Total Pageviews

Wednesday, October 15, 2008

تاكسي الشرطة



الخميس الماضي كنت في طريقي لمجلة صباح الخير ، كالعادة أمر على قسم قصر النيل سيرا في طريقي لشارع قصر العيني ، وما حدث أنني وجدت ضابطا يصيح بعسكري أمام القسم : وقّف العربية اللي جاية هناك دي ، ربما كان كمينا من نوع ما ، نظرت خلفي لأجد عربة أجرة \ تاكسي أوقفها العسكري ببندقيته ، توجه إليها الضابط وفتح الباب وجلس بجانب السائق وأمره بالقيادة ، بس خلاص

أجب عن ثلاثة من هذه الأسئلة على الأقل
واحد : إلى أين سيذهب الضابط مستقلا عربة التاكسي ؟
إثنان : هل سيدفع الأجرة ؟
ثالثا : في حالة دفع الأجرة ، هل سيكون ذلك من خلال قراءة العداد أم بالتراضي كما نفعل جميعا ؟
رابعا : السائق لم يتبادل أي حديث من أي نوع مع الضابط ، علل
خامسا : ماذا لو إعترض السائق على المكان الذي يريد الضابط الذهاب إليه ، من المنطقي أن يسأل الزبون مثلا : إمبابة ياسطى ؟ فإما ان يوافق وإما أن يرفض
سادسا : هل لهذا الموقف أي علاقة بإلغاء عبارة : الشرطة في خدمة الشعب ؟
ترسل الإجابات على صفحة التعليقات الخاصة بهذا الموضوع ، حظا سعيدا

21 comments:

Anonymous said...

بسم الله الرحمن الرحيم

ج1: اكيد هيروح مطرح ما هو عايزز
ج2: مظنيش هيدفع حاجة
ج3: ده في حالة الدفع ولو اني مأظنش انو هيحصل . بس برضه هيدفع اللي هو عايزه
ج4: المسكين قاعد بيفكر اذا كان في مراحيض في طريقه وهو راجع وال يعدي عالبيت يغير البنطلون والـ.... بعد الطريقة الشنيعة اللي العسكري وقفه بيها.
ج5: مش فارقة بقى المهم الظبوط الكتكوت ميشمش حاجة
ج6: احم احم ههههههيييييييييييي هاهاهاهاهاهاها ههههههههههههههههاي خخخخخخخخخخخخخخخخ اهئ اهئ اهئ عااااااااااا عاااااااااااا حرام علييييييييك احذف السؤال ده والنبي

Anonymous said...

هاي أشروف
تصحيح بسيط
انا مقرأتش كلمة (إلغاء) في سادسا
يبقى كده ج6: هو كان في في بلدنا الغالي عبارة بتقول كده أصلا؟؟؟

والنبي ابقى قولي انا خدت كام؟؟

أشرف حمدي said...

ههههههههههههه
إجابات ممتازة يا ام كوكي والله العظيم ، لذيذة جدا
10\10 لأم كوكي

اللي بعدووووه
اللي بااااعدوووووه

TAFATEFO said...

ج1: أما سؤال غريب أوي ..هيتفسح بالعربيه شويه مثلاً!! .. عايزه يعطل العداله ويقصر في تأدية واجبه علشان المجند ابن ستين في سبعين واخد البوكس من الصبح علشان يوصل البيه الصغير ابن الباشا الظابط مدرسته .. ويوضل الهانم الصغيره مرات الباشا الظابط الشغل .. ويجيب للهانم الكبيره مرات الباشا الظابط الخضار من السوقو الجرانين و1/8 قهوه محوج .. ويروح البيت يغسل وينظف الخضار للهانم الصغيره علشان يروح شجيبها من الشغل الساعه عشره ترجع تلاقي الخضار جاهز .. والساعه بقت تسعه ونص وابن ستين في سبعين .. لسه بسلامته مرجعش

يعطل العداله الظابط علشان المجند المهمل المستهتر لسه مرجعش
!!!!!!!!!!!!!! أعوذ بالله من ده شعب يا أخي

ج2: ما هو ده اللي ناقص؟! بذمتك مش مكسوف من نفسك وانت بتقول كده؟؟ يعني هو مضحي براحته وسعادته وسايب الناشطين اللي متاويهم في القسم يستريحوا ساعه (قسم قصر النيل هو قبلة كل المعتقلين) لا يلطش فيهم ولا يحرق جتتهم ولا يعذبهم .. ومضحي بمتعته في الحياه وعايزه يدفع أجره .. يا أخي اتقي الله بقى

ج3: مش هرد عليك .. علشان سؤالك ده يدل على عدم تقديرك للمسؤولية الملقاه على كاهل ظابط الشرطه الذي من واجبنا أن نساعده وأن نبذل كل رخيض وغالي من أجل راحته وإسعاده وتهشيكه إذا لزم الأمر .. ده السواق المفروض يستناه قدام الكازينو .. قصدي قدام الهدف .. على ما يخلص مهمته ويرجعه للقسم سالم غانم

ج4 : حفاظاً على سرية المهمه .. سواق محترم ومقدر للمسؤوليه ويتمتع بوطنيه عاليه وحس وطني حفاز .. مش عايز يقطع تركيز سعادة البائا الظابط ولا عايز يعرف معلومات عن طبيعة المهمه حفاظاً على السريه والكتمان

ج5: ما ده اللي ناقص .. عايزه يفشي أسرار من شأنها الإخلال بالأمن العام .. وقلب نظام الحكم .. والتأثير على الاقتصاد المصري .. والتسبب في خسائر اقتصاديه بسبب تسريب شائعات عن طبيعة المهمه .. وإتاحة الفرضه للدهماء والغوغاء لأخذ الحيطه والحذر .. لأن أكيد سواق التاكسي اللي من الشعب ممكن يبلغ اخوانه من الدهماء والغوغاء الشعب عن طبيعة ومكان المهمه علشان الخليه تاخد حذرها

خسئت

ج6: لا طبعاً .. الشرطه خرمت الشعب
دي حاجه معروفه يعني

الشرطه والشعب في خدمة الوطن
ظابط الشرطه .. وسواق التاكسي .. والمعتقلين والمضروبين والمسحولين والمحروقين والغرقانين والميتين والصاحيين في خدمة الوطن

... amr said...

بسم الله الرحمن الرحيم
الاسم : عمرو فتحي
رقم الجلوس : 6898079
السؤال الاول .... سيذهب الضابط الى اي مكان يود الذهاب الية ... القسم ... النيابة ... ش السودان (( حاطين كمين هناك والباشا ملحقشي الميني باص ))

السؤال الثاني : الباشا مش بيدفع اجرة .... وبمزاج سواق التاكسي على فكرة :)) عشان بس محدش يقول حاجة

السؤال الثالث : في حال اراد السيد الضابط ان يتكرم بدفع الاجرة .. فممكن يدور بينهم الحوار دة ...
الضابط : عايز كام يا اسطى
السائق : يا باشا عيب اللي بتقولة دة ... دة التاكسي بتاعك
الضابط : ... لا يا اسطى ... المشوار دة بتاخد فية كام ؟؟
السائق : يا باشا اللي تحب تدفعة
الضابط : امسك يا اسطى ( 2 جنية ) ..مرضي ...
السائق : ... فضل و نعمة يا باشا .. بالسلامة .... بالسلامة يا باشا

السؤال الرابع : السائق لم يتبال اي حديث مع الضابط لان الضابط كان يتحدث في الموبايل ... و لما خلص ... شغل الميوزيك بلاير بتاع التليفون و كان بيسمع اغنية مؤثرة اوي للفنان طارق الشيخ .... الاغنية كان اسمها ..... اجرررررررررح

السؤال الخامس :
دة المنطقي مع الناس اللي زيكوا يا بابا !! . . . . متاسف يا استاذ .. انا بنقل كلام الضابط .
السؤال السادس : اكيد لا طبعا !!! و بعدين همكا غيروا العبارة لما غرقت سياتك ... مش كدة ولا اية ؟؟؟؟؟



انا ساقط انا عارف :))))) كل سنة و انت طيب يا عم اشرف

أشرف حمدي said...

tafatefo
يخرب بيتك بحق جاه النبي
... احم احم
ومن هذا المنبر التدويني أعلن عدم مسئوليتي عن نشر أية تعليقات واعطي الأخ المدعو تفاتيفو عشرة من عشرة

أشرف حمدي said...

amr
ههههههههههههههههههههههه
أديك
99.9%
ايه ؟؟؟ عاوز تاخد أكتر من الرئيس ؟
أقصد الرئيس العراقي السابق طبعا

فاروق عادل said...

ج1:

انا كنت هجاوب بس ام كوكى اوفت بالغرض

أشرف حمدي said...

شكلك مش حتاخد الثانوية العامة يا طالب ثانوي :)

بهزر ماتخافش من الفال

أشرف حمدي said...

شكلك مش حتاخد الثانوية العامة يا طالب ثانوي :)

بهزر ماتخافش من الفال

فاروق عادل said...

لا ياعم هجاوب انا كمان

1-هيروح المكان اللى سعادتة عاوزة
2-لا طبعا المفروض الشعب يخدم الشرطة علشان يعرفوا يادوا واجبهم الوطنى فى حماية امن البلاد

3-لا متقلقش مش هيدفع الاجرة ولو كدة ممكن يعمل زى فيلم هى فوضى يديلة تمن المواصلات ويعملة عشرين غرامة

4-نفس اجابة السؤال الثانى

5-هيتعملة عشرين غرامة وهيتسوح فى اقفسام الشرطة وفى الاخر هيروح العباسية

6-طبعا لان العبارة بقت الشعب فى خدمة الشرطة

هبعتلك رقم تليفونىوالعنوان على الميل علشان تعرف تدينى الجائزة

فاروق عادل said...

ادينى جاوبت ياعم اشرف

أشرف حمدي said...

تمام يا باشا
كده مجموعك يدخلك كلية الشرطة

Unknown said...

هههههههههههههه

واحد : إلى أين سيذهب الضابط مستقلا عربة التاكسي ؟

هيروح المكان اللي يحبه حضرة الظابط


إثنان : هل سيدفع الأجرة ؟
لا طبعا و إلا هيتاخد مخالفه .. الشعب في خدمة الشرطه


ثالثا : في حالة دفع الأجرة ، هل سيكون ذلك من خلال قراءة العداد أم بالتراضي كما نفعل جميعا ؟
ما قولنا مش هيدفع بقي .. بس لو تكرم أكيد بالعداد :)

رابعا : السائق لم يتبادل أي حديث من أي نوع مع الضابط ، علل
لأنه لو اتكلم .. هيبات ف القسم

خامسا : ماذا لو إعترض السائق على المكان الذي يريد الضابط الذهاب إليه ، من المنطقي أن يسأل الزبون مثلا : إمبابة ياسطى ؟ فإما ان يوافق وإما أن يرفض
ليس له الحق في الرفض .. حيث أن هذا مكرمة من الله و نعمة المفروض يشكر ربنا عليها ..

سادسا : هل لهذا الموقف أي علاقة بإلغاء عبارة : الشرطة في خدمة الشعب ؟
لا طبعا .. ده بيديله هيبه في بين السواقين ..

حسبي الله و نعم الوكيل ..و تتحيا جمهورية مصر العربيه

سلام

مواطن مصرى نايم said...

واحشنى يا اشرووووف جدا و الله
بسم الله الرحمن الرحيم اجابة السؤال الاول
الاجابة رقم تلاته
جوانتانامو
و الثانى
لا ممكن ياخد من السواق فلوس كمان
و التالت
لا ممكن ياخد العداد و هو نازل من التاكسى كمان و حيكون بالتراضى مع السواق
و الرابع
اكيد السواق مش فاضى
و الخامس
لو اعترض السواق الظابط مش حياخده معاه عادى
حينزله و يروح لواحده
و السادس
هل للعباره الشعب و الشرطة فى خدمة الوطن علاقة بهذا الموقف

تحياتى يا اشروف

Unknown said...

اولا:الظابط هيروح الحتة اللى هو عايزها ولو معجبش يبقى زعفرااااااااان
ثانيا:هيدفع بس مش هيكون معاه مصارى مصرى وطبعا مش هيتاجر فى العملة فى قلب الشارع يبقى الله يسلمك
ثالثا:ماانا قلت لك بس ممكن السواق يوافق بقلمين وشلوط وتفة
رابعا:الراجل بيطبق قاعدة من خاف سلم ومتخلينيش افسر بقى
خامسا:لو اعترض يبقى هيوصله ورا الشمس ودى مشوارها بعيد والسواق معهوش بنزين
سادسا:اجابة السؤال دة انظر فى اى قسم بوليس ومش هتكلم الا فى حضور المحامى بتاعى

اهو ده عيبه said...

الاجابة المختصرة لكل اسئلتك يا استاذ اشرف
ان اللى ليه ضهر ميضربش على بطنه
يبقى لامن حق سواق التاكسى يسال فين
ولا ازاى ولا حياخد كام
ويعتبرها خدمه وطنية لمصر
ومتقولش ايه ادتنا مصر
سلام

أشرف حمدي said...

هههههههههههههههههههه
حرام عليكوا ، والله حرام اللي بيحصللي ده
طب قولولي أرسم إزاي كاريكاتير مع شعب على هذه الدرجة من خفة الظل :) ده انا ابقى رخم

هههههههههههههههههههههههههههههههههههههههههههههههههه انا حموت بجد ، تعليق مواطن مصري كمان تحديدا قنبلة

بس العجيبة انكم جميعا متفقين على رأي واحد ، انتوا بتغشوا من بعض ولا ايه ؟
هههههههههههه
اكتبوا انتوا بدالي بقى خلاص انا اعتزلت

M!DO said...

دوري بقى :)

إلى أين سيذهب الضابط مستقلا عربة التاكسي ؟

تلاقي المودام كلمته و سبتله الدين ولا حاجة ... مهي عارفة إن هي دي الطريقة الوحيدة اللي بتنفع معاهم .. و اللي يثبتلك ده اللي حصل أُدام عينك أهو :)


هل سيدفع الأجرة ؟

أجرة! من إمتى الشرطة بتدفع أصلاً! صباح الجمال!

في حالة دفع الأجرة ، هل سيكون ذلك من خلال قراءة العداد أم بالتراضي كما نفعل جميعا ؟

لا طبعاً لا ده ولا ده ... ده هيكون كرم زايد من حظابط طبعاً و ننحنيله بجباهنا و كاباتنا و بابا غنوجنا!

السائق لم يتبادل أي حديث من أي نوع مع الضابط ، علل

تبقى ماشي في أمان الله في الشارع تلاقي بندقية إترفعت عليك و ظابط بينط جنبك و بيقولك إطلع ... هتقوله فين مثلاً!! من أسس " التربية السليمة" إن لو ظابط قاللك إطلع ... يبقى تطلع و إلا هيطلع بقى حاجات تانية تبعك إنتا!!!

ماذا لو إعترض السائق على المكان الذي يريد الضابط الذهاب إليه ، من المنطقي أن يسأل الزبون مثلا : إمبابة ياسطى ؟ فإما ان يوافق وإما أن يرفض

D: الكلام ده مع الناس اللي زينا كدة يا باشا

هل لهذا الموقف أي علاقة بإلغاء عبارة : الشرطة في خدمة الشعب ؟

إيه ده D: هما لغوها!! طب مش يقولو طيب !! صباح الجمال !

أنا بقترح بقى بعد كدة يبقى التاكسي في خدمة الشرطة ... و يجعله عامر!

Empress appy said...

اقولك انا بس اقعد هنا وهات شاى وانا اقولك

السؤال الاول
اذا كان مش وراه مصيبه يبقى رايح للميكانيكى او البيت او هيجيب طلبات للمودام اى والله

السئال التانى
ما بين الخيرين حساب يا راجل بس غالبا هيديله تلاته جنيه اى كان المشوار ده لو ابن ناس يعنى
وعلى حسب لو لابس ملكى يبقى تلاته جنيه وانا ظابط يا ابن كذا
لو ميرى يبقى هيبص له بقرف مع التلاته جنيه

ثالثا
عداد عداد احنا منعرفش الكلمه دى غير فى عداد الكهربا انما تاكسيات يا راجل
هو من حقه لو الراجل مرضيش بالعداد يروحوا القسم

رابعا
جايز اخرس الله انت بتظلم الظابط ليه يا راجل


خامسا
=======
لو اعترض قولت لك يروح يشتكى الظابط فى القسم وانا فى الحاله دى بقوله الشكوى لغير الله مزله يا اسطى
بس حته جد انت من حقك تركب التاكسى ويوديك على المكان اللى انت عاوزة ومش من حقه يرفض اعمل انت بس كده واوعى تتصل ل بيه اجيبك من القسم ههههههههه

سادسا
========
لا ده له علاقه بكلمه الشعب فى خدمه الشرطه وروكسى ومصر الجديده والقصر وانا وانت وابقى قابلنى يا جدع

Zika said...

انا مش هجاوب عالاسئله دي ياعم
انت مش شايف المراقب بيبصلي ازاي
ياعم دول ايديهم تقيله
انا مالياش دعوه
انا لو سواق تاكسي
اسيبه يركب بعدين اطلع كوبري قصر النيل وارمي نفسي بالتاكسي وبيه من فوق
نفسي سواقين التاكس يتعاطفو معانا
نحن اهالي امبابه الكرام
ده انا بقف بالساعه علي بال ما يتواضع احد الاخوه سواقين التاكسي ويقولي
ماشي بس هاخد 20 جنيه
وانا طبعااقوله سكتك خضرا
لحد ما ييجي واحد مغلوب علي امره ياخد 10 جنيه وطول ماهو ماشي يعد يشتم ويسب ويقول انا ايه بس اللي دخلني امبابه
اوفففف
استغفر الله العظيم
اوففففففففففففففف

Counter