعودية دى دولة بربرية ,الواحد مش عارف يقول ايه بس .دا انا لو فضلت اوجه لهم كل الكلام القبيح اللى فى الدنيا واضعاف اضعافه مش هقدر اعبر عن كم الازدراء والاحتقار الذى اكنه لهم.دا من كتر ما بسمع البلاوى اللى بتحصل عندهم الواحد ارف منهم ومن التخلف والظلام الى همه عايشين فيه والله انتوا فعلا عار وبئس الجار .ربنا ياخدوكوا علشان ترتاحوا وتريحوا غيركم من سيرتكوا اللى تسد النفس.

Counter