Total Pageviews

Thursday, October 30, 2008

ثورة المتحمرشين

من حمش ، إلي متحرّش
هكذا كان التحول الذكوري في الشارع المصري
أشرف حمدي ، مدونة كاريكاطظ ، القاااااهرة
إنزل بالتتر يا عبمتجلّي قبل ما يتحرّشوا بيا أنا كمان
بلا لا لا لم ، بلا لااااا ، لاااالم ، بلا لا لا لم ، بالم ، باااااااااه ه ه


عدنا
النهاردة يا أخواني أحدثكم عن التحرّش الجنسي في الشارع .
ولكن لي سؤال متعلق بالصورة التالية :
بلبوصة أهي يا بشر ، سلط ملط
في قلب أم الشارع ويادوبك تلاتة واقفين يتفرّجوا

هل يمكن التحرّش بهذه المزة الجامدة قوي جدا خالص ؟
الإجابة من وجهة نظري : هذا شبه مستحيل ، لأن هذه المزّة الجامدة قوي خالص تعيش في بلد متحضر به قوانين صارمة لا ترحم وزير أو غفير لو أقدم على فعل التحرّش ، كما أنه يمكنك بشكل متحضر أيضا أن تنام مع هذه المزّة الجامدة قوي خالص لو لم يكن لديها مانع ، كما يمكن أن تتزوجها في حالة رفضك لفكرة ممارسة الرزيلة وفقا لمباديء أخلاقية أو دينية أو إنسانية ، كل شيء ممكن ، إلا أن تمد يدك لتقفش اللي فيه النصيب من جسدها .

سؤال آخر : هل سبب التحرش هو سفور الفتيات في الشارع وعدم إرتداء الزي الشرعي ؟
الإجابة من وجهة نظري :
هذا كلام غير صحيح بالمرّة ، هذا معناه ببساطة أن جميع الفتيات والسيدات المسيحيات في مصر وجب عليهم التحرّش ، كما أن كثير من الضحايا محجبات ، وذلك لأن أكثر الفتيات الآن محجبات أساسا ، ومن الوارد جدا أن يقع جزء من جسد فتاة محجبة في قبضة يد متحرشة دنيئة .

سؤال ثالث : هل سلوك الفتيات في الشارع بغض النظر عن الزي هو سبب التحرّش ؟

الإجابة من وجهة نظري : راجع الصورتين بأعلى ، حتى لو وقفت الفتاة في ميدان عام وصرخت : أنا عاوزة أتباااااااااس هي هي هي ، فهذا ليس معناه أن يهجم عليها الشباب ليوسعوها تقبيلا وتقفيشا وأشياء أخرى ، سلوك أي شخص هو خاص به، ولا شأن لأحد به إلا لو تعدى ذلك القوانين فيبدأ في المطالبة بحقه قانونا ، تضحك الفتاة بخلاعة ، تسير بخلاعة ، تتقافز مثل فرقع لوز ، ليس لأحد إعطاء نفسه الحق في التحرّش بها إعتمادا على ذلك باعتبار انها عاهرة ماجنة فاسقة تستحق ذلك ، الفتاة التي رقصت فرحا في شارع جامعة الدول العربية حينما فازت مصر بكأس الامم الأفريقية ، هي حرّة ، سلوك غير أخلاقي أو غير لائق من فتاة محترمة ، أتفق معك ، ولكن هل هذا يعطيني الحق لإغتصابها ؟ ما ترقص ولا تغني ولا تتنيل ، انا راجل محترم وفي حالي ، وأكتر حاجة ممكن يعملها شيطاني معايا إنه يقوللي إتفرج وبص وبحلق ومللي عينيك .

سؤال أخير : هل الأفلام الجنسية والمواقع الإباحية هي السبب في الكبت الجنسي والتحرّش ؟
الإجابة من وجهة نظري :
هي السبب في الكبت الجنسي ، ولكن التحرّش ؟ لا أعدك بذلك صدقني ، سأضحك عليك لو قلت أنها السبب ، شاهد ما يحلو لك من أفلام وصور، أنت شخص ناضج بالغ وعاقل وتعرف ما يفيدك وما يضرّك ، ما ينفعك وما يؤذيك ، كما لا يمكنك أن ترمي اللوم على الأفلام لأنك أنت من شاهدتها بإرادتك ، كما أن هناك نقطة أخرى في غاية الاهمية هي محور الموضوع كله .
أنت إنسان ، ودعني أحادثتك من هذا الجانب بعيدا عن الدين ، الانسان فضّله الله على الحيوان بالعقل ، لديك عقل يسيطر على جسدك وعلى غرائزك ، ليس معني أن تشاهد قطعة لحم مشوية عارية أن تقفز وتنشب فيها أسنانك ثم تقول : جعااااان أعمل إيه الجوع كافر .
أن تشاهد فيلما جنسيا وتمارس العادة السرية أفضل لك ألف مرة من إنتهاك جسد فتاة ، من الوارد جدا أن تكون أختك ، أنت رضيت بكونك حيوان غبي ويجب أن تعاقب على جريمة إهانة نفسك كإنسان أولا قبل أن تعاقب على التحرّش ، بالطبع إهانة ما بعدها إهانة للنفس ، تخيل أنك لا تقدر أن تتحكم في مثانتك وتبوّل على ملابسك ، لا لمرض لا قدر الله ، ولكن لأنك لم ترّوض نفسك على الصبر والإحتمال حتى تجد مرحاض .

من واقع كل ما سبق لو دققتم به يمكنني أن أقول بأن سبب التحرّش هو إنعدام الأخلاق ، إنعدام التحضّر ، ولا أي شيء آخر
القانون موجود أو أصبح موجودا مؤخرا ويجب على الفتاة ألا تتهاون في حقها أبدا .
هذا الإنحلال الاخلاقي الذي يجعل من الأوغاد مغتصبين ومن المارّة في الشارع مجرد متفرّجين ، وأقسم أنها حدثت معي في الاوتوبيس المكيف وكنت أنا الوحيد الذي يصرخ بحق الفتاة المتحرّش بها والجميع يشاهد مستمتعا جدا قوي خالص ، ثم طلب مني أحد الشباب الإيريال أن أصمت منعا للمشاكل !

فتاة مسكينة لا تعرف حقوقها + شاب منعدم الأخلاق + ناس منعدمة النخوة = تحرّش وإغتصاب وانتهاك لكل شيء .

إحنا مش فالحين غير في المظاهر ، الحجاب والنقاب والأسدال وشعارات أنا أحب حجابي وعلى الجانب الآخر الفساد الأخلاقي على ودنه الله ينوّر .
لك الله يا مصر، حجبّوكي وقللوعكي الأندر في الشارع وفي عز الظهر

62 comments:

... amr said...

:))))

مش لاقي كلام اعلق بية . لان دي قناعتي

الاخلاق الاخلاق الاخلاق

احنا بتوع مظاهر يا عم اشرف

تحياتي ليك و لدماغك العالية

أشرف حمدي said...

طب والله كويس إن لقيت حد متفق معايا :) شكرا على التعليق بجد
الناس فاكرة إني ضد الدين ، الموضوع على العكس تماما
أنا ضد الدين الظاهري بتاع اللبس في حين إن الفساد موجود
جماعة الأخوان نفسها انتبهت للموضوع وعملت حملة : راقي بأخلاقي
ده اللي أنا بتكلّم عنه

hend said...

ماينفعش نعلم واحد أتيكيت مسك الشوكة والسكينة وهو مش لاقى ياكل أساسا... وبالمثل ماينفعش ننتظر من شعب مش لاقى لا أكل ولا تعليم ولا صحة ولا معاملة آدمية إنه يكون متحضر... بيعملونا زى الحيوانات.. طيب إحنا حيوانات فعلا.. أهو بقى

أشرف حمدي said...

hend
هههههههههههه والله وجهة نظر برضه ، هممممممم ممكن فعلا ،
هي نظرة سوداوية بس أنا معاها برضه لانها صادقة
ممكن نقول غننا فعلا بقينا درجة أقل من الحيوانات ومحتاج وقت طويل عقبال ما نتعلّم نكون متحضرين
تحياتي

زوج مخنوق said...

أشرف كلامك في الجون بصراحة
و الله طول عمري حتى قبل الواحد ما يلتزم بدينه الشوية اللى فيهم دول بأكره المعاكسات حتى فضلا عن التحرش
بجد الواحد بيحس بحيوانية المتحرش
بيفكرني بالكلب لما يروح يقعد يشم في مؤخرة الكلبة
شئ بجد مقزز
و كلامك بصراحة عجبني جدا
افرض ان الست من دول وحشة و فيها و عليها ربنا مش هيحاسبك على فعلها
لكن هيحاسبك على نظرتك على الكلمة السخيفة على مد ايدك او اي عضو تاني فيك
بجد
ارفعلك القبعة على البوست ده
تحياتي

~*§¦§ Appy §¦§*~ said...

تلخيص الكلمتين دول
احنا فى زمن كثرت فيه مظاهر الاسلام وقلت اهلاقه يا ريس بس خلاص

أشرف حمدي said...

زوج مخنوق
انا اللي سعيد بالتفاعل الإيجابي ده
بصراحة ما أنكرش إني كنت متوقع ردود أفعال عكس دي خالص على البوست
ومستني أسمع اللي حيقول : طبعا البنات السبب عشان ماشيين في الشارع لابسين ايه أو مش لابسين ايه
أو واحد يقول : هو التحضّر يعني أمشي بلبوص في الشارع ؟
إلى آخر الكلام ده

التحضر هو إلتزم بأخلاقي بغض النظر عن اللي بيحصل بدلا من تبرير الجريمة وإلقاء التهمة على المجنى عليه
تحياتي البالغة

أشرف حمدي said...

appy
بالظبط كده ، ده اللي بقوله فعلا
تحياتي وشكرا على التعليق

ياسمين حميد said...

تصفيق حاااار
أصلي من فترة مخنوقة من إعلانات زي البونبون المكشوف اللي اتلموا عليه الدبان، أو التصريحات اللي بتشبّه الست بقطعة لحمة لو مكشوفة القطط ياعيني مش حتقدر تمسك نفسها من انها تنقض عليها
ده على اعتبار ان الرجالة دبان وقطط، يعني حيوانات لا مؤاخذة ماشية بالغريزة وفاقدة السيطرة على نفسها تماماً، وبكدة تبقى الست هي اللي غلطانة على طول الخط وتستاهل اللي يحصل لها

بس كلامك والتعليقات عليه أثبتوا ان مهما كان لسة الدنيا بخير

ملحوظة: أختلف مع التعليق اللي بيقول انه ماينفعش نعلم واحد ياكل بالشوكة والسكينة وهو مش لاقي ياكل، لإن لو علمناه حياكل بيهم لما يلاقي ياكل أما لو سبناه حياكل بإيديه الإثنين بنهم ويمكن ما يغسلهمش ويمكن في النهاية يزور! وبعدين بالعكس، إذا كانوا بيعاملونا زي الحيوانات، نثبت لهم اننا بشر بالعند فيهم، كل واحد يحاول يعمل اللي يقدر عليه. اللي قادر انه يأكل حد، يعلم حد، يوعي حد ويشرح له حقوقه يعمل كدة عنداً فيهم ونثبت لهم اننا قادرين نكون بشر ومتحضرين مهما عملوا فينا

أشرف حمدي said...

ياسمين حميد
شكرا يا ياسمين عل ىالتعليق :) وعلى فكرة انا كنت كاتب بوست وقايل فيه نفس كلامك بالحرف عن موضوع الملصق المقزز ده
ودي الوصلة
http://caricatooz.blogspot.com/2007/06/blog-post_07.html

تحياتي البالغة

ahmed said...

بص .. مبدئيا أنا متفق معاك في المعني ان ماينفعش التحرش حتي لو قالعة ملط قدامه .. بس برضة برة الموضوع مش وردي أوي كدة .. هتلاقي برضة جزءية امان عندنا مش موجودة عندهم .. برة هتلاقي سلبية أو انعدام نخوة .. افتكر حادثة شهيرة في الاعلام الامريكي عن سيدة هتغتصب في منزلها على مسمع من كل جيرانها وماحدش فيهم هيرفع بس سماعة التليفون عشان يكلم لها البوليس

الصورة انا معاك فيها ان ماحدش هيقرب منها .. بس مش بالضرورة عشان هما متحضرين أو القوانين هناك صارمة .. ممكن ببساطة لأن الكل شايفها مجنونة .. وماحدش هيقرب من مجنونة .... مش هاتصدق ,, انا مرة ماشي في اسكندرية .. وفي كيلوباترا يعني حي نضيف والشارع كان رئيسي .. والاقي واحدة بيني وبينها 20 متر .. رفعت الجلابية بتاعتها في وسط الشارع في مشهد زي اللي فوق دة بالظبط .. وبرضة ماحدش عايز يقرب منها .. لأنها ببساطة مجنونة .. وكله خايف منها .. يبقي ماحدش يقرب مش عشان هما متحضرين ,, لأ عشان هي مجنونة

الفكرة في "الانسان" ذاته في أي زمان أو مكان .. فين الانسان .. ومين مشترك معاه في المسئولية عن كون مش "انسان"

أشرف حمدي said...

ahmed
هههههههههههه يا راااااجل حرام عليك
اللي انت شفته في مصر دي اكيد مجنونة عشان ماحدش بيعمل كده ، ولو صبرت شوية كنت حتلاقي 87986749067 شاب ناطط عليها
اللي في الصورة دي عملت كده عشان عندها حرية
ممكن الست تمشي توبليس في نيويورك ومافيش قانون يمنع ده رغم إنه مش بيحصل إلا نادرا زي اللي في الصورة

ماحدش بيقرّب من اللي في الصورة عشان دول ناس متحضّرة وعندهم قانون رادع وشبعانين كمان
على الجانب الآخر مافيش حاجة أسمها نخوة برّة ، لإن المجتمع اتفق على إن ده دور الشرطة ، طب ما نيجي بقى نجمع بين الاتنين ؟؟؟؟ ايه رأيك ؟
يبقى عندنا تحضّر ونخوة مع بعض
ده اللي نفسي فيه

أشرف حمدي said...

أقصد أقول نفسي الناس تتلم علىلا المتحرش وتمسكه ، لا لضرب المتحرشين ، فقط تمسكهم من رقابيهم لحد القسم وده ماحصلش مع نهى للأسف لإنها قالت بلسانها إن الناس كانت واقفة تتفرج
نهى تلبس نهى تقلع طالما إنه مش فعل فاضح ماحدش يلمسها
نهى يتحرّش بيها يبقى لازم الرجالة اللي على حق تمسكه
انا حتجنن بجد ، البنت وقفت فوق العربية وقالت : يا تدوسني واموت يا تروح ع القسم ومسكته من قفاااه هي وصاحبتها
مش عيب كده ؟ والناس واقفة تتسلى ؟
بس برافو يا نهى والله العظيم بنت مجدع

Fantasia said...

التعليق بتاع أحمد واقعي على فكرة
وفعلا الناس عندنا تخاف ما تختشيش

هما مش قالوا على نهى مجنونة عشان كانت مصممة تاخد اللي اتحرش بيها ع القسم؟

ما أي واحدة عندها كرامة بيتقال عليها مجنونة
أي واحدة بتدافع عن حقوقها بيتقال عليها مجنونة
لكن اللي مقهورة وساكتة وحاطة جزمة في بقها هي دي ست العاقلين

أنا شخصيا شايفة ان لو المجنونة تقدر تحمي نفسها حتى لو بلبوصة، يبقى سحقا للعقل.. نعمل فيها كلنا مجانين ونخلص
ماهو ما ينفعش تعيش عاقل في مجتمع مجنون

خالص تحياتي على البوست الجامد جدا

أشرف حمدي said...

fantasia
شكرا على التعليق ، وانا طبعا مع إن البنت لازم تاخد حقها ولا تتهاون فيه تحت مسمى منع الفضائح والستر والعيب و و و ، أنا قاعد بتفرح حالا على مقابلة نهى مع منى الشاذلي في العاشرة مساء على اليوتيوب
بجد سعيد بإيجابيتها ، وأتوقع غنها حتعمل نقلة كبيرة ومهمة جدا في المجتمع
تحياتي

الكحيان said...

رغم طرافة ما كتبت ياسيدي ، فأنا لا أتفق معك في معظم ما كتبت ،لأن في كلامك مغالطات كثيرة ، أولها : أنه لا يصح أن تقارن مجتمعاتنا بالمجتمعات الأوربية فاستجابتهم الحيوانية تختلف بالطبع عن استجابتنا وذلك لأن ممارسة الجنس هناك مطلقة بلا قيود فهؤلاء شبعوا وزهقوا من الجنس، ومع لو أنك اطلعت على الاحصائيات هناك ستجد التحرش بالنساء والأطفال قد بلغ مبلغا عظيماوهم بالطبع يدفعون ثمن هذه الحرية من صحتهم ( أمراض الإيدز والزهري والأمراض الجنسية المعروفة) ويدفعونه أيضا بالتفكك الأسري الرهيب والعزوف عن تكوين أسر مستقرة ، وكثرة أبناء الزنا - مالا يقل عن نصف الشعب الأمريكي أبناء زنا- الشاهد من الكلام أن الثلاثة الذين التفتوا إلى تلك الفتاة العارية يبدو أنهم من المحترمين أو المحرومين جنسيا الذي لا يسيرون على طريقة قومهم هذا أول اعتراض على كلامك أما الاعتراض الآخر فهو أنه لا بد من أن نسلم بأن الرغبة الجنسية شيء فطري في الإنسان وأنه هو الشيء الحيواني البدائي الذي سيظل بدائيا يعمل وفقا لمبدأ المثير والاستجابة ولو اختلت هذه القاعدة فقل على الأرض السلام إذن عندما يسير المواطن الكحيان الجائع الذي أفقرته حكومته وجعلته قانطا يائسا من الزواج عندما يسير في الطرقات ويجد مثل هذه الفتاة العارية ولا يتحرك فيه شيء فهنا ربما يحتاج إلى عرضه على طبيب نفساني وطبيب أمراض جنسية أيضا هذا في الغالب لذا أرجو أن تراجع منطقك فإن قاعدتي تقول : (( إذا تعرت الصدور انتصبت الأيور )) ورأيي أن تسير المرأة في الشارع محترمة دون داع للإثارة بالملابس العارية والضقية والمزركشة التي تثير الشهوات ولا أنسى دور الحكومة في ضرورة مساعدة الشباب على الإعفاف، وتفعيل قوانين العقاب للمتحرشين مع تحياتي

مراقب مصري said...

أرفع لك القبعة يا دكتوووور

رب صورة فعلا خير من ألف مقال
فما بالك بقى بالصورة ومعاها خير مقال

بقول لك
Off The Record ;)

معندكش صورة أوضح لتعزز المعنى وتقويه؟

hehehehehe

مواطن مصرى نايم said...

هههههههههههههههه
ههههههههههههههههه
هههههههههههههه
اشروف بس على فكرة حتلاقى البنت اللى فالصورة دى بتاخد فلوس عالتحرش بيها و كله مستخسر يدفع فيها مليم

و الله يا اشروف بوست ميه ميه بس خلاص على رأى شعبان عبدالرحيم

و احب اعمل اهداء من بابا و ماما لتيتا و حسن فالعراق

و احب اسمع اغنية

انا دانا دندانا
(بدون عمليات تجميل)

;)

فاهم انت انا عارف
هههههههههه

طارق said...

بوست جميل يا فنان
:)

اقرأ دي وقولي رأيك
http://ahmedelsabbagh.blogspot.com/2008/10/blog-post_30.html

adel said...

مش هاقول اكتر من اللي قلته انت او اللي قلته انا في البلوج بتاعي
و اكيد قرايته لما شرفتيني ....
بس مهما تقول لا حياة لمن تنادي
احنا حتي لو اخلاقنا وحشة مش هنعمل كده ...ما امريكا مليانة شباب زبالة لكن عمرك سمعت ان عندهم مظاهرة تحرش و سنتين ورا بعض
المشكلة في عدم التحضر

عادل
http://elbald-dy.blogspot.com

طه عبد الجواد said...

كلامك مظبوط يااشرف واكبر دليل علي ان التحرش ده سببه انعدام الاخلاق ان في ناس بتتحرش بالمنقبات علي الرغم اني مفيش حاجة بين منها طب امال اتحرش بيها ليه مش عارف

الكحيان said...

كيدهن عظيم

محامية نهي رشدي تتخلي عنها وتقرر استئناف الحكم لصالح المتهم

كتب سامي عبدالراضي ٣٠/ ١٠/ ٢٠٠٨


نهي
فجرت نجلاء الإمام، المحامية بالنقض، مفاجأة في قضية التحرش الجنسي، التي كانت تتولي فيها الدفاع عن المدعية نهي رشدي، عندما أعلنت أنها قررت استئناف الحكم لصالح المتهم.

كانت المدعية - وهي مخرجة أفلام تسجيلية - قد اتهمت الشاب شريف رجب جبريل، بالتحرش بها في يونيو الماضي، حيث ألقي القبض عليه وأحيل للنيابة، وعاقبته محكمة الجنايات بالسجن ٣ سنوات .

وقالت نجلاء لـ «المصري اليوم»، إنها توصلت لمعلومات عن المدعية، جعلتها تقرر التخلي عنها بعد ٣ أيام من صدور الحكم، هي أن «نهي» من عرب ٤٨ ومولودة في يافا شمالي تل أبيب وتحمل جواز سفر إسرائيلياً،

كما سبق أن اتهمت ضابطاً فرنسياً بالتحرش بها أثناء وجودها في فرنسا قبل عام ونصف، وحصلت منه علي تعويض. وأوضحت المحامية تفاصيل معرفتها بهذه المعلومات،

وقالت إنها كانت معها في مقابلة تليفزيونية علي قناة M.b.c وأن المذيع قال لنهي: «حالات التحرش دي مابتحصلش حتي في إسرائيل»، فردت عليه الفتاة: «إسرائيل دي دولة محترمة»،

وأنها - أي نجلاء - بحثت عن معلومات وأوراق خاصة بالفتاة، وعرفت أنها ولدت في يافا، وأضافت أنها منذ ذلك الوقت قررت استئناف الحكم لصالح المتهم والدفاع عنه .

أشرف حمدي said...

الكحيان
اسمح لي ان اختلف معك جملة وتفصيلا كما يقولون :)
عاوز تقول إن كل اللي في الشارع دول مش رجّالة وماعندهمش إحساس وفقدوا شعورهم بالجنس ؟؟؟
امال اللي ماشيين في الشراع دول كلهم جم منين ؟؟؟
من البوس ؟؟؟؟
هههههههههههههههه
أنا لا أدعو إلى الحرية الجنسية ، ولا أدعو إلى العري ، انا أدعو إلى الإعتدال ، دعنا نتفق أولا على أن التحرش الجنسي نال المحتشمات والعاريات على حد سواء في مصر ، لا علاقة مطلقا بالعري والتحرّش والدليل أيضا هو عكس ما تقوله في مسألة الجنس شعور فطري حيواني
حرام عليك والله ، عبارة قاسية جدا ومؤلمة بجد ، ايه الفرق بين الانسان والحيوان لو صدق قولك ؟ طبعا هذا كلام لا أساس له من الصحة ، حينما ترى فتاة مثيرة في الشارع طبعا هذا يثير بداخلك شعور جنسي بشكل ما ، ولكن هذا لا يعني مطلقا أن تقفز مثل ذكر الكنجارو على الفتاة لتضاجعها !!! ايه ده والنبي ؟؟؟ ده في الجواز يا راجل ماينفعش تفترس مراتك ، بدائي ايه اللي بتتكلم عنه ؟؟؟ النبي نفسه اتكلم في الموضوع ده وقال قدموا لأنفسكم ، عيب بجد الكلام ده والله وانا حزين إني بسمعه من مدوّن ومثقف
قمّة التحضّر يا عزيزي هو ان تكبح نفسك ، ترى الطعام وتعافه نفسك لانه ليس لك ، ترى فتاة عارية فتشيح بوجهك خوفا من الله ، من ضميرك ، من فقدان إنسانيتك
تخيّل منظرك وانت بتنط على واحدة في الشارع ، بقول منظرك إنت مش منظرها ، تقدر بعد كده تبص في المراية وتقول انا مش غلطان أصلها أثارتني ؟؟؟؟؟
لو قلت كده يبقى إسمح لي لا مجال للنقاش مع أفكار من هذا النوع
تحياتي وأشكرك على مرورك واهتمامك بالموضوع

أشرف حمدي said...

مراقب مصري
ألف شكر على الثناء الجميل ، سعيد جدا بمرورك واهتمامك
ابعتلي ميلك وانا أبعتلك الصور الأصلية ههههههههه بس ما تجيش تتحرش بواحدة تاني يوم وتقول لي انا اللي غويتك
ههههههههههههههههههههههه
بهزر طبعا
--------------
مواطن مصري نايم
صباح الفل :) على فكرة المصور سأل البنت دي عاملة كده ليه
قالت له : عشان ماحدش مهتم بيا ولا بيبص عليا فحبيث أثير انتباههم وبرضه ماحدش معبّرني
ده بجد مش هزار على فكرة ، حبقى أبعتلك اللينك فيه الصور والقصة كاملة
وده حصل في نيويورك بالمناسبة
ومافيش قانون هناك بيمنع اللي هي عملته ده
بس عالله حد يلمسها وشوف إليي حيجراله بعد ثانيتين
--------------
طارق
شكرا يا باشا ، وحقرا البوست قريبا جدا وحعلذق عليه
تحياتي
--------------
adel
بالظبط ده اللي انا قصدي عليه ، تحياتي يا باشا
--------------
طه عبد الجواد
ده اللي بقوله فعلا ، واحدة منقبة ، أثارتك في ايييييه طيب ؟؟؟؟؟
الموضوع كله حاجة كده زي هواة التخريب ، عارف اللي بيقطعوا ظهر كراسي الأوتوبيس الجلد بالموس ؟؟؟ هو ما استافدش حاجة غير متعة التخريب والتدمير
بزمتك يا أخي اللي بلمس صدر واحدة استفاد ايه ؟ وصل للنشوة ؟ استمتع جنسيا ؟ حد ممكن يستمتع من لمس صدر لثانية واحدة ويجري ؟
ده هبل والله ، مرض بعيد عنك
تحياتي
--------------
الكحيان كلاكيت تاني مرّة

أنا لسة قاري الخبر ، طب ولو
إفرض يعني ، اسرائيلية ماجوسية هندوسية بوذية مريّخية أو من مجرّة تانية
جريمة دي ولا مش جريمة ؟؟؟
يعني لو كان مكانها واحدة مصرية كان الموضوع اختلف
دعوة للتحرش بغير المصريات في مصر

بص
اسرائل بنت ستين كلب ، معاك قوي جدا خالص
لكن اللي يتحرّش بواحدة في الشارع حتى لو كافرة يبقى أبن ستومين كلب لاموآخذة :) فهمت الفكرة ؟
أنا ماليش دعوة بنهى
أنا ليا دعوة بالشاب العبيط اللي تحرّش بيها
ده اللي بتكلم عنه
وعموما حتابع الخبر لمجرد المتابعة ولكن لن يغير هذا شيء مما قلته
تحياتي

أشرف حمدي said...

هذا رد لنهى رشدى على موضوع التشكيك في جنسيتها وجدته منشورا على الإنترنت
--------------
فوجئت بالسيدة نجلاء الإمام، تكيل لي الاتهامات الباطلة ببرنامج 90 دقيقة مساء الأربعاء 29/10/2008، كما قرأت بجريدة المصري اليوم، بعددها الصادر بتاريخ 30/10/2008 أقولاً منسوبة لذات السيدة، وقد جاء بها العديد من المغالطات التي أريد أن أوضحها وهي: أولاً: تعرفت على السيدة/ نجلاء لأول مرة أثناء حضورنا كضيوف في حلقة من برنامج 90 دقيقة، قبل جلسة محاكمة المتهم بأربعة أيام، وطلبت مني بعد الحلقة قبول حضورها للتضامن معي في الجلسة، ولم أعطها توكيلاً للحضور به، ولكنها أثبتت حضورها مع أربع محاميين أخرين من مراكز حقوقية مختلفة أثبتوا حضورهم في الجلسة للتضامن ليس إلا. ثانياً: بتاريخ 21/10/2008 وبعد صدور الحكم فوجئت بالسيدة/ نجلاء تتصل بي هي وأحد معدي برنامج 90 دقيقة، لتطلب مني الظهور معها إعلامياً باعتبارها محاميتي، وهو ما رفضته، لأنها ليست محاميتي التي قامت بالدفاع في القضية ولكنها صاحبة أحد مركز حقوق الإنسان، حضرت للتضامن مثل محامين آخرين أثبتوا حضورهم في الجلسة للتضامن، ورأيت وقتها أن ظهوري معها يمكن أن يمثل دعاية للمركز الذي ترأسه وهو مالم أكن راغبة فيه. ثالثا: جاء بأقوال المذكورة أنني ولدت بيافا، والحقيقة أنني ولدت بتاريخ 5/9/1981 بطرابلس، بدولة ليبيا (مرفق صورة شهادة ميلادي)، حيث كان يعمل والدي ، وانتقل قبل أن أتم أعوامي الأربعة لأعيش مع أسرتي بمصر. رابعاً: جاء بأقوال المذكورة أنني أحمل جواز سفر إسرائيلي، والحقيقة أنني مولودة لأم مصرية، وأب فلسطيني ـ لم يتمكن من زيارة فلسطين منذ ميلاده ـ حاصل هو وجدي على حق اللجوء بجمهورية مصر العربية ومقيمين بمصر منذ ما يزيد على الستين عاماً (مرفق صورة جواز سفري)، وقد درست بالمدارس والجامعات المصرية حتى تخرجت من كلية الحقوق، جامعة القاهرة عام 2005. خامساً: جاء بأقوال السيدة/ نجلاء أنها ستستأنف الحكم الصادر ضد المتهم، والحقيقة التي يعلمها أي دارس بكلية الحقوق هي أن الأحكام الصادرة في مواد الجنايات لا يجوز استئنافها، ولا يجوز الطعن عليها إلا بطريق الطعن بالنقض. سادساً: جاءت أقوال السيدة/ نجلاء متضاربة حيث أوردت بأقوالها أنني موكلتها بتوكيل لم تظهره عندما سؤلت عنه، وفي ذات الوقت قالت أنها ستقوم بالطعن على الحكم لصالح خصمي، وهو ما يمثل تمثيل مصالح متعارضة طبقاً للمادة 80 من قانون المحاماة، وهو ما يعرض السيدة/ نجلاء لعقوبة تصل إلى المنع من مزاولة المهنة ومحو الإسم نهائياً من جدول المحامين طبقاً لنص المادة 98 من ذات القانون. سابعاً: تعلمنا من دراستنا بكلية الحقوق أن "الحكم القضائي هو عنوان الحقيقة"، والحكم الصادر على المتهم جاء بناءاً على اعترافه أمام سلطات التحقيق بالواقعة، وشهادة الشهود الذين أقر المتهم بحضورهم الواقعة، وتحريات المباحث التي أكدت حدوث الواقعة، أصبح الحكم حقيقة لا يمكن أن يغيرها إلا بموجب حكم صادر من محكمة النقض، ومن المعلوم لدى كل دارس للقانون أن النيابة العامة هي التي تمثل المتهم والمجتمع في الادعاء الجنائي، وهي التي أكدت حدوث الواقعة بتحقيقاتها مع المتهم. ثامناً: أحتفظ بحقي كاملاً في اتخاذ الإجراءات القانونية ضد ما سبق وارتكبته السيدة/ نجلاء ضدي من أفعال، وهي الأفعال التي تشكل جريمة السب والقذف المعاقب عليها بنص المادة 302 من قانون العقوبات بعقوبة تصل إلى الحبس لمدة سنة، كما شكلت أفعالها أيضاً تمثيل مصالح متعارضة طبقاً للمادة 80 من قانون المحاماة، والتي تصل العقوبة فيها إلى حد المنع من مزاولة مهنة المحاماة، ومحو الإسم نهائياً من جدول المحامين طبقاً لنص المادة 98 من ذات القانون. وفي النهاية وبعد أن تبين بالمستندات عدم صحة كل ما جاء على لسان السيدة/ نجلاء، وجدت أن هناك مالا يستحق عناء الرد مثل مثل الادعاء بأقوال منسوبة إلي في قناة فضائية، وليس هناك أدل على عدم صحة هذا الادعاء من أن البرنامج المذكور أذيع على الهواء وليس به أي من الأقوال المنسوبة إلي، وكنت أنتظر من صحفيي المصري اليوم أن يقوموا بواجبهم الصحفي ويحاولوا تقصي حقيقة مثل الواقعة قبل نشرها

enjy said...

اشرف........عارف اغنية حماقى بتاعة بحبك كل يوم اكتر من اليوم اللى كان قبله؟؟؟؟ اشرف انت انسان بجد حلال عليك لقب راااااااااااجل بجد والنعمة الشريفة انت بنى ادم زى الفل وهو دة الكلام بالظبط بالظبط الله ينور عليك انت عبقرى

Anonymous said...

أخى الحبيب الموضوع ده مهم وخطير وانا:
أتفق معك أن السبب هو ضياع الاخلاق والفضيلة ولكن قبل ذلك ضياع الدين وأيضا ليست هذه هى الاسباب الوحيدة فكل ما زكرته وقلت أنه ليس السبب هو فى الحقيقة من الاسباب الرئيسية

ولكن لى بعض التعليقات أقولها لك لوجه الله:
ينفع تنشر مثل هذه الصورة التى تظهر بها عورات المرأة أعتقد أن الله حرم هذا

بعض الكلمات التى أستخدمتها مثل" تقفش لها" "موزة جامدة" وغيرها من الكلمات الغير مناسبة

هل تعتقد أن البديل للتحرش يكون بمشاهدة الافلام الجنسية وممارسة العادة السرية هل هذاهو البديل فى نظرك اتقى الله يا أخى وانظر الى ما تدعو الناس اليه فإنك سوف تحاسب عليه أمام الله
. سوف أترك تعلقى هذه المرة تحت اسم عير معروف لو مستعد للنقاش رد عليه وسوف أعلق بأسمى

اه يا دماغى said...

عشان محدش يقول البنات هى السبب فى التحرش عشان ملابسهم الضيقة والى اخره

اهى الست عريانة مالط ومحدش ببيص عليها
بس احنا دايما بنحب نعلق اخطاءنا على شماعة الاخرين

FAWEST said...

أنت شخص ناضج بالغ وعاقل وتعرف ما يفيدك وما يضرّك ، ما ينفعك وما يؤذيك ، كما لا يمكنك أن ترمي اللوم على الأفلام لأنك أنت من شاهدتها بإرادتك ،


النقطة دى عاوز أراجعك فيها
المشكلة أن شباب فى أقل من سن المراهقه
بيدمن مشاهدة الجنس

أذكر أنى كنت فى صباى
عندما يأتى وقت على أشاهد أفلام جنس بكثره،مع العلم أنى لم يسبق لى التحرش أو ممارسة الزنا، أشاهد جميع الفتايات فى الشارع عرايا وأتخيل البدينه فيهم وهى فى وضع جنسى معين، إذا كان الله عفانى من هذا فما بالك بالاصغر سنا وهم يعتادون مشاهده هذة الافلام كما مسلسلات التلفاز
هذا أولا
ثانيا
هذة البلاد تعتاد رؤيه هذة المناظر فى الشارع فاصبح عادى وجود فتاه تتباس فى الشارع ولا ينهرها أحد

فالفكره فى التعود أو تربيه المجتمع
بمعنى عندنا ينقلب الاتجاه الى أتجاه سلبى وهناك يكون الاتجاه أيجابى

بمعنى أدق
ثقافة وفكر مجتمع
تربى لمئات من السنوات على شكل وتيارات معينه

لا رقابة said...

السلام عليكم ورحمة الله وبركاته

اولا فوجئت بالصورة متصدرة المدونة فدخلت للتعليق لأقرأ الموضوع الغريب فكرا وموضوعا ودينيا في النهاية كما تفضل انت..

من التحضر كما تقول ان يوضع تعليقي ويناقش امام الجميع ولا يحذف وهذا من حرية الرأي التي تنادي بها.

اولا هل معني التحضر عندك ان اخلع ملابسي وكلما خلعت ملابسي اصبحت متحضر اكثر اي شئ تقيس به التحضر ..عجيب جدا.

اي تحضر يطلب مني ان اري مثل هذه المشاهد في الشارع اعقلها معايا

المفروض امشي مغمض في الشارع ولا هي اللي لا تكن بهذه الصورة

مثال اخر التحضر والحرية ان يجعل جاري يشغل المذياع بأعلي الصوت ونحن نائمون بالليل ويقول حرية رأي وهو ده التحضر

مثال اخر

ان يقف ابن الجيران علي حسب نظريتك الغريبه العجيبة في تعريف التحضر والحرية وما ناقشته من ان المظهر لا علاقة له باي شي يقف ابن الجيران عاري تماما في البلكونة وانا اقول نعم هو متحضر علي ان لا اجعل زوجتي تنظر واغلق باب البلكونة علشان متشفش هي حاجة


الحرية يا استاذ اشرف هو ان لا ضرر ولا ضرار اي حريتك وتحضرك يقف حيث تبدأ حريتي ثم انه لا رقابة عليهم هناك وانما نحن هنا نعلم ان الله هو الخالق ونسير علي ما يود الله ان يجعلنا لا علي حسب المزاج والهوي يا استاذ اشرف.

***عجيب جدا انك بتقول علي هذه الدول محترمة هل تتمني مجتمع مثلهم فيه 36 الف حالة زنا في العام

30 الف حالة اجهاض في العام

8 الف حالة طلاق سنويا

32 الف حالة انتحار سنويا

خذ الامر بكل جوانبه

***اجابة علي سؤالك الاول هل يمكن التحرّش بهذه المزة الجامدة قوي جدا خالص ؟

اتفق مع الكثير انهم مجتمع مفكك اساسا اي ان الزنا هناك مباح

وأسألك هل تود ان يكون مباح هنا ايضا ؟

مجتمع يباح فيه الزنا فلم اجري وراء هذا المشهد

عجيب تسئل وتنفي وتثبت في نفيك ما اردت ان تنفيه.!

***اما عن السؤال الثاني سؤال آخر : هل سبب التحرش هو سفور الفتيات في الشارع وعدم إرتداء الزي الشرعي؟

اجيب من رأي الدين ومن رأيي الخاص ؟

اما من رأي الدين فالجميع يعلم تحريم هذه الصورة بذاتها فما بال الحقيقة ثم من العجيب انك في كثير من ردودك علي التليقات تستخدم كلمة النبي قال والنبي قال
وتنسي ان النبي قال لا يدخلن الجنة ولا يشم رائحتها هذا الصنف من الناس وهم الكاسيات العاريات بل العاريات العاريات. هل تأخذ بجزء وتتنسي جزء فاذن هناك تحريم وسبب التحريم فساد المجتمع وهل فساد المجتمع المقصود انه لوظهرت هذه الفتاة بهذه الصورة تتوقف الماكينات في المصانع..! لا المقصود هو فساد ما تتحدث عنه انت هي الاخلاق .

والكبت من اين ينشأ من صور وافلام ومثل هذه الفتاة واقول العاهرات حقا فلا وازع ديني ولا اخلاقي يسمح بما تفله هذه البدائية القذرة في عدم تفريغ الشحنة المأخوذة من وراء هذه الصورة لا هناك زوجة ولا شئ الا في التزيين الشيطان له انه لابد من اخراجها في اي سبيل ليس دفاعا عن المتحرش لانه في خطأ فظيع ولكن هم اهم الاسباب وهو الرداء التي ترتدية الفتيات في الشارع ثم انك تقول الزي الشرعي اي الذي شرعه الشارع وهو الله عز وجل فهل لك لبس غير ذلك لنسميه اللبس الشرفي تقول الشرعي اي الشارع وهو الله عز وجل هو واضعه ومحددة لنجاة البشرية من خطر الفتنة العظيمة..

*** شئ عجيب ان يخرج من مثقف مثلك هذا الكلام واجابتك علي سؤالك سؤال ثالث : هل سلوك الفتيات في الشارع بغض النظر عن الزي هو سبب التحرّش؟

يقول المولي عز وجل " فلا تخضعن بالقول فيطمع الذي في قلبه مرض "

وقال قول لا فعل اقل من الفعل بكثير ومعني المرض اي حب شهوة النساء " زين للناس حب الشهوات من النساء ..."

يقول الله عز وجل القول وانت لا ترضي بالفعل سبيل الي التحرش عجيب ثم عجيب ثم عجيب ..

** سؤال أخير : هل الأفلام الجنسية والمواقع الإباحية هي السبب في الكبت الجنسي والتحرّش؟

سؤال عجيب

اولا : تدعوا لان يسمع الشباب مثل هذه الافلام بدعوا انه اصبح بالغا في السن والعقل " فهل تتحمل سؤال الله لك يوم القيامة بدعوتك هذه " فلتعد الاجابة ان كانت موجودة ولكن لا تجب علي انا انما اجب علي الله عند سؤاله اياك

ثم تقول ودعني أحادثتك من هذا الجانب بعيدا عن الدين وهل تحدثت اعلاه بالدين لتقول دعني احدثك بعيدا عن الدين.

واتفق معك ان علي الشباب ان يصبروا علي ما يحاك ضدهم من اغرض دنيئة جدا

** ولكن هل مرحاض الكبت الجنسي هو العادة السرية يقول النبي عليكم بالصوم وتقول انت عليكم بالعادة السرية ..

********************************
****************************
**********************

مهم جدا

**********************
****************************
********************************


العقل لا يسيطر علي الجسد كما تدعي الا بعد ان يبرمج علي برنامج معين والا فلم لا يعرف الصغير الفرق بين الجمرة و التمرة

ولكن علي حسب ما انت وضعت فيه من برامج هو يعمل علي ذلك

ثم ان العقل لا يعرف الا الماديات كما تدعي واخطات بقولك ان العقل يسيطر
علي الانسان وان لم تصدق اسئل اهل الفلسفة وعلم النفس

واجبهالك علي بلاطة

العقل يري هذه الفتاة علي انها شهوة وفتاة عارية وتزين امامه ثم يأتي البرنامج المصمم الذي يطلق عليه في الفلسفة وعلم النفس " الانا الكبري او الضمير وعندنا في الاسلام تقوي الله عز وجل " لتصحح للعقل ما رأي وتضعه في النصاب الصحيح فاذا كان العقل مبرمج علي انها صورة عادية لم يتحرك الجسد والا كان غير ذلك


ختاما اقول

من الحرية ان تناقش الامر معي بكل وضوح وشفافية وعرض الامر امام الجميع ليحكموا هم ..

**راجع قصة سيدنا يوسف وستعلم جميع اجابات اسئلتك..

**راجع راي الدين في الحجاب والنقاب والاسدال وستعرف حكم الله عز وجل فيه لسنا نحن من حددنا هذا انما هو الله الذي ان كنت تعبده بحق لنفذت ما ود ان يأمرك به


لا رقابة

اجندا حمرا + هارت بيت said...

متفقه معاك ياأشرف
انعدام الأخلاق و التشبث بالشعارات و عدم الالتزام من جوه البني ادم هو اللي خاللي كل الظواهر السلبيه دي تظهر في المجتمع
تحياتي ليك و لموضوعك المميز و طريقه عرضه الشيقه

أشرف حمدي said...

anonymous
اشكر لك حوارك الهاديء المتزن
ولكن أرجو ان تسمح لي بتوضيح بعض الأمور
بالنسبة للدين ، لقد تكلمت بشكل عام بغض النظر عن الدين ، وإلا كان لابد لي من تناول الموضوع من ناحية الدين الاسلامي والمسيحي واليهودي ، وأولا وأخيرا الموضوع متعلق بالأخلاق ، إذن لماذا التعقيد والحديث في امور الدين خاصة انني مؤمن بعدم احقيتي في الحديث بالدين على عكس ما يفعله كل من هب ودب كما يقولون وهاتك يا آيات وأحاديث وفتاوى

بالنسبة للصور فقد قمت بطمس معالمها إلى الحد الذي يتيح لي نشرها وهذا من وجهة نظر شخصية ، ربما يرى البعض أنه وجب طمس معالم الصورة بدرجة أكبر من ذلك ، ربما وجد البعض أنها لا تصلح للنشر أساسا ، كلها وجهات نظر مختلفة ، من وجهة نظري هي بالكاد يمكن نشرها بهذا الشكل

بالنسبة للعادة السرية
أيضا أقول لك لا تنسب لي كلام لم أقله ، التدوينة واضحة
ممارسة العادة السرية أهون ألف مرة من أن تمسك صدر أو مؤخرة فتاة
إن كنت تختلف معي في هذا الرأي قل لي السبب
بعض الشيوخ ينصحون بالعادة السرية إن كان من الممكن أن تمنعك من الزنا
من قال أنني أدعو لمشاهدة الأفلام ؟ أنا أقارن والتدوينة واضحة
قل لي أيمهما أفضل ؟ هل ترى أن التحرّش أو الزنا أفضل من العادة السرية ؟
قل لي

بالنسبة للألفاظ فهي للتنفير ، صياغة يعني ، أن أقول "يقفش" أفضل من أن أقول "يلمس" لتوضيح بشاعة الأمر
لاحظ انني احجب تعليقات كثيرة رغم اتفاقي الشديد مع الرأي المذكور بها لمجرد تحوي كلمات صريحة
تحياتي

-------------------
آه يا دماغي
بالظبط هذا ما أقوله ، يجب أن نعترف بالخطأ ، نفسي بجد لما حد يتمسك يقول : أيوة انا غلطان واللي عملته ده غلط كبير ومش حكرره أبدا، ساعتها حيبقى فيه أمل في التغيير ، إنما طول ما بنعلّق التهمة على ملابس البنات وسلوكهم يبقى عمرنا ما حنتغيّر حتى لو كانت عقوبة التحرّش هي الإعدام
-------------------
fawest
معاك تماما ، جدا كمان
مشاهدة الافلام في سن المراهقة أو الطفولة خطر جدا ، وسبب لمشاكل كثيرة جدا ، انا لا أدعو لمشاهدة الأفلام إطلاقا ، ولكن يجب تشديد الرقابة على من لم يبلغوا سن الرشد لأن هذه مرحلة خطيرة وحساسة جدا وهذا لا يحدث للأسف ، طلاب المادرس الان يشاهدون كل شيء وهذه كارثة
بعد سن الرشد يصبح الإنسان على درجة عالية من الوعي ، وغالبا إن كانت تربيته سليمة فلن يشاهد الأفلام الجنسية أساسا وسيفكر بطريقة اكثر نضجا
وإن شاهدها فلن تؤثر على سلوكه
تحياتي
-------------------
أجندا حمرا + هارت بيت
شكرا على التعليق وتحياتي لمرورك

أشرف حمدي said...

لا رقابة

نشرت تعليقك لانه مهم جدا ، هذا هو مثال على أوضح ما يكون لما أتحدث عنه وأسخر منه واسمح لي
ههههههههههههه
التحضر = العري
عرفتك :) أنت منهم يا عزيزي
التحضر لا يساوي العري ، إتفقنا ؟؟؟
لا انا ولا غيري قال ذلك أبدا ولكن هذا هو ما تفهومنه ولا ادري كيف
التحضر هو ألا تلمس فتاة عارية لانها عارية
أن تدير وجهك كما فعل كثيرون في الصورة وتذهب إلى عملك
ملتقط الصورة يقول : لم يكن لدي وقت لمتابعة الأمر حتى النهاية فذهب إلي عملي مسرعا
التحضر هو ان تجد فيلم إباحي على الرصيف ولا تشتريه
التحضر هو أن تعرف ان فيلم الريس عمر حرب به مشاهد تتعارض مع أخلاقك وفكرك فلا تدخله
هذا هو التحضر أخي الكريم

هههههههههه
ابن الجيران بتاعكوا ده سافل قوي
بص ، هناك قانون لكل دولة ، القانون في نيويورك لا يمنع ما رأيته انت في الصورة
القانون في مصر يمنع أن تقف في البلكونة عاريا
أو أن تسير الفتاة كما في الصورة بالشارع
التزم بالقانون أخي الكريم كي تكون متحضرا
وإن كان القانون لا يعجبك يمكنك ان تعترض بشكل قانوني أيضا

أنا لا آخذ الأمر بكل جوانبه :) انا آخذ أفضل ما في كل أمر
هل تفهمني ؟
من قال أن الزنا غير مباح هنا أيضا ؟؟؟ لو أنك غير متزوج ومارست الجنس مع أي فتاة بإرادتها ودون أن تدفع لها مقابل فهذا ليس زنا وراجع القانون
من قال أن مصر ليس بها طلاق ؟ من أين أتى كل من في الملاجيء ؟ ياراجل ده ملجأ واحد جنب بيتي رحت مرّة أزوره لقيت جيوش عايشة هناك وإحنا

مانعرفش عنها حاجة

ههههههههههههههههههههههههههه
ألا تجرى وراء الفتاة العارية في الصورة فهذا ليس لأنك معتاد جنس وزهقان جنس ، هذا لانك متحضّر
ليه انتوا دايما شايفين أنكم مراهقين ؟ انت مراهق يا عزيزي ؟ لو شفت دي ماشية في الشارع حتنط مثل ذكر الكنجارو عليها ؟
مش انت متدين وتعرف ربنا ؟؟؟ بلّغ عنها طيب ، ارفع سماعة التليفون وقول فيه فعل فاضح في الطريق وإمشي في حالك
إنما ده يعطيك الحق في الزنا ؟ اتريد ان تزني لأنك رئيت فتاة عارية في الشارع ؟

ههههههههههههههههههه انا تعبت بجد من كلامك والله تعبت
يا حبيب قلبي انا مش بتكلم في الديييييييييين ، يالهوي
حد قالك ان ده حلال ؟ أنا مالي هو انا اللي ححاسبها ؟؟؟ ما تقلع ولا تتنيل في نار حطب جهنم دخل اهلي ايه أنا ؟

يا حبيب قلبي لا شأن لك بالفتيات ، أنت متجوز كل بنات مصر ؟ وانت مالك يا جدع ؟؟؟؟
يا سبحان الله
ليه مدي لنفسك الحجم على كل بنات مصر يلبسوا ايه ومايلبسوش ايه
هما حرين يا أخي
المهم انت تحترم نفسك وما تتحرّش بواحدة بحجّة السفور والخلاعة والمياصة واللي ماشية تضحك واللي بتتقصّع
ثم انت حتلبّس المسيحيات الزي الشرعي كمان ؟؟؟ ههههههههههه حرام عليك والله العظيم

أنا أدعو البالغين الراشدين لمشاهدة الافلام ؟ ههههههههههههههههههه
طب بص عشان أنا حطق من الضحك والله العظيم بجد
إفرض فرضا جدلا عبثا إني أدعو الراشدين لمشاهدة الأفلام ههههههههه مش انت راشد ؟ ما تسمعش كلامي يا سيدي
ايه والنبي المراهقة دي
بتعامل مع أطفال والله
أنا لا ادعو الشباب لمشاهدة الأفلام وممارسة العادة السرية
انا ادعووووو المتحرّش جنسيا أن يختشي على دمّه ويتوقف عن إلتماس الأعذار السخيفة على غرار : أصلي مثار جنسيا ، أصلي مش قادر ، اصلي معرفتش

أمسك نفسي ، أصلها ضحكت بخلاعة ، أصلها ماشية عريانة تتقصّع
ايه العبط ده ؟؟؟؟؟
لو دي حجبتك روح مارس العادة السرية حترتاح ومش حتتحرّش ياللي مش قادر تمسك نفسك
شايف الصيام يفيدك صوم
سامع عن قصّة الشيخ اللي قطع صباعه عشان يمنع نفسه من الزنا أقطع صباعك
أعمل أي حاجة إلا أن تتحرش وتلقي باللوم على الفتاة

كلامك عن العقل المتحكم في الجسد غير مفهوم بالمرّة :)
أنت تقول أن الفرق بين الإنسان والحيوان هو الدين فقط
أنت تقول أن الانسان مجرد حيوان لا فرق بينه وبين البهيمة

طب أقولك انا حاجة
انت تعرف إن الحمار لا يقبل ممارسة الجنس على الملأ ؟ ولا الجمل يقبل ذلك مهما كان مثارا جنسيا
فما بالك بالإنسان اللي ربنا مديه عقل يفكّر بيه

عارف إيه وجه الاختلاف بيننا ؟
التفكير ، أنك لا تؤمن بالتفكير بل بالطاعة العمياء لرجال الدين مهما كان قولهم
تلغي العقل تماما من حسابك

أنا أحب سماع الجميع ، ومن حقي ان أقتنع أو لا أقتنع حتى يكون إيماني وعقيدتي عن اقتاع
واحد قال رضاعة الكبير خلاص ؟ ألغي عقلي وأروح أرضع من الستات في الشارع ؟

العقل يا عزيزي

أنا دلوقتي عرفت ليه إحنا عايشين في الظروف الهباب دي
شكرا على تعليقك

لا رقابة said...

السلام عليكم ورحمة الله وبركاته

ابدأ بما انتهيت انت به

أنا اللي دلوقتي عرفت ليه إحنا عايشين في الظروف الهباب دي

اولا سخريتك = شخصيتك
فلا داعي ان ارد عليك في هذا

اولا اندفاعك للانتصار لنفسك منك ان تعي ما تقرأ بالفعل ولا ان تفقه ما انا كتبته بالعكس انك فسرت تبعا لأحمرار وجهك كلماتي علي هواك وعلقت علي كلماتي مقتطعا اياها ويالا العجب من التخبط العجيب في ما تقول

** ما هذا الحد العجيب من عدم فهم كلامي عجيب جدا

هل انا قلت اني سأجعل كل فتاة في الشارع ترتدي ما انا احبه او الزي الشرعي .انك لا تهدي من احببت ولكن الله يهدي من يشاء ليس لي ان اامر اي فتاة في الشارع .

ولو انك تعي الاسلام حق الوعي مش علي كيف كيفك استاذي اشرف ولو انك قرات حتي اخر صفحة في القران لعلمت ان هناك سورة صغيرة تسمي الكافرون يقول الله فيها
سورة الكافرون (109)
بسم الله الرحمن الرحيم
قُلْ يَا أَيُّهَا الْكَافِرُونَ {1} لَا أَعْبُدُ مَا تَعْبُدُونَ {2} وَلَا أَنتُمْ عَابِدُونَ مَا أَعْبُدُ {3} وَلَا أَنَا عَابِدٌ مَّا عَبَدتُّمْ {4} وَلَا أَنتُمْ عَابِدُونَ مَا أَعْبُدُ (5} لَكُمْ دِينُكُمْ وَلِيَ دِينِ (6}

فليس لي الحق في ان اامر المسيحيات ان ترتدي الحجاب اللي هو مظهر بالنسبة لبني فكرك . امر عجيب جدا

يجعلني هذا الامر ابكي لا اضحك خوفا علي امثالك من عقولهم المتحضره خالص.

اما بخصوص ما تهلل به دون وعي انك تفسر كلماتي تبعا لهواك فاني باللفظ الواحد قلت
( واتفق معك ان علي الشباب ان يصبروا علي ما يحاك ضدهم من اغرض دنيئة جدا )

ولكن اندفاعك جعل عيناك تترنح جارية لينتهي التعليق

نصيحة

( اعتقد والله اقولها ليس بالسخرية اعتقد انك لم تعي ما انا كتبته بل اعتقد انك لم تقرأه بحياد تام فاني اقراء الموضوع مرة واثنين وثلاث مرات حتي لا اكون قد قرأته بعين الناقد فقط بل بعين المتأني لان اخرج بمعلومة

وأسالك سؤال عجيب في ذهني لازال يلح علي ولتجب عليه بصراحة ووضوح شديد ولتصارح نفسك

انت صليت الجمعة اليوم ؟

الساعة الموقع بها التعليق جذبة انتباهي لأن اسئلك هذا السؤال

وفقنا الله واياك الي ما يحب ويرضي نقاشي معك جاد جدا وبمنتهي الحيادية واشكر لك اولا واخر تقبلك لرأي الاخر

ولكن نصيحة ابعد عن نفسك ان تضحك وانت تحدث الاخرين (والله مزعلان منك ولكن خوفا عليك ) لأنه ليس من اداب الحوار ان تضحك والاخرين يحدثونك..

أشرف حمدي said...

لا رقابة
جميل جميل ، تعليقك جميل ويجب نشره ليكون دليلا على صحة ما أحذر منه

أولا : قمت بتكفير المسيحيين بوضع آية في غير سياقها
ثانيا : تسأل هل صليت الجمعة أم لا
وانت مالك يا أخي ؟ ههههههههههه

ليس من حقك سؤالي أساسا
وعلى رأي أحمد فؤاد نجم شيخ المبدعين
تسألني جنسيتك إيه ؟ أقولك مصري
تسألني بتشتغل ايه ؟ أقولك شاعر
تسألني دينك ايه ؟ أقولك وانت مال أمك
---
هذا كلامه وليس كلامي
---
أنا لم أتحدث في الدين وانت مصر على تحويل الموضوع دينيا
تناقش مع شيخ وليس معي

أنا لا أسعي لنصرة نفسي ، ومن أكون انا ؟ أنا أسعى لنصرة فكرة

بالنسبة للسخرية ، انا رسام كاريكاتير وكاتب ساخر
الموضوع نفسه به الكثير من السخرية
تماما كغالبية الموضوعات في مدونتي

في انتظار فتوى تحريم رسم الكاريكاتير والدعوة لقتل ميكي ماوس في التعليق القادم

عزيزي في رأيي أنك تسيء للاسلام أكثر من لارس فيلكس صاحب الرسوم المسيئة

انا أتحدث في نقطة محددة
هل سير الفتاة عارية في الشارع يمنحك الحق في التحرّش بها ؟

هذا سؤالي
إذا كانت إجابتك بنعم فلا داعي للنقاش من الأساس
إذا كانت الإجابة لا فهذا هو ما أتمناه كرد فعل لما كتبته
وشكرا

Fantasia said...

أستاذ أشرف

أرفع لك القبعة وأهديك التحية من قلبي

الآن فقط تيقنت من ظنوني وعرفت عن يقين من يكون هؤلاء الذين يدعمون التحرش ومن هم السبب فيما وصل مجتمعنا إليه من تدني في الأخلاق

كانت دائما تراودني الظنون حين أسمع التلميح من بعيد في كلام بعض المتأسلمين وهم يبررون أفعال منحطة وسافلة بإلقاء اللوم على الضحايا

اليوم تأكدت أن ما نعانيه اليوم هو بايعاذ من هؤلاء الذين يتسترون خلف الدين لينشروا الرذيلة والفساد والطائفية

أشكر الظروف التي أدت بهؤلاء إلى فضح انفسهم على مدونتكم الرائعة بهذا الشكل

ولي سؤال لو سمحت لي أن اضيفه على الأسئلة التي تفضلت بها.. وهو، هل أصبحت هناك علاقة طردية بين التدين والأخلاق؟ أم أن التدين الزائف وحده هو حاضن الأخلاق الزائفة؟

خالص تحياتي

طالب ثانوى said...

كنت عايز اعرف الشارع ده موجود فين؟

حتلبس قضية محترمة حتى فى الدول المتقدمة
وعندنا حتاخد فعل فاضح فى الطريق العام

بطوط حبوب said...

عرى الفتاه مبرر للتحرش

الرد كلمه قبيحه
ولا عشان اطلع مؤدب طبعا لا احنا هنتلكك


بس مبرر اننا ندعوا للحشمه عشان ميطمعش الى فى قلبه مرض ولا ايه رايك؟؟

وقبل الدعوه للحشمه او معاها نعلم الناس الاخلاق... والدين
متفقين؟؟

بطوط حبوب said...

اخبار سنانك ايه؟؟

والله انا ما مطنش بس لسه بتوع امتياز بيستلموا فى 11 زى ما انت عارف ... لو بايدى كنت جبتهم لحد البيت

لا رقابة said...

السلام عليك ورحمة الله وبركاته

** قلتها لك من قبل واعلم ما اقول ما عرفتي ايه حضرتك

سخريتك = شخصيتك

وفي العموم انت لا تعرفني فانا قد اسخر منك اكثر بكثير فهذا ان كان دربك فهو مهارتي ولكني اتناقش في مصير فكر فلا اسخر من من امامي هكذا علمني القران وعلمني رسول الله صلي الله عليه وسلم

اما انك كما قلت انا في رسالتي السابقة انك لا تعي ما تقراء فانت تثبت شئ بشئ صحة كلامي

اولا لا دخل لك بتفسير القران ما دمت لا شأن لك في هذا فهو ليس رسمه او صورة او كلمة هو كلام رب الانام وله علماءس ربانيين لتفسيرة فلا تفسر القران برائيك يا صاحب السخرية

فمن اين اتيت ان الاية تخاطب الكافرون فقط ايه الاستاذ الايات تقول لكم دينكم وهل الكفر دين ايها الاستاذ انما ذكرت الكافرون لتوضيح ما كان الناس عليه في عهد النبي صلي الله عليه وسلم واليوم تخاطب كل دين وكل مذهب وتخاطب الكافرون ايضا واخيرا ارجوك لا تتدخل في ما لا تعلم

ثم اطمئن عليك فترد علي باسلوب الله اعلم به

ثم ان دليلك في الاستشهاد بهذا الرجل يدل علي ادلتك اما انا فاستشهد بالله في قوله فذكر ان الذكري تنفع " المؤمنين " فيا من خاطبتني بكلام رجل لا يعتد به بكلمة له انت مال امك كنت اخاطبك بكلام رب البرية تنفع المؤمنين وكما قلت من قبل كلامي يضحكك وكلامك يبكيني عليك. وما انت فيه.

اما بخصوص ميكي ماوس فانا من المحبين للكارتون جدا جدا فلا مانع من مشاهدته وهل الدين كله تحريم وتحليل فانت كالذي نظر الي البستان من الخارج فراي الاسلاك الشائكة والاسوار العالية التي تحمي البستان من الاخطار ولم تري البستان وجمالة من الداخل ولا يخاف من هذا الا وانت تعرف ..فنظرتك انت للاسلام توضح من منا يسئ للاسلام اكثر من هذا الارس
وختاما اعتقد مرة اخري انك لم تقرأ جيد ما انا كتبته

ثم لو انك انا اناقش ما انت كتبته ولو انك تريد اجابة علي سؤال فغير البوست واكتب اعطيني رائيك او ما وضع سؤالك الذي تريد الاجابة عليه

وعلي كلامك بلاش شيخ المبدعين اصله بقي شيخ يعني كبر وكلامه لا يأخذ منه وبعدين اجعل دليلك يؤخذ به للجميع.

واشكر لك للمرة الثانية نشر تعليقي واتمني سعة الصدر لك ولي ونقاشي معك علي ها البوست ليس نهاية المطاف ولنترك الناس اي الاراء ارادوا اخذوا وكل واحد محاسب علي ما اخذ ..واتمني التاني في قرأة التعليق جيدا .

فنان مسلم said...

معلش ومتزعلش مني يا صديقي أشرف
انا عارف انك صاحبي ومش هتزعل من كلامي

انت عندك أشد حالة اسلاموفوبيا أشوفها من فترة طويلة أوي :)

أشرف حمدي said...

Fantasia

أشكرك على المتابعة
سؤالك مهم بالفعل ، التدين والأخلاق
وحضرتك فعلا أجبتي على السؤال

التدين الزائف = أخلاق زائفة
والتدين الزائف من وجهة نظري هو التدين الظاهري
إحنا بناخد الصلاة باعتبارها طقوس والقرآن باعتباره تعاويذ وتمائم ، يمكن دي عادة فرعونية معرفش
بس نفسي بجد أشوف الدين في المعاملة
الاسلام انتشر كده / من معاملة المسلمين السمحة لغير المسلمين
مش بالسيف زي ما بيقولوا

دلوقتي إزاي الواحد بيصلي وبياخد رشوة ؟؟؟
يصلي ويتحرش ؟؟؟
يصوم رمضان كله وفي العيد يزني ؟؟؟
تبقى زبيبة الصلاة على راسه قااااد كده ويسرق ويغش ؟؟؟
أعرف سواق أوتوبيس مكيف طول السكة مشغل قرآن وقاعد يشتم الركاب وسواقين العربيات اللي حواليه في نفس الوقت

إزدواجية غريبة جدا
وانحلال اخلاقي انا عمري ما سمعت ولا شفت زيه
وده يمكن سبب صورة الاسلام المشوهة في الغرب خاصة مع موضوع الإرهاب

المسلم من سلمت الناس من لسانه ويده

ودلوقتي لا بتسلم البنات من لسان بيعاكس ويقول كلام أبيح ولا من يده المتحرشة
ده غير البلاوي التانية

عموما هي وجهة نظر
تحياتي وشكرا على مرورك ومتابعتك

أشرف حمدي said...

طالب ثانوي

الشارع ده في نيويورك ، وماكنتش عاوز أنشر مصدر الصورة والقصة عشان ماحدش يقول إني بروّج لصور إباحية
وكمست معالم الصورة وبرضه فيه ناس ماعجبهاش ، وعموما في دي ممكن يكون عندهم حق عشان الامر مختلف من شخص لآخر واللي ممكن أشوفه انا عادي حد تاني يشوفه زائد عن الحد
عموما هي مش حتلبس قضية ولا حاجة :) ممكن الست تمشي في نيويورك توبليس ، وسبحان الله يا اخي، القانون مش بيمنع كده بس ماحدش بيمنع كده
مش معني إن القانون أباح لي حاجة إن كل الناس تعملها
عشان مهما كانوا الناس برّة بيتقال عنهم إنهم منحلّين بس برضه عندهم ذوق ومباديء
ماحدش يفهم من كلامي إنه دعوى للعري والنبي عشان ما أطقّش من جنابي
----------------
بطوط حبوب
طبعا انا معاك
التبرير ده مستفز جدا ويعطي صورة مستفزة جدا للمسلمين وللاسلام
الدعوة إلى الحشمة هي دعوة للجمال أيضا
الحشمة تختلف طبعا من رأي لآخر ومن شخص للتاني بس صدقني انا شايف إن العري مقزز ، عارف موضة الخمسينات ؟ البنت كان فيها انوثة وجمال وخجل وأدب وذوق ورقة واحتشام وبدون حجاب كمان سبحان الله ، حاجة تجبرك على احترامها
في السبعينات البنات كلهم لبسوا قصيّر وماكنش فيه حجاب
حتى بنات المدارس الثانوي كانوا لابسين قصير فوق الركبة
وماسمعناش عن حالا تحرّش جماعي أبدا
واللي كان بيعاكس بنت كان بياخد الطريحة التمام في الشارع
عشان كده أرجع وأقولك إن كل بنت حرّة تلبس اللي هي عاوزاه بدون مايكون لأي حد الحق في التحرّش بيها

تحياتي
-------------------
فنان مسلم

بص أنا بحب أتكلم معاك ، واحنا عادة مختلفين في الرأي بس بحب أتكلم معاك والله :)
لأ طبعا مش زعلان أبدا

هي مش اسلاموفوبيا :) ههههههه
هي بس متعلقة بالمتشددين اللي فاكرين انهم بس اللي مسلمين واحتكروا الاسلام حصريا على قناة الناس :)

أنا نازل أقابل دلوقتي الشيخ حامد على القهوة ، صيدلي متدين ومثقف ومحترم وكلامه منطقي وهاديء ويتكلّم معاك في كل حجاة بالعقل

دكتور حامد ليه رأي مهم جدا وأنا مقتنع بيه لما سألته عن هوجة الفتاوي الهبلة بتاعة اليومين دول
قاللي : الناس مش عاوزة تفكّر وعاوزة شيخ ياخدها من إيديها ويمشوا وراه ويسمعوا كلامه ويجيب لهم من الآخر عشان ماحدش عاوز يشغّل دماغه وعاوزين كل حجاة جاهزة ، قاللي انت عليك جزء من المسئولية وانت مكلّف ، الشيخ اللي يقول كلام غير منطقي لا تقتنع بكلامه وفكّر واسمع من هنا ومن هناك وشغل دماغك
دي نقطة مهمة جدا
فكرة لا تجادل ولا تناقش يا أخ علي هي سبب الإرهاب في كل مكان في العالم
شيخ قال رضاعة الكبير والتاني قال الزوجات حقها تضرب أزواجهم وتالت عاوز يقتل ميكي ماوس مش عارف إزاي ورابع يقول مش عارف ايه
لو سمعت كلام الناس دي بحكم انهم رجال دين لا جدال عليهم حروح في داهية أنا وغيري :)

حنزل أشوف رأي الشيخ حامد في الموضوع بقى :) تحياتي

M!DO said...

أنا معاك يا باشا فعلاً في كلامك
مش معنى إني هيجان ولا مثار ولا مش عارف بنات ولا نفسي أتجوز حتى و مش عارف إني أمشي أعاكس في الشارع ولا اتحرش باللي رايحة واللي جاية!!
لو أنا عندي مشكلة .. دي مشكلتي مش مشكلة واحدة ماشية في الشارع كل ذنبها في الحياة إن ربنا خلقها أنثى!!
بصراحة بصراحة لو العين بالعين والسن بالسن .. يبقى كل واحد يتحرش بواحدة يجيبو أمه كدة في وسط الشارع و يتحرشوا بيها و يوقفوه يتفرج عليها و هيا بتصوت و مفيش حد بيحاول يساعدها حتى! تخيل معايا كدة لو فيه دكر في البلد يقبل على أمه كدة .. يبقى أكيد مية في المية مش دكر!
ثانياً واحد وقع في مشكلة في الشارع و إستنجد بيك .. المفروض كدة يعني لو أي بني آدم عنده سنة نخوة يروح يلحقه ولا لأ ؟! طب ما بالك بواحدة وواحد إتحرش بيها!
ده يا عم لا مؤاخذة في الكلمة يعني لو واحدة من إياهم في الشارع وواحد فكر يلمسها غصب عنها هتصوت و تلم عليه الناس و الناس ما هتصدق تتلم ... إشمعنى بنيجي على البنات العاديين بقى مش هقوللك المحترمين عشان فيه ناس بتفتكر إن مفيش بنات محترمة بتتعاكس ( على كدة مفيش بنات محترمين في البلد ولا إيييه !! ) إشمعنى بنيجي عليهم و بنبقى رجالة لا مؤاخذة بنتفرج زي العيال الصغيرين!
أحا يعني أنا مش متخيل إزاي يعني الناس وقفت تتفرج على نهى و هيا بستنجد و محدش إتحركله طرف! أما ناااااااس سييييييييييييس صحييح!!!!
أنا نفسي أفهم ليييه السلبية العجيبة دي ؟؟ هيا الناس إتعودوا على الخوف ولا إيه ؟؟ بقى كله يخاف من كله و محدش بيآمن لحد نهائي؟!
طب متيجي نعكسها كدة ... لو راجل ماشي في الشارع في أمان الله و مش هقولك واحدة إتحرشت بيه .. واحد يا عم متعرفوش و راح جاي قافشك منه ؟؟؟ هتسيبه و تقول أصله منهم معلش مش لاقي؟!! ولا هتقول أروح القسم أقوللهم إييه؟!! طب فرضاً رحت القسم و راح الظابط قايللك مانتا اللي مبين البوكسر ماهو لو مكنتش مبينه مكنش حصل اللي حصل؟!!
المفروض قبل ما حد يحكم على أي بني آدم يحط نفسه في مكانه الأول ؟؟ لو حطينا نفسنا مكان شريف اللي إتحرش بنهى ؟؟ أنا راجل هيجان و مش عارف أمسك نفسي و ماشي بعربيتي في الشارع و رحت ماسك واحدة من صدرها و جريت بالعربية كمان و أنا ماسكها؟ أبقى غلطان و لا الحق معايا؟ و النبي محدش يقول إن مدام معاه "فيتو" الهيجان يبقى كدة هوة في السليم!!
يا رب اللي يبقى بيفكر كدة ييجو شلة من إياهم في يوم من الأيام يهجموا عليه في وسط الشارع و يعملوا معاه الصح و ياخدوا البوكسر بتاعه كمان و يمشوا و يسيبوه يلملم نفسه و يروح يعيط لماما!حاجة تغيظ!
و اللي يغيظ أكتر اللي يقولك إسرائيلية! هههههههههههههههه قال يعني هية إتأمرت على شريف و أول ما كان ماشي في الشارع راحت منادياه و قالتله تعالى نعمل الفصل ده؟ ولا يمكن شريف هوة اللي مخابرات و عارف إنها إسرائيلية عميلة بنت ستين في سبعين فقرر إنه يطفشها من البلد بطريقته الخاصة!
المفروض بعد كدة لو حد شاف واحدة حد بيتحرش بيها في الشارع يجري يسألها الأول عن ديانتها بعد كدة يقرر يساعدها ولا لأ .. لو طلعت مش نفس ديانته يبقى يتحرش بيها على طول!
يعني بالذمة ده كلام ناس بتفهم!
طب بلاش كل ده لو إنت راجل محترم ماشي في شارع الهرم باليل وواحدة من إياهم راحت ظاهرالك من تحت الأرض و قالتلك ماتيجي ... هتروح معاها بكل سهولة إكمنك راجل مثار يعني!! طب ماللي عايز يتحرش بقى عليه و على الهرم بقى أحلى شغل هناك و محدش بيمانع هناك ولا حد هينطلك على كبوت العربية ولا يسحبك على القسم ولا ياكللك دماغك ..
السلبية اللي الناس فيها دي بتثبت إن الناس دخلت في مرحلة التحول لمخبر شرطة من إياهم! اللي بيسحبوا الناس على القسم و يحطلهم العصاية!مخبر شرطة الظابط مطلع مياتين أمه بإتعقد فقرر يعذب الناس اللي ملهمش سلطة عليه يقهر و خلاص! الحكومة فاشخة الناس من ورا و من قدام و الناس بدل متتحرك تحرك إيجابي قرروا يقهروا الستات البنات الأنثى بشكل عام! ماهو أصل الستات في مجتمعنا متاخدين على أساس إنهم خنوعين و ملهمش سلطة !
أصل لو أنا هتحرش بواحدة مش همسكها و أجري بالعربية و أنا ماسكها!! ده أكيد مش تحرش و إحنا عارفين إن مفيش واحدة في الكون ده كله لو الناس كلها ناموا معاها حتى هتحب إن حد ييجي و يمسكها و يمشي بيها بالعربية!!!!! ولا ده ممكن يتصنف تحت بند التحرش الجنسي !!!
عامةً أنا متأسف على الإطالة بس الموضوع بجد كبير مش صغير و مستفز لأفصى درجة .. و أنا بطالب بعمل جمعية بإسم نهى رشدي للوقوف مع كل ضحايا التحرش و مساندتهن لحد مياخدوا حقهم و بالعمل على تغليظ عقوبات قوانين التحرش لردع المتحرشين.
و آسف مرة أخرى للإطالة

أشرف حمدي said...

m!do
إطالة ايه ؟
دي أجمل إطالة شفتها النهاردة :)
ياريت تبقى كل إطالاتك وإطلالاتك كده على طول

بس كده
هو اللي انت بتقوله ده
لا انا جاي اتكلم في الدين ولا اهاجم حجاب ولا أدعو الناس الي مش عارف ايه
اللي انت بتقوله ده بالظبط هو هدفي من التدوينة وبس
تحياتي ليك ولرأيك الرائع

لا رقابة said...

السلام عليكم ورحمة الله وبركاته

اولا ليس لي الحق ان ارد علي زوار مدونتك ولكن الا بعد اذنك في ان تفتح الحوار الي حوار مفتوح ودائرة للنقاش

ثانيا:
**قلت لك في تعليقي السابق اللي متعرفش فيه متكلمش فيه تنوب فيه عن احد .

من قال لك ان الاسلام انتشر بالمعاملة و الاخلاق اكثر من السيف دا تاريخ انت رسام كاريكاتير قل ان ذاهب استشير ( عبده هجري )علشان اعرف التاريخ اولا مثل سؤالك للشيح حامد اللي جالس علي القهوة بيطلق فتاوي وبيوزعها مع المشاريب.

**مين هوه ده اللي اسمه الشيخ حامد ومن اين اعلم انه له درايه بالعلم اساسا بالعكس تقدر تقول عليه بيعرف فلسفة عن الطريق اللي قاله لك ده وبعدين هو الشيخ حامد الوحيد المصدق اقول لك قال الله والرسول صلي الله عليه وسلم بالدليل تقولي الشيخ حامد بيقول يا سلام .

**ثم ان بالدليل واقرأ التاريخ ان لم تصدقني في المعلومات المؤكدة
بعض الدويلات فتحت عن طريق ما تثبت انت لا تخرج عن عدد اصابع اليد الواحة و هذا افتراض غير عملي مع دراسة التاريخ وغيره يتضح لنا أن العكس هو الذي حدث أن أكثر الدول التي فتحت فتحت بالجهاد مثل دولة فارس بأكملها ، الرومان ، الشام ، تركيا ، القسطنطينية ، شرق أوروبا بالكامل فتحوا بالجهاد وأيضا شمال وشرق وغرب ووسط إفريقيا و اندونيسيا أيضا هل يغلب ذلك علي ذلك .

*****
ثم لا تأخذ قطاع عرضي وتهلل سواق الاتوبيس بيسمع قران وبيسب في الركاب خذ قطاع طولي يا سيادة المنصف لا قطاع عرضي ستجد ان من تدعي ان كل الفئات فيها وفيها

************
ثم تبني كلامك ايضا علي زيف في عقلك وتفسير ايضا خاطأ مئة في المئة اعلم علم اليقين انني لم ادعو المثار الي التحرش ولكني اناقش معك هل هذه مقدمات للتحرش ام لا مازلت لا تفقه ما اكتب واقولها مرة اخري قال النبي صلي الله عليه وسلم عليكم بالصوووووووووووووووووووم ياريت نفهم اني بناقش اسئلتك بمنتهي الوضوح جبتلي سؤال من تحت الارض معرفش ازاي عاوزني اجوبك عليه ورغم ذلك اجبتك عليه .

ثم ان اقولك الخاطئة كثيرة ولكني اري انك لم تجد دليل يرقو فوق دليلي اظن ذلك .

****
المهم
*****

اوعي الشيخ حامد يكون بيشرب سجاير كمان وشيشة واللي تبقي نكته كبيرة

انتظر ردك ونقاشك ان اردت ولا انتظرني في تعليق علي بوست اخر

قبل ان انسي اتفق معك في( وعموما في دي ممكن يكون عندهم حق عشان الامر مختلف من شخص لآخر واللي ممكن أشوفه انا عادي حد تاني يشوفه زائد عن الحد ) ولكنك لم تعمل بما تقول

السلام

لولا said...

أخ أشرف

والله العظيم تسلم دماغك

والله العظيم ربنا جزاك عن الغلابه خير

بس ونبي المرة الجاية ف الإتوبيس بس إبقى إسأله سؤال واحد وإطلع إجري

لو أختك يا كابتن!!!سيب أختي طيب



أخر طلب ممكن أحط لينك الموضوع ده عندي


ومتأكده أنك حتوافق:))))


شكراً يا فنان

فنان مسلم said...

بص يا أشرف , الموضوع ببساطة ان الله وعد أن لا يجمع امته على باطل - كما قال الرسول صلى الله عليه وسلم

يعني لما تلاقي العلماء مجمعين على حاجة وفكر معين وتلاقي واحد شت هنا ولا هناك ويقولك رضاعة مش عارف ايه , سيبك منه خالص وخليك مع الجماعة وانت واثق من وعد ربنا

ولما تلاقي الجماعة نفسهم مختلفين على قضية معينة , والطرفين من العلماء الثقات (زي الاختلافات اللي بين المذاهب مثلاُ ) فاعرف ان ده من رحمة ربنا , وانه يريد أن يترك مجال للناس لأن يأخذوا بالانسب لهم , وخد بالرأي الاسلم اللي يستريحله قلبك وعقلك , وربنا هيعفوا عنك حتى لو كان الرأي ده غلط , لأنك اتبعت أمره لما قال اسألوا أهل الذكر ان كنتم لا تعلمون

لكن مينفعش نيجي في كل حاجة ونحسبها بعقلنا المتواضع , ونقول احنا مش هنتبع حد ونحكم عقلنا وخلاص , حتى لو عقلنا يتعارض مع الاجماع اللي بقولك عليه ده

ايه المؤهلات اللي عندنا عشان نفتي لنفسنا ؟
ايه العلم اللي اتعلمناه ؟؟ واتعلمناه من مين ؟

هل ينفع نجيب نجار ونشغله مهندس معماري يصمم عمارات ؟
من غير مايدرس ويتعلم أصول الهندسة من الالف للياء ؟

أرجو أكون وصلت فكرتي
ولك فائق الاحترام

أشرف حمدي said...

لا رقابة

هذا آخر تعليق سأنشره لك سواء هنا أو في أي تدوينة أخرى
----------------
تقول أن الاسلام انتشر بحد السيف
الاسلام انتشر بالقتل والذبح والدماء
الاسلام دين الإرهاب
***************
جميل جميل جميل
هؤلاء هم المتأسلمون الإرهابيون الأوغاد الذين يشوهون صورة الإسلام في العالم كله
هؤلاء هم سبب نكبة الإسلام في العالم كله ووكستنا نحن في بلادنا
***************
شكرا على إعلان نفسك
وكشفها على هذا النحو

أشرف حمدي said...

لولا

طبعا مافيش مانع وده شيء يسعدني
وسعيد أيضا بتعليقك واهتمامك
تحياتي

سالي محمد said...

عارف الموضوع ده فكرنى بدكتور عندنا ف الكليه من أكبر المتحرشين اللى شفتهم ف حياتى وأول واحده حاول معاها جات وقالتلى وكانت ناويه تروح لرئيس القسم قلتلها ملهاش لازمه لانه ساعتها حيبصلك من فوق لتحت(بصراحه البنت جميله ولابسه شيك اوى)وحيقلك كلام ملهوش لازمه
من احسن الدكاتره فى الشرح
تحرش الدكتور بطالبه لابسه (خمار)
تحرش من بعيد لبعيد بفتيات أقباط
لاشى وجود صديقتنا المنتقبه
مصر أن أذهب انا وصديقتى الى مكتبه (لوحدنااااا) عشان هوا زعلان مننا
اوى عشان اتكلمنا ف المحاضره
ربنا يهده البعيد ويحققلى حلمى فيه:انه يعيش زيي زيه
وسملي بالقوى على الاخلاق...اااااااااه يابلد

أشرف حمدي said...

سالي محمد
ومين سمعك
ده كان عندنا دكتور بيتحرّش بالولاد كمان :) ما سابوش

التحرش في الامتحانات الشفوي والعملي بالبنات كتير قوي على فكرة

إذا كان دكتور الجامعة بيعمل كده
أمال بعجورة الأعور يعمل ايه ؟

فنان مسلم said...

"نحكم عقلنا .. نتحرش كلنا "

M!DO said...

مدام سمحتلي بقى يا باشا على الإطالة فأنا عاوز أذكر حاجة كدة هفت في تفسي بعد ما قريت تعليق سالي ..
كان في كليتنا دكتور كبير أوي و تقيل أوي في مادته و رئيس قسم كمان ... كان كيفه متفهمش ليه إنه لازم لو بيكلم بنت محجبة يعد يلمح تلميحات سافلة ... و كان مع البنات المش محجبين عادي .. أنا حصل أًدامي موقف قبل كدة كانت بنت بتسلم لوحات و كدة عشان تقييم الميدترم .. فالبنت لابسة سلسلة على صدرها فيها طيارة .. فا هو بصلها و قاللها الله حلوة أوي السلسلة دي .. فالبنت بكل ذوق قالتله إتفضل يا دكتور .. الراجل أد أبوها راح باصصلها بصة مانساهاش و قاللها .. بس أكيد المطار أحلى!
طبعاً أنا كنت واقف و كان فيه ناس غيري و البنت وشها جاب ألوان و دم و معرفتش ترد ... و ده مثال فقط لا غير!
بص الصراحة كانت آخر سنة في الكلية أنا فيها كان محترم أوي بس أنا عرفت ليه D: واحدة برضه عمل معاها موقف كدة فجابت أخوها إصطاده لما خرج بالعربية و دشدشله العربية و حطله ورقة عليها كاتب فيها إبقى إحترم بنات الناس يا محترم! D: طبعاً ده اللي إتحكالي يعني بس بصراحة أنا صدقت إكمنه مبقاش بييجي بعربية بعد كدة D:
يلا يا باشا بجد عاوزين نعمل موضوع جمعية نهى رشدي دي .. لما الناس يحسوا إن فيه ناس منهم عاوزين ياخدلهم حقهم و يقفوا معاهم .. أكيد أكيد هيحصل فرق و لما فعلاً يحسوا بإن الموضوع ده مينفعش يتسكت عليه هيتحركوا بس لازم حد يبتدي و الناس تمشي وراه .. هية دي بلدنا بس إشطة يعني بنحبها برضه و عايزنها تبقى أحسن
طولت عليك ولا حاجة p: إشطة أنا برسم كاريكاتير برضه على فكرة ;)

fashkool said...

شوف يا كاراكوظ : الحجاب والاسدال والذى منه اصبح ليس مظهر دينى ولكنه اصبح طقس اجتماعى .. يعنى اصبح زى وخلاص .. شوف مصممى الازياء اللى بيصمموا الحجاب والازياء اللى بيلبسوها على راسهم .. يعنى الحكايه بقت سبوبه .. اما الطبيب المصرى الله يكون فى عونه .. بس يستاهل ... هما دول ناس الواحد يساعدهم او يقف جنبهم .. دول نازيين واكتر من النازيين .. وبعدين احنا ليه اكل العيش عندنا مر وبيجبرنا على اللى أمر .. هما كانوا مش لاقيين الفتافيت .. وبعدين ربنا اداهم .. اما احنا امتى ربنا يدينا وما نحتاجش نشتغل عند ده ولا عند ده .. يا اخى والله احنا عندنا خير كتير زيهم واكتر منهم .. بس احنا عمرنا ما حنعيش زى بقية الناس .. حتى لو نهر النيل تحول الى نهر من ذهب

ياسمين نعمان said...

أستاذ أشرف ..
أنا مختلفة مع فكرة ان احنا نحصر المشكلة كلها في طرف واحد و هم الشباب .. أنا معاك طبعا في فكرة انهم لازم يكون عندهم أخلاق تمنعهم منالتصرف بشكل خاطئ حتى لو كل الظروف حولهم بتدفعهم لكدة .. بس أنا شايفة ان الموضوع أكبر من كدة ..
المشكلة فيها أطراف كتير و لو اهتمينا فقط بتقويم طرف واحد يبقى مش هنحل المشكلة ..
شوف ربنا سبحانه و تعالى لما اتكلم عن الوسائل اللي تخلي مجتمعنا نظيف و محترم قال ايه في سورة النور ..
"قل للمؤمنين يغضوا من أبصارهم و يحفظوا فروجهم ذلك أزكى لهم"
و لم يسكت الهدي القرآني عند هذا الحد .. الآية اللي بعدها علطول..
"و قل للمؤمنات يغضضن من أبصارهن و يحفظن فروجهن و لا يبدين زينتهت إلا ما ظهر منها .. "الى آخر الآية اللي اتكلمت عن الحجاب و عن مين هم المحارم بالتفصيل
و بردو مش بس كده لأن ربنا سبحانه و تعالى أعلم بأن الموضوع أكبر من مجرد شاب محترم بيغض بصره و بنت بتغض بصرها و محترمة في لبسها .. في أطراف أخرى ربنا وجه لهم الكلام .. الآية اللي بعدها علطول للأهالي
"و أنكحوا الأيامى منكم و الصالحين من عبادكم و إمائكم إن يكونوا فقراء يغنهم الله من فضله"
يعني يطالب الأهل انهم ييسروا الزواج ولا يغالوا في مطالبهم .. و بعد كدة بيرجع تاني الخطاب للمؤمنين و يقولهم ..
"و ليستعفف الذين لا يجدون نكاحا حتى يغنيهم الله من فضله"
و من الناس اللي ربنا خاطبهم أيضا في سورة النور الناس اللي بيعملو أفلام خارجة أو فيديو كليبس أو أي حاجة بتنشر أفكار سيئة في المجتمع
"إن الذين يحبون أن تشيع الفاحشة في الذين آمنوا لهم عذاب أليم في الدنيا و الآخرة"
ده غير آداب أخرى كثيرة في سورة النور و هي آداب الإستئذان .. و النهي عن رمي المحصنات و النهي عن الزنا و تغليظ عقوبته ..
مينفعش بعد كل الكلام ده نتصور ان طرف واحد فقط من أطراف المشكلة هو اللي عليه كل المسؤولية .. كل طرف زي ما له حقوق عليه واجبات
و فكرة الحجاب .. أنا عارفة ان في بنات مش محجبة خالص أو حتى محجبة حجاب مش صح .. و أنا لا أقول أن هؤلاء يمكن لأحد أن يعتدي عليهن و انه ميبقاش غلطان .. لأ طبعا، لأن أي شخص لازم يكون عنده أخلاق و عفة تجعله يتصرف بخلق عالي حتى لو من حوله يدفعونه للعكس ..
و بعدين في حاجة اسمها لبس محتشم و محترم يمكن لمن لا ترتدي الحجاب سواء لأنها غير مسلمة أو لأي سبب آخر أن ترتديه .. و أنا لي صديقات مسيحيات و محترمات جدا في لبسهم ..
المهم ان كلنا نحس ان عشان مجتمعنا يبقى نضيف فعلينا كلنا ان نقوم بواجباتنا ..
آسفة للإطالة

Khalil said...

السلام عليكم
و الله يا أشرف انا بقالى فترة بتابع موضوعاتك و مش بعلق بسبب ضغط الشغل
لكن الأخ اللى أسمه
"لا رقابة"
مقدرتش امسك نفسى و نفسى أرد عليه
يا أخى قارن بين أسلوبك و بين أسلوب فنان مسلم
الراجل بيتكلم بمنتهى الموضوعية
و على فكرة كمان .. أنت اللى بتحاول تنتصر لنفسك
انت سايب الموضوع الأساسى .. و عمال تهاجم فى شخص كاتب الموضوع .. و تشكك فى أخلاقة و فى دينة و فى دوافعه
حتقوللى ان انا كمان مقريتش كلامك بشكل متأنى؟
لأ راجع انت كلامك حتلاقى ان معظم كلامك بيحاول يشكك فى شخص كاتب الموضوع مش فى الموضوع
و معظم المواضيع اللى تطرقت اليها خارج موضوع التدوينة الأساسى

أنا احيى فنان مسلم على فهمه الصحيح لأصول الإختلاف فى الرأى
و أتمنى من الجميع ان يكونوا على نفس المستوى من رقى الحوار و أدب الإختلاف

عذراً يا أشرف للإطالة

أشرف حمدي said...

أثناء تبادل الآراء حول هذه التدوينة تم إرتكاب حادثة تحرّش جديدة في شارع الملك فيصل محطة الطالبية من سواق ميكروباس لفتاة تدعى شيماء ، الجدير بالذكر انها محجبة ومحتشمة كما ظهرت في برنامج الحياة اليوم

يعني هو مافيش فايدة في اللي بيحصل ؟ الراجل أتهبد 3 سنين ده غير الغرامة والبنت ماشية محتشمة وبرضه مافيش فايدة

طبعا حدثت مهازل في قسم العمرانية والفتاة تقول بانها ندمت على قيامها بالإبلاغ !!! دي مصيبة تانية بقى
أصلها ناقصة
كل ما نتقدم خطوة نرجع خطوتين

آآآآآآه يا نافوخي

م/ الحسيني لزومي said...

شارك في الحملة الشعبية للقيد بالجداول الانتخابية وادعو غيرك.
ضع بنر الحمله علي مدونتك.
البنر موجود علي مدونتي

هرطقة said...

لا أعتقد أنى سأضيف جديدا بتعليقى على التدوينة
هى رائعة فعلا
فى رأيى أن المتحرش لا يختلف كثيرا عمن يسير بسيارته فى الاتجاه المعاكس
كلاهما يفعل ما لا يصح لمجرد أنه يقدر على ذلك
كلاهما يفتعل المبررات لأفعاله
والواقع أن التبرير الوحيد هو انعدام التحضر
ثقافة البلطجة والهمجية (ان صح تسميتها بالثقافة) وفى رأيى أن الجنس.. أو الشهوة ليست العامل الرئيسى فى هذه الجريمة
هو تنفيس عن قهر لا كبت يخرج فى هذه الصورة
تذكر أقوال نهى عن ضحكة المجرم الشامتة

nightS said...

ماكنت متوقعة هيدا الكلام من رجل..
,وما كنت متوقعة التعليقات هيدي كمان من رجال
شكراً..الدنيا بعدها بخير إذا هيك
:)

Anonymous said...

مدونتك جميلة و فيها أفكار..مش كلها صح لكن تعدي..يعني عجبني رأيك حول التدين الشكلي الذي نعيشه و في حاجات تانية ماعجبتنيش..ده رأيي طبعا و أنا حر فيه..لكن بالنسبة للموضوع ده بالذاااااات ليا تعليق:

بص يا أشرف:
لما تقارن لازم تقارن بين متماثلين,يعني زي ما بيقولو الجماعة اللي بتستشهد ببلابيصهم : تفاحة لتفاحة.

أنت تقارن مجتمع يعيش أصلا و يقتات على الرذيلة و لا توجد فيه أي موانع و لا محرمات بمجتمع فاضل(إلى حد كبير) طاهر تقوم علاقاته الجنسية على أسس من الدين و الشرع و القانون و يرفض بشدة أي وسيلة أخرى .

عند كسر باب مغلق أمام شباب مكبوت جنسيا لأسباب كتيرة (مثل رفع سن الزواج بسبب الحالة الإقتصادية السيئة و التعليم الذي يستهلك فترة طويلة من عمر الشاب و طريقة التربية الحديثة التي تجعل بغلا عمره 21 سنة عالة على والديه...الخ) ستجد كثيرين (في غياب الوازع الديني) ينحرفون إلى الزنا و التحرش..

لكن هذا التفسير يظل قاصر ما لم تضف له عامل آخر مهم..ما الذي يجعل الفتاة تخلع ملابسها و تظهر مفاتنها ؟

هذه الأجزاء من جسمها ما الغرض من إظهارها إلا الإثارة الجنسية لشباب محتقن مكبوت ؟

هل من المعقول أن نحارب إدمان المخدرات بالقبض على و عقاب المدمنين أم يكون بالقبض على المدمن و التاجر ؟

هل من المعقول أن أقبض على المتحرش و أترك المجرمة التي خرجت في الشارع كاشفة عن ما لا يحل لها أن تكشفه متسببة في تعب و إثارة الشباب ؟

أنا لا أقصد أن أدافع عن التحرش فهو جريمة يستحق مرتكبها قطه إيده ..لكن قل لي بالله عليك.. هل تلوم الجائع على أن هرب بقطعة لحم أم تلوم الذي أخذ (يحنس) فيه باللحم و تركه جائعا مثارا؟


البعض يدعي أنه حتى المحجبات لم يسلمن من التحرش..و أنا معك..و هذا لسببين:

1- بعض المحجبات سلوكهن أوسخ و أردأ من سلوك العاهرات في الشارع للأسف الشديد .
2- (فلو تركوهم و ما أرادو هلكو جميعا و إن أخذو على أيديهم نجوا و نجوا جميعا) حديث السفينة..
لم يقم المجتمع بما يجب عليه من واجب النصح بالترغيب و الترهيب و اللين و الشدة نحو اللواتي كسرن عادات و تقاليد و أعراف و أخلاق و دين مجتمعنا و تمردن عليها .. و النتيجة نار التحرش التي يكتوي بها كل المجتمع.

أرجو أن تكون الفكرة وصلت.. و ألا يفهم أي (دعدور)إني مع التحرش..أبدا و الله..بس أتمنى كلامي يتفهم.

Counter